Vastu Tips: ಸಾಲದ ಸಮಸ್ಯೆಗಳಿಂದ ಮುಕ್ತಿ ಬೇಕಾದ್ರೆ ಈ ಸಿಂಪಲ್‌ ಟ್ರಿಕ್ಸ್‌ ಫಾಲೋ ಮಾಡಿ

Financial Vastu tips: ಸಾಲದ ಹೊರೆಯಿಂದ ಯಾರು ಬಳಲುವುದಿಲ್ಲ ಹೇಳಿ... ಈ ಜಗತ್ತಿನಲ್ಲಿ ಅನೇಕ ಜನರು ಸಾಲದ ಸಮಸ್ಯೆಗಳಿಂದ ಬಳಲುತ್ತಿದ್ದಾರೆ. ಯಾರು ಎಷ್ಟೇ ಸಂಪಾದಿಸಿದರೂ ಅವರ ಮನೆಯಲ್ಲಿ ಸಾಕಷ್ಟು ಹಣವಿರುವುದಿಲ್ಲ. ಅವರ ಸಾಲಗಳು ದಿನದಿಂದ ದಿನಕ್ಕೆ ಹೆಚ್ಚುತ್ತಿವೆ. ಆದರೆ ಅಂತಹವರಿಗೆ ಇದು ಉತ್ತಮ ಮಾಹಿತಿ. ನಿಮ್ಮ ಎಲ್ಲಾ ಸಾಲದಿಂದ ಮುಕ್ತಿ ಬೇಕಾದರೆ ಕೆಲವು ವಾಸ್ತು ಸಲಹೆಗಳನ್ನ ಪಾಲಿಸಬೇಕು. 

ಅನೇಕ ಜನರು ಆರ್ಥಿಕ ಸಮಸ್ಯೆಗಳಿಂದ ಬಳಲುತ್ತಿದ್ದಾರೆ. ಕೆಲವರು ಹಣ ಗಳಿಸುವಲ್ಲಿ ವಿಫಲರಾಗುತ್ತಾರೆ, ಇನ್ನು ಕೆಲವರು ಕಷ್ಟಪಟ್ಟು ಸಂಪಾದಿಸಿದ ಹಣ ಫಲ ನೀಡದ ಕಾರಣ ಮಾನಸಿಕ ಖಿನ್ನತೆಗೆ ಒಳಗಾಗುತ್ತಾರೆ. ಎಷ್ಟೇ ಪ್ರಯತ್ನಿಸಿದರೂ ಮತ್ತೆ ಸಾಲದಲ್ಲಿ ಸಿಲುಕುತ್ತೇವೆಂದು ಅವರು ಚಿಂತೆ ಮಾಡುತ್ತಾರೆ. ಆದರೆ ಇಂತಹ ಆರ್ಥಿಕ ಸಮಸ್ಯೆಗಳಿಂದ ಬಳಲುತ್ತಿರುವವರು ಕೆಲವು ಪರಿಹಾರಗಳನ್ನ ಮಾಡುವ ಮೂಲಕ ಸಾಲದ ಬಲೆಯಿಂದ ಸುಲಭವಾಗಿ ಹೊರಬರಬಹುದು ಎಂದು ಜ್ಯೋತಿಷ್ಯ ತಜ್ಞರು ಹೇಳುತ್ತಾರೆ. ಅವು ಯಾವುವು ಎಂಬುದನ್ನು ವಿವರವಾಗಿ ತಿಳಿದುಕೊಳ್ಳೋಣ.

ಇದನ್ನೂ ಓದಿ: 70 ವರ್ಷಗಳ ಬಳಿಕ ಈ ರಾಶಿಯವರಿಗೆ ರಾಜಯೋಗ !ಕೈ ಇಟ್ಟಲೆಲ್ಲಾ ಹಣ, ಹೆಜ್ಜೆ ಇಟ್ಟರೆ ಯಶಸ್ಸು! ಎಲ್ಲಾ ಕಷ್ಟಗಳಿಗೂ ಬೀಳುವುದು ತೆರೆ

ಅನೇಕ ಜನರು ಬೆಳಗ್ಗೆ ತಮ್ಮ ಮನೆಯನ್ನು ಸ್ವಚ್ಛಗೊಳಿಸುತ್ತಾರೆ. ಆದರೆ ಕೆಲವರು ತಮ್ಮ ಮನೆಯ ಬಗ್ಗೆ ಹೆಚ್ಚು ಗಮನ ಹರಿಸುವುದಿಲ್ಲ. ಅವರು ತಮ್ಮ ವಸ್ತುಗಳನ್ನು ಮತ್ತು ಕಸವನ್ನು ಅಲ್ಲೇ ಇಡುತ್ತಾರೆ. ಆದರೆ ವಾಸ್ತು ಪ್ರಕಾರ, ತಜ್ಞರು ಅದು ಒಳ್ಳೆಯದಲ್ಲ ಎಂದು ಹೇಳುತ್ತಾರೆ. ಪ್ರತಿದಿನ ಬೆಳಗ್ಗೆ ಮನೆಯನ್ನು ಅಚ್ಚುಕಟ್ಟಾಗಿ ಸ್ವಚ್ಛಗೊಳಿಸುವ ಮೂಲಕ ನೀವು ಸಾಲದ ಸಮಸ್ಯೆಗೆ ಪರಿಹಾರ ಪಡೆಯಬಹುದು.

ಬೆಳಗ್ಗೆ ಎದ್ದ ತಕ್ಷಣ ಮನೆಯ ನಾಲ್ಕು ಮೂಲೆಗಳನ್ನು ಸ್ವಚ್ಛಗೊಳಿಸಿ. ಮನೆಯನ್ನು ಸ್ವಚ್ಛಗೊಳಿಸುವಾಗ ವಿಶೇಷವಾಗಿ ನಾಲ್ಕು ಮೂಲೆಗಳು ಯಾವುದೇ ಕೊಳಕು ಅಥವಾ ಧೂಳಿನಿಂದ ಮುಕ್ತವಾಗಿವೆಯೆ ಎಂಬುದನ್ನ ಖಚಿತಪಡಿಸಿಕೊಳ್ಳಿ. ನಂತರ ಸ್ನಾನ ಮಾಡಿ ಮನೆಯ ನಾಲ್ಕು ಮೂಲೆಗಳಲ್ಲಿ ಒಂದು ಚಿಟಿಕೆ ಉಪ್ಪು ಸಿಂಪಡಿಸಿ. ನಂತರ ದೇವರ ಕೋಣೆಯಲ್ಲಿ ದೀಪ ಹಚ್ಚಿ, ಸಾಲ ತೀರಿಸುವಂತೆ ದೇವರಲ್ಲಿ ಪ್ರಾರ್ಥಿಸಿ. ಬಳಿಕ ಭಕ್ತಿಯಿಂದ ಪೂಜೆಯನ್ನೂ ಮಾಡಿ. ಹೀಗೆ ಮಾಡುವುದರಿಂದ ನಿಮ್ಮ ಸಾಲ ಬೇಗನೆ ತೀರುತ್ತದೆ.

ಇದನ್ನೂ ಓದಿ: ಗಜಕೇಸರಿ ರಾಜಯೋಗ: ಈ ನಾಲ್ಕು ರಾಶಿಯವರಿಗೆ ಹಠಾತ್‌ ಧನಲಾಭ, ಅದೃಷ್ಟ ಹುಡುಕಿ ಬರಲಿದೆ!!

ಇದಲ್ಲದೆ ಪ್ರತಿದಿನ ಬೆಳಗ್ಗೆ ಎದ್ದ ನಂತರ, ಒಂದು ಲೋಟ ನೀರಿನಲ್ಲಿ ಕೆಲವು ತುಳಸಿ ಎಲೆಗಳನ್ನು ಹಾಕಿ ಆ ನೀರನ್ನು ಕುಡಿಯಿರಿ. ನೀವು ಯಾವುದೇ ಕೆಲಸವನ್ನ ಪ್ರಾರಂಭಿಸಿದರೂ ಅಥವಾ ಹೊರಗೆ ಹೋದರೂ ಅದು ಚೆನ್ನಾಗಿ ಆಗುತ್ತದೆ. ಇದು ಮನಸ್ಸಿಗೆ ಶಾಂತಿಯನ್ನು ನೀಡುತ್ತದೆ ಎಂದು ವಾಸ್ತು ತಜ್ಞರು ಹೇಳುತ್ತಾರೆ. ಶ್ರೀಮಂತರೂ ಸಹ ಸಾಲವನ್ನು ಹೊಂದಿರುತ್ತಾರೆ. ಆದರೆ ಆ ಸಾಲ ಅವರಿಗೆ ದೊಡ್ಡ ಹೊರೆ ಎನಿಸಿರುವುದಿಲ್ಲ. ಹೀಗಾಗಿ ಸಾಲ ಮಾಡಬೇಕಾದರೆ ಯೋಚಿಸಿ ಮಾಡಬೇಕು. ʼಹಾಸಿಗೆ ಇದ್ದಷ್ಟು ಕಾಲು ಚಾಚಿʼ ಎಂಬ ಗಾದೆ ಮಾತಿನಂತೆ ಸಾಲವನ್ನೂ ಸಹ ಬೇಕಾದಷ್ಟು ಮಾಡಬೇಕು. 

(ಗಮನಿಸಿರಿ: ಈ ಮಾಹಿತಿಯನ್ನು ಜ್ಯೋತಿಷಿಗಳು, ಪಂಚಾಂಗಗಳು, ನಂಬಿಕೆಗಳು ಅಥವಾ ಧಾರ್ಮಿಕ ಗ್ರಂಥಗಳಂತಹ ವಿವಿಧ ಮಾಧ್ಯಮಗಳಿಂದ ಸಂಗ್ರಹಿಸಲಾಗಿದೆ. Zee Kannada News ಇದನ್ನು ದೃಢಪಡಿಸುವುದಿಲ್ಲ.)