ದುಬಾರಿ ಹೇರ್ ಪ್ರಾಡಕ್ಟ್ ಬೇಡ... ಅಕ್ಕಿ, ಈರುಳ್ಳಿಯಿಂದ ಬಿಳಿ ಕೂದಲನ್ನು ಶಾಶ್ವತವಾಗಿ ಕಪ್ಪಾಗಿಸಿ

ದುಬಾರಿ ಹೇರ್ ಕಲರ್ ಅಥವಾ ಪ್ರಾಡಕ್ಟ್ ಬಳಕೆಯ ಅವಶ್ಯಕತೆ ಇಲ್ಲ. ನಿಮ್ಮ ಮನೆಯಲ್ಲಿರುವ ಸಾಮಾಗ್ರಿಗಳನ್ನು ಬಳಸಿಯೇ ಬಿಳಿ ಕೂದಲನ್ನು ಸುಲಭವಾಗಿ ಕಪ್ಪಾಗಿಸಬಹುದು. 

ಮನೆಯಲ್ಲಿರುವ ಅಕ್ಕಿ, ಈರುಳ್ಳಿ, ಕಾಫಿಪುಡಿ ಮತ್ತು ಶಾಂಪೂವನ್ನು ಬಳಸಿ ಬಿಳಿ ಕೂದಲನ್ನು ಸುಲಭವಾಗಿ ಕಪ್ಪು ಬಣ್ಣಕ್ಕೆ ತಿರುಗಿಸಬಹುದು. 

ಮೊದಲಿಗೆ 1 ಸ್ಪೂನ್ ಅಕ್ಕಿಗೆ ಮೂರ್ನಾಲ್ಕು ಸ್ಪೂನ್ ನಷ್ಟು ನೀರು ಹಾಕಿ ಅದನ್ನು ಅರ್ಧಗಂಟೆ ನೆನೆಯಲು ಬಿಡಿ. 

ಸಣ್ಣ ಗಾತ್ರದ ಈರುಳ್ಳಿಯ ಸಿಪ್ಪೆ ತೆಗೆದು ಸಣ್ಣಗೆ ತುರಿದು ಶುದ್ಧವಾದ ಬಟ್ಟೆಯಿಂದ ಅದರ ರಸ ತೆಗೆದುಕೊಳ್ಳಿ. ಅದೇ ರೀತಿ ನೆನೆಸಿಟ್ಟ ಅಕ್ಕಿ ನೀರನ್ನು ಸಹ ಶೋಧಿಸಿಕೊಳ್ಳಿ. 

ಮೂರು ಸ್ಪೂನ್ ಅಕ್ಕಿ ನೀರು, ಒಂದೂವರೆ ಸ್ಪೂನ್ ಈರುಳ್ಳಿ ರಸ ಒಟ್ಟಿಗೆ ಹಾಕಿ ಒಂದು ಸ್ಪೂನ್ ಕಾಫಿ ಪುಡಿ ಬೆರೆಸಿ. ಸಣ್ಣ ಗಂಟೂ ಇಲ್ಲದಂತೆ ಮಿಕ್ಸ್ ಮಾಡಿ.  ಅರ್ಧದಿಂದ ಮುಕ್ಕಾಲು ಚಮಚ ಶಾಂಪೂ ಬೆರೆಸಿ ಅದನ್ನೂ ಚೆನ್ನಾಗಿ ಮಿಶ್ರಣ ಮಾಡಿ. ಬಳಿಕ ಈ ನೈಸರ್ಗಿಕ ಹೇರ್ ಕಲರ್ ಅನ್ನು ಕೂದಲಿಗೆ ಅನ್ವಯಿಸಿ ಒಂದು ಗಂಟೆ ಬಳಿಕ ಹೇರ್ ವಾಶ್ ಮಾಡಿ. 

ಅಕ್ಕಿ ನೆನೆಸಿಟ್ಟ ನೀರನ್ನು ಈ ರೀತಿ ಬಳಸುವುದರಿಂದ ಕೆಲವೇ ದಿನಗಳಲ್ಲಿ ಬಿಳಿ ಕೂದಲು ಕಪ್ಪು ಬಣ್ಣಕ್ಕೆ ತಿರುಗುತ್ತದೆ. ಜೊತೆಗೆ ಕೂದಲು ಉದ್ದವಾಗಿ ದಷ್ಟಪುಷ್ಟವಾಗಿ ಬೆಳೆಯುತ್ತದೆ. 

ಸೂಚನೆ : ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಇದನ್ನು ಖಚಿತಪಡಿಸುವುದಿಲ್ಲ.