18 ವರ್ಷಗಳ ಕಾಯುವಿಕೆ ಬಳಿಕ ಐಪಿಎಲ್‌ ಗೆದ್ದ ಆರ್‌ಸಿಬಿ... ಯಾರು ಗೊತ್ತಾ ಇದರ ನಿಜವಾದ ಓನರ್‌? ವಿಜಯ್‌ ಮಲ್ಯ ನಂತರ ಬೆಂಗಳೂರು ಫ್ರಾಂಚೈಸಿ ಆಳುತ್ತಿರೋದು ಇವರೇ

ಕೊನೆಗೂ 18 ವರ್ಷಗಳ ಕಾಯುವಿಕೆ ಕೊನೆಗೂ ಅಂತ್ಯಗೊಂಡಿದೆ. ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ಮೊದಲ ಬಾರಿಗೆ ಟ್ರೋಫಿ ಎತ್ತಿ ಹಿಡಿದಿದೆ ಆರ್‌ಸಿಬಿ. ಈ ಸಂಭ್ರಮದಲ್ಲಿರುವ ಅಭಿಮಾನಿಗಳು ಸಂತೋಷದ ಕಣ್ಣೀರು ಸುರಿಸುತ್ತಿದ್ದಾರೆ. 

ಅಂದಾಗೆ ಅತಿ ಹೆಚ್ಚು ಅಭಿಮಾನಿ ಬಳಗವನ್ನೇ ಹೊಂದಿರುವ ಆರ್‌ಸಿಬಿಯ ವಾರ್ಷಿಕ ಆದಾಯ, ಆಸ್ತಿ ಮೌಲ್ಯ ಮತ್ತು ಓನರ್‌ ಯಾರು ಎಂಬ ಬಗ್ಗೆ ಈ ವರದಿಯಲ್ಲಿ ತಿಳಿಯೋಣ.

ಆರ್‌ಸಿಬಿ... ಇದು ಅದೆಷ್ಟೋ ಅಭಿಮಾನಿಗಳನ್ನು ಹೊಂದಿರುವ ಐಪಿಎಲ್‌ ತಂಡ. ಒಂದೊಮ್ಮೆ ವಿಜಯ್‌ ಮಲ್ಯ ಈ ತಂಡದ ಓನರ್‌ ಆಗಿದ್ದರು. ಆದರೆ ಭಾರತ ಬಿಟ್ಟು ಪಲಾಯನ ಮಾಡಿದ ನಂತರ ಈ ಫ್ರಾಂಚೈಸಿಯನ್ನು ಯುನೈಟೆಡ್ ಸ್ಪಿರಿಟ್ಸ್ ಲಿಮಿಟೆಡ್ ನೋಡಿಕೊಳ್ಳುತ್ತಿದೆ. 

ಈ ಫ್ರಾಂಚೈಸಿಗೆ ಇಲ್ಲಿಯವರೆಗಿನ ಒಂದೇ ಒಂದು ಪ್ರಶಸ್ತಿಯನ್ನು ಗೆಲ್ಲಲು ಸಾಧ್ಯವಾಗಿಲ್ಲ ಎಂಬ ಹಣೆಪಟ್ಟಿಯೊಂದಿತ್ತು. ಆದರೆ ಇಂದು ಆ ಅಪಮಾನ ಕೊನೆಯಾಗಿದೆ. 

ಆರ್‌ಸಿಬಿಯ ಮಾಲೀಕ ಸಂಸ್ಥೆ ಯುನೈಟೆಡ್ ಸ್ಪಿರಿಟ್ಸ್ ಲಿಮಿಟೆಡ್‌ ವಿಶ್ವದ ಪ್ರಮುಖ ಮದ್ಯ ಉತ್ಪಾದನಾ ಕಂಪನಿಯಾದ ಡಿಯಾಜಿಯೊ ಪಿಎಲ್‌ಸಿಯ ಅಂಗಸಂಸ್ಥೆಯಾಗಿದೆ.   

ಈ ಕಂಪನಿಯ ಒಟ್ಟು ಆಸ್ತಿ 2024ರಲ್ಲಿ ಸುಮಾರು $100 ಬಿಲಿಯನ್ ಇತ್ತು. ಇದರ ಪ್ರಧಾನ ಕಚೇರಿ ಬೆಂಗಳೂರಿನಲ್ಲಿಯೇ ಇದ್ದು, ಈ ಫ್ರಾಂಚೈಸ್ ಬೆಲೆ 2024ರ ವೇಳೆಗೆ ರೂ 1.025 ಬಿಲಿಯನ್ ಆಗಿದೆ.  

2008 ರಲ್ಲಿ ಶುರುವಾದ ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡವನ್ನು ವಿಜಯ್ ಮಲ್ಯ $111.6 ಮಿಲಿಯನ್‌ಗೆ ಖರೀದಿಸಿದ್ದರು. ಆ ಸಮಯದಲ್ಲಿ ಇದು ಎರಡನೇ ಅತ್ಯಂತ ದುಬಾರಿ IPL ತಂಡವಾಗಿತ್ತು. ಆದರೆ 2016 ರಲ್ಲಿ ವಿಜಯ್ ಮಲ್ಯ ಆರ್ಥಿಕ ಬಿಕ್ಕಟ್ಟಿನಿಂದಾಗಿ ದೇಶ ಬಿಟ್ಟು ಓಡಿಹೋಗುವಂತಾಯಿತು. ಅಷ್ಟೇ ಅಲ್ಲದೆ, ಯುನೈಟೆಡ್ ಸ್ಪಿರಿಟ್ಸ್ ಲಿಮಿಟೆಡ್ RCB ಯ ಸಂಪೂರ್ಣ ಮಾಲೀಕತ್ವವನ್ನು ಪಡೆದುಕೊಂಡಿತು. ಈಗ ಆರ್‌ಸಿಬಿ ಡಯಾಜಿಯೊ PLC ಅಡಿಯಲ್ಲಿ ಯುನೈಟೆಡ್ ಸ್ಪಿರಿಟ್ಸ್ ಲಿಮಿಟೆಡ್ ಒಡೆತನದಲ್ಲಿದೆ.