ಕೋಟಿ ಕೋಟಿ ಸಂಪಾದಿಸಿದ್ರೂ ಸಂಜು ಸಾಮ್ಸನ್ ಕಟ್ಟೋದು ಈ ಕೆಟ್ಟೋಗಿರೋ ವಾಚ್! ಯಾಕೆ ಗೊತ್ತಾ?

ರಾಜಸ್ಥಾನ ರಾಯಲ್ಸ್ ತಂಡದ ನಾಯಕ ಸಂಜು ಸ್ಯಾಮ್ಸನ್ ಸಾಮಾನ್ಯವಾಗಿ ಒಂದೇ ವಾಚ್ ಬಳಕೆ ಮಾಡುತ್ತಾರೆ. ಅಷ್ಟಕ್ಕೂ ಆ ವಾಚ್ ಕೊಟ್ಟವರು ಯಾರು? ಕೆಟ್ಟು ಹೋಗಿದ್ದರೂ ಅದನ್ನೇ ಬಳಕೆ ಮಾಡುತ್ತಿರುವುದು ಯಾಕೆ? ಈ ಎಲ್ಲಾ ವಿಚಾರಗಳ ಬಗ್ಗೆ ನಾವಿಂದು ಒಂದಿಷ್ಟು ಮಾಹಿತಿಯನ್ನು ನೀಡಲಿದ್ದೇವೆ.

ರಾಜಸ್ಥಾನ ರಾಯಲ್ಸ್ ತಂಡದ ನಾಯಕ ಸಂಜು ಸ್ಯಾಮ್ಸನ್ ಆ ವಾಚ್ ಬಗ್ಗೆ ಮಾಹಿತಿ ನೀಡಿದ್ದಾರೆ.

“ಕೈಯಲ್ಲಿರುವ ವಾಚ್ ತನಗೆ ಇದುವರೆಗೆ ಸಿಕ್ಕಿರುವ ಅತ್ಯಂತ ಪ್ರೀತಿಯ ಉಡುಗೊರೆ. ಚಾರು (ಪತ್ನಿ) ಅವರ ಸಹೋದರಿ ಮತ್ತು ಅವರ ಪತಿ ಮದುವೆಯ ಸಂದರ್ಭದಲ್ಲಿ ಉಡುಗೊರೆಯಾಗಿ ನೀಡಿದರು. ಇದು ಅರ್ಮಾನಿ ವಾಚ್. ಚಾರು ನನ್ನ ಮನೆಗೆ ಬಂದಾಗ ಕೊಟ್ಟ ಉಡುಗೊರೆಯಾಗಿ ಈ ವಾಚ್ ಇಟ್ಟುಕೊಂಡಿದ್ದೇನೆ” ಎಂದು ಸಂಜು ಬಹಿರಂಗಪಡಿಸಿದ್ದಾರೆ.

“ಈ ವಾಚ್ ಆನ್ ಆಗುವುದಿಲ್ಲ. ಚಾರ್ಜರ್ ಡೆಡ್ ಆಗಿದೆ. ಆದರೆ ನಾನು ಇನ್ನೂ ನನ್ನ ಸಂತೋಷಕ್ಕಾಗಿ ಇದನ್ನು ಧರಿಸುತ್ತೇನೆ” ಎಂದಿದ್ದಾರೆ.

“ಈ ವಾಚ್ ನನಗೆ ತುಂಬಾ ಆರಾಮದಾಯಕ. ಇದನ್ನು ಧರಿಸಿದರೆ ಖುಷಿ ಎನಿಸುತ್ತದೆ. ಇನ್ನು ನನ್ನ ಬಳಿ ಅಷ್ಟು ದೊಡ್ಡ ಕಲೆಕ್ಷನ್ ಯಾವುದೂ ಇಲ್ಲ. ಮೊದಲು ಕ್ಯಾಪ್’ಗಳನ್ನು ಸಂಗ್ರಹಿಸುತ್ತಿದ್ದೆ. ವಿದೇಶಕ್ಕೆ ಹೋದಾಗ ವಿವಿಧ ರೀತಿಯ ಕ್ಯಾಪ್’ಗಳನ್ನು ಖರೀದಿಸುತ್ತೇನೆ. ಇತ್ತೀಚೆಗೆ ಶೂಗಳ ಸಂಗ್ರಹವನ್ನು ಪ್ರಾರಂಭಿಸಲು ಯೋಚಿಸುತ್ತಿದ್ದೇನೆ” ಎಂದು ಹೇಳಿದರು.