ಲಂಡನ್‌ನಲ್ಲಿ ನೆಲೆಸಿದ್ರೂ ಬಿಡುತ್ತಿಲ್ಲ ಕರ್ನಾಟಕದ ನಂಟು! ಬೆಂಗಳೂರಿನ ಈ ಕಂಪನಿಯಲ್ಲಿ ಹೊಸ ಉದ್ಯಮ ಆರಂಭಿಸಿದ ವಿರಾಟ್‌ ಕೊಹ್ಲಿ... 40 ಕೋಟಿ ರೂ. ಹೂಡಿಕೆ!

1 /9

ಕ್ರಿಕೆಟ್ ಮೈದಾನದಲ್ಲಿ ಸಾಕಷ್ಟು ರನ್ ಗಳಿಸಿದ ವಿರಾಟ್ ಕೊಹ್ಲಿ, ಈಗ ವ್ಯಾಪಾರವೆಂಬ ಮೈದಾನದಲ್ಲಿಯೂ ಭರ್ಜರಿ ಆಟವಾಡುತ್ತಿದ್ದಾರೆ. ಕ್ರೀಡಾ ಸಾಮಗ್ರಿಗಳ ಉತ್ಪಾದನಾ ಕಂಪನಿ ಅಜಿಲಿಟಾಸ್ ಸ್ಪೋರ್ಟ್ಸ್‌ನಲ್ಲಿ 40 ಕೋಟಿ ರೂ. ಹೂಡಿಕೆ ಮಾಡಿದ್ದಾರೆ. ಈ ವಿಷಯದ ಬಗ್ಗೆ ತಿಳಿದಿರುವ ಮೂಲಗಳು ಈ ಮಾಹಿತಿಯನ್ನು ಮನಿ ಕಂಟ್ರೋಲ್‌ಗೆ ನೀಡಿವೆ.   

2 /9

ಅಜಿಲಿಟಾಸ್ ಸ್ಪೋರ್ಟ್ಸ್ ಕಂಪನಿಯನ್ನು ಪೂಮಾ ಇಂಡಿಯಾದ ಮಾಜಿ ವ್ಯವಸ್ಥಾಪಕ ನಿರ್ದೇಶಕ ಅಭಿಷೇಕ್ ಗಂಗೂಲಿ ಪ್ರಾರಂಭಿಸಿದ್ದಾರೆ. ಕೊಹ್ಲಿಯನ್ನು ಪೂಮಾದ ಬ್ರಾಂಡ್ ಅಂಬಾಸಿಡರ್ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸಿದ ವ್ಯಕ್ತಿ ಅಭಿಷೇಕ್.  

3 /9

ಪೂಮಾ ಜೊತೆಗಿನ ಕೊಹ್ಲಿಯ 110 ಕೋಟಿ ರೂ. ಒಪ್ಪಂದವು 2017 ರಲ್ಲಿ ಪ್ರಾರಂಭವಾಗಿ, ಎಂಟು ವರ್ಷಗಳ ಕಾಲ ಅಂದರೆ 2025 ರವರೆಗೆ ನಡೆಯಲಿದೆ ಎಂದು ವರದಿಯಾಗಿದೆ. ಈ ಒಪ್ಪಂದವನ್ನು ಈ ವರ್ಷ ಮತ್ತೆ 300 ಕೋಟಿ ರೂ.ಗೆ ಅಷ್ಟೇಟ್‌ ಮಾಡಲಾಗುತ್ತಿತ್ತು. ಆದರೆ ಈ ವರ್ಷದ ಆರಂಭದಲ್ಲಿ, ಕೊಹ್ಲಿ ಈ ಒಪ್ಪಂದದಿಂದ ದೂರ ಸರಿದಿದ್ದಾರೆ. ಈಗ ಅಜಿಲಿಟಾಸ್ ಜೊತೆ ಮುನ್ನಡೆಯಲು ನಿರ್ಧರಿಸಿದ್ದಾರೆ. ಕುತೂಹಲಕಾರಿಯಾಗಿ, ಈ ಬಾರಿ ಅವರು ಬ್ರಾಂಡ್ ಅಂಬಾಸಿಡರ್ ಆಗಿರುವುದು ಮಾತ್ರವಲ್ಲದೆ, ಕಂಪನಿಯ ಷೇರುದಾರರಾಗಿಯೂ ಪ್ರಮುಖ ಪಾತ್ರ ವಹಿಸಲಿದ್ದಾರೆ.  

4 /9

ಬೆಂಗಳೂರು ಪ್ರಧಾನ ಕಚೇರಿಯನ್ನು ಹೊಂದಿರುವ ಅಜಿಲಿಟಾಸ್, ಉತ್ಪಾದನೆಯಿಂದ ಚಿಲ್ಲರೆ ವ್ಯಾಪಾರದವರೆಗೆ ಎಲ್ಲವನ್ನೂ ಒಳಗೊಂಡಂತೆ ಭಾರತದಲ್ಲಿ ಕ್ರೀಡಾ ಸಾಮಗ್ರಿಗಳ ಸಮಗ್ರ ಪರಿಸರ ವ್ಯವಸ್ಥೆಯನ್ನು ರಚಿಸುವ ಗುರಿಯನ್ನು ಹೊಂದಿದೆ.   

5 /9

2023 ರಲ್ಲಿ, ಅಜಿಲಿಟಾಸ್ ಅಡಿಡಾಸ್, ಪೂಮಾ, ನ್ಯೂ ಬ್ಯಾಲೆನ್ಸ್, ಸ್ಕೆಚರ್ಸ್‌ನಂತಹ ಬ್ರ್ಯಾಂಡ್‌ಗಳಿಗೆ ಶೂಗಳನ್ನು ತಯಾರಿಸುವ ಮೊಚಿಕೊ ಶೂಸ್ ಅನ್ನು ಸ್ವಾಧೀನಪಡಿಸಿಕೊಂಡಿತು. ಕಂಪನಿಯು ಭಾರತದಲ್ಲಿ ಲೊಟ್ಟೊ ಬ್ರ್ಯಾಂಡ್‌ನ ಪರವಾನಗಿ ಹಕ್ಕುಗಳನ್ನು ಸಹ ಪಡೆದುಕೊಂಡಿದೆ.  

6 /9

ಇದರ ಹೊರತಾಗಿ, ಕಂಪನಿಯು ಕನಿಷ್ಠ ಮೂರು ಬ್ರಾಂಡ್‌ಗಳ ಪರವಾನಗಿಯನ್ನು ಪಡೆಯಲು ಯೋಜಿಸುತ್ತಿದೆ. ಅವುಗಳಲ್ಲಿ ಒಂದು ವಿರಾಟ್ ಕೊಹ್ಲಿಯ ಜನಪ್ರಿಯ ಬ್ರ್ಯಾಂಡ್ ಒನ್ 8 ಅನ್ನು ಒಳಗೊಂಡಿರುತ್ತದೆ. ಇದು ಕಂಪನಿಯ ಕಾರ್ಯಾಚರಣೆಗಳಲ್ಲಿ ಕೊಹ್ಲಿಯ ಪ್ರಭಾವವನ್ನು ಮತ್ತಷ್ಟು ಹೆಚ್ಚಿಸುತ್ತದೆ.  

7 /9

ಕಂಪನಿಯು ಕೊಹ್ಲಿಗೆ ಸುಮಾರು 3.6 ಲಕ್ಷ ಕ್ಲಾಸ್-2 CCPS (ಕಡ್ಡಾಯ ಕನ್ವರ್ಟಿಬಲ್ ಆದ್ಯತೆ ಷೇರುಗಳು) ಬಿಡುಗಡೆ ಮಾಡಿದೆ ಎಂದು ಮೂಲಗಳು ತಿಳಿಸಿವೆ. ಇದನ್ನು ಭವಿಷ್ಯದಲ್ಲಿ ಕಡ್ಡಾಯವಾಗಿ ಈಕ್ವಿಟಿ ಷೇರುಗಳಾಗಿ ಪರಿವರ್ತಿಸಲಾಗುತ್ತದೆ. ₹ 40 ಕೋಟಿ ಹೂಡಿಕೆಯು ಕೇವಲ ಆರಂಭ ಎಂದು ಮೂಲಗಳು ಹೇಳುತ್ತವೆ. ಕೊಹ್ಲಿ ಭವಿಷ್ಯದಲ್ಲಿ ಹೆಚ್ಚಿನ ಹೂಡಿಕೆ ಮಾಡುತ್ತಾರೆ ಮತ್ತು ಕಂಪನಿಯೊಂದಿಗೆ ಅವರ ಒಳಗೊಳ್ಳುವಿಕೆಯನ್ನು ಹೆಚ್ಚಿಸುತ್ತಾರೆ. ವಿರಾಟ್ ಅವರ ಹೆಸರು ಮತ್ತು ಅವರ ಬ್ರಾಂಡ್ ಮೌಲ್ಯ ಎರಡನ್ನೂ ಕಂಪನಿಯ ಬೆಳವಣಿಗೆಯ ಹೊಸ ಎತ್ತರಕ್ಕೆ ಕೊಂಡೊಯ್ಯುವ ಗುರಿಯನ್ನು ಕಂಪನಿ ಹೊಂದಿದೆ.  

8 /9

ವಿರಾಟ್ ಕೊಹ್ಲಿ ಈ ಹಿಂದೆ ಅನೇಕ ಸ್ಟಾರ್ಟ್ಅಪ್ ಕಂಪನಿಗಳಲ್ಲಿ ಹೂಡಿಕೆ ಮಾಡಿದ್ದಾರೆ. ಅವರು ಇಲ್ಲಿಯವರೆಗೆ ಡಿಜಿಟ್ ಇನ್ಶುರೆನ್ಸ್, MPL, ವ್ರೊಗ್ನ್ ನಂತಹ 10 ಕ್ಕೂ ಹೆಚ್ಚು ಹೊಸ ಯುಗದ ಸ್ಟಾರ್ಟ್ಅಪ್‌ಗಳಲ್ಲಿ ಹೂಡಿಕೆ ಮಾಡಿದ್ದಾರೆ. ಅಜಿಲಿಟಾಸ್ ಇದುವರೆಗೆ ಸುಮಾರು 600 ಕೋಟಿ ರೂ.ಗಳ ಹಣವನ್ನು ಸಂಗ್ರಹಿಸಿದೆ, ಇದರಲ್ಲಿ ಸ್ಪ್ರಿಂಗ್ ಕ್ಯಾಪಿಟಲ್, ನೆಕ್ಸಸ್ ವೆಂಚರ್ ಪಾರ್ಟ್‌ನರ್ಸ್ ಮತ್ತು ಮಾಜಿ ಕ್ರಿಕೆಟಿಗ ಯುವರಾಜ್ ಸಿಂಗ್ ಮುಂತಾದ ಹೆಸರುಗಳು ಸೇರಿವೆ.  

9 /9

ಸೂಚನೆ: ಜೀ ಕನ್ನಡ ನ್ಯೂಸ್ ಮೂಲಕ ತಜ್ಞರು/ದಲ್ಲಾಳಿ ಸಂಸ್ಥೆಗಳು ವ್ಯಕ್ತಪಡಿಸಿದ ಅಭಿಪ್ರಾಯಗಳು ಮತ್ತು ಹೂಡಿಕೆ ಸಲಹೆಗಳು ಅವರ ಸ್ವಂತದ್ದಾಗಿವೆ. ವೆಬ್‌ಸೈಟ್ ಮತ್ತು ಅದರ ನಿರ್ವಹಣೆಯದ್ದಲ್ಲ. ಯಾವುದೇ ಹೂಡಿಕೆ ನಿರ್ಧಾರ ತೆಗೆದುಕೊಳ್ಳುವ ಮೊದಲು ಪ್ರಮಾಣೀಕೃತ ತಜ್ಞರನ್ನು ಸಂಪರ್ಕಿಸಲು ಸುದ್ದಿ ಸಂಸ್ಥೆ ಬಳಕೆದಾರರಿಗೆ ಸಲಹೆ ನೀಡುತ್ತದೆ.