ಮುಟ್ಟಾದ ಮಹಿಳೆಯರು ಮಹಾ ಶಿವರಾತ್ರಿ ಉಪವಾಸ ಮಾಡಬಹುದೇ.. ಶಿವ ಪೂಜೆಯ ನಿಯಮವೇನು?

ಮಹಾ ಶಿವರಾತ್ರಿ 2025

Mahashivratri Vrat During Periods: ಮಹಾಶಿವರಾತ್ರಿಯನ್ನು ಸನಾತನ ಧರ್ಮದ ಅತ್ಯಂತ ದೊಡ್ಡ ಹಬ್ಬಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ಇದು ಪ್ರತಿ ವರ್ಷ ಫಾಲ್ಗುಣ ಮಾಸದಲ್ಲಿ ಬರುತ್ತದೆ. ಈ ವರ್ಷ ಶಿವರಾತ್ರಿ ಹಬ್ಬವನ್ನು ಫೆಬ್ರವರಿ 26 ರಂದು ಆಚರಿಸಲಾಗುತ್ತದೆ. ಈ ದಿನದಂದು ಅನೇಕ ಭಕ್ತರು ಉಪವಾಸ ಮಾಡುತ್ತಾರೆ. ಆದರೆ ಮಹಿಳೆಯರಿಗೆ ಆಗಾಗ್ಗೆ ಒಂದು ಪ್ರಶ್ನೆ ಕಾಡುತ್ತದೆ. ಉಪವಾಸದ ಸಮಯದಲ್ಲಿ ಮುಟ್ಟು ಬಂದರೆ ಅಂತಹ ಪರಿಸ್ಥಿತಿಯಲ್ಲಿ ಅವರು ಏನು ಮಾಡಬೇಕು. ಮುಟ್ಟಿನ ಸಮಯದಲ್ಲೂ ಈ ಉಪವಾಸವನ್ನು ಆಚರಿಸಬಹುದೇ? ಇದರ ಬಗ್ಗೆ ವಿವರವಾಗಿ ತಿಳಿಯೋಣ.

Add Zee News as a Preferred Source

ಮಹಾಶಿವರಾತ್ರಿ ಉಪವಾಸ ಮಾಡುವಾಗ ಮುಟ್ಟಾದರೆ, ಅಂತಹ ಪರಿಸ್ಥಿತಿಯಲ್ಲಿ ಮಹಿಳೆಯರು ಈ ಉಪವಾಸವನ್ನು ಅರ್ಧಕ್ಕೆ ಬಿಡಬಾರದು. ಆದರೆ ನೀವು ಉಪವಾಸ ಪ್ರಾರಂಭಿಸುವ ಮೊದಲೇ ನಿಮ್ಮ ಋತುಚಕ್ರ ಪ್ರಾರಂಭವಾಗಿದ್ದರೆ ನೀವು ಈ ಉಪವಾಸವನ್ನು ಆಚರಿಸದಿರುವುದು ಉತ್ತಮ. ಮುಟ್ಟಿನ ಸಮಯದಲ್ಲೂ ನೀವು ಶಿವರಾತ್ರಿಯ ಉಪವಾಸವನ್ನು ಆಚರಿಸಲು ಬಯಸಿದರೆ ಯಾವುದೇ ಪೂಜೆಯನ್ನು ಮಾಡಬಾರದು ಎಂಬುದನ್ನು ನೆನಪಿನಲ್ಲಿಡಿ. 

ಮುಟ್ಟಿನ ಸಮಯದಲ್ಲಿ ನೀವು ಮನಸ್ಸಿನಲ್ಲಿ ಶಿವ ಧ್ಯಾನ ಮಾಡಬಹುದು. ಆದರೆ ಪೂಜಾ ಸಾಮಗ್ರಿಯನ್ನು ಮುಟ್ಟಬೇಡಿ. ಶಿವನ ಭಕ್ತಿಗೆ ಮನಸ್ಸಿನ ಶುದ್ಧತೆ ಬಹಳ ಮುಖ್ಯ. ಆದ್ದರಿಂದ ನಿಮ್ಮ ಮನಸ್ಸಿನಲ್ಲಿ ದೇವರ ನಾಮ ಜಪವನ್ನು ಮುಂದುವರಿಸಬಹುದು.

ಇದನ್ನೂ ಓದಿ: ಮಹಾ ಶಿವರಾತ್ರಿಯಂದು ತಪ್ಪಿಯೂ ಈ ಒಂದು ಕೆಲಸ ಮಾತ್ರ ಮಾಡಬೇಡಿ... ಮಹಾದೇವನ ಕೋಪಕ್ಕೆ ಗುರಿಯಾಗುವಿರಿ!

ಋತುಚಕ್ರದ ಸಮಯದಲ್ಲಿ ಮಹಾಶಿವರಾತ್ರಿಯ ಪೂಜೆಯಲ್ಲಿ ಭಾಗವಹಿಸಬಾರದು. ನಿಮ್ಮ ಜಾಗದಲ್ಲಿ ಬೇರೆ ಯಾರಾದರೂ ಪೂಜೆ ಮಾಡಬಹುದು. ಈ ಸಮಯದಲ್ಲಿ ದೇವರ ವಿಗ್ರಹ, ಪೂಜಾ ಸಾಮಗ್ರಿಗಳು ಮತ್ತು ನೈವೇದ್ಯಗಳನ್ನು ಮುಟ್ಟಬಾರದು. ಪೂರ್ಣ ಭಕ್ತಿಯಿಂದ ಶಿವನ ಹೆಸರನ್ನು ಮನಸ್ಸಿನಲ್ಲಿ ತೆಗೆದುಕೊಂಡು ಮಹಾದೇವನ ಮಂತ್ರಗಳನ್ನು ಪಠಿಸಿ.

ಮಹಿಳೆಯರು ತಮ್ಮ ಮುಟ್ಟಿನ ಸಮಯದಲ್ಲಿ ಯಾವುದೇ ಪೂಜೆಯನ್ನು ಮಾಡಬಾರದು. ಏಕೆಂದರೆ ಆ ಸಮಯದಲ್ಲಿ ಮಹಿಳೆಯರ ದೇಹದಲ್ಲಿ ಹೆಚ್ಚಿನ ಶಕ್ತಿಯು ಹರಿಯುತ್ತದೆ. ಈ ಶಕ್ತಿಯನ್ನು ದೇವರು ಸಹ ಸಹಿಸಲಾರ ಎಂದು ಹೇಳಲಾಗುತ್ತದೆ.

ಒಬ್ಬ ಮಹಿಳೆ ಮುಟ್ಟಿನ ಸಮಯದಲ್ಲಿ ತುಳಸಿಗೆ ನೀರನ್ನು ಹಾಕಿದರೆ ತುಳಸಿ ಗಿಡ ಸಹ ಒಣಗುತ್ತದೆ. ಅದೇ ರೀತಿ ದೇವರು ಕೂಡ ಈ ಶಕ್ತಿಯನ್ನು ಸಹಿಸಿಕೊಳ್ಳಲು ಸಾಧ್ಯವಿಲ್ಲ. ಅದಕ್ಕಾಗಿಯೇ ಮಹಿಳೆಯರು ಮುಟ್ಟಿನ ಸಮಯದಲ್ಲಿ ಪೂಜೆ ಮಾಡುವುದನ್ನು ನಿಷೇಧಿಸಲಾಗಿದೆ. 

ನಿಮ್ಮ ಋತುಚಕ್ರದ 5 ನೇ ದಿನದಂದು, ನೀವು ನಿಮ್ಮ ತಲೆ ಸ್ನಾನ ಮಾಡಿ, ಬಳಿಕ ಪೂಜೆಯಲ್ಲಿ ಭಾಗವಹಿಸಬಹುದು ಎಂದು ಹೇಳಲಾಗುತ್ತದೆ. ಮತ್ತೊಂದೆಡೆ ಎರಡು ಅಥವಾ ಮೂರು ದಿನಗಳ ಕಾಲ ಋತುಚಕ್ರ ಇರುವ ಮಹಿಳೆಯರು ನಾಲ್ಕನೇ ದಿನ ತಲೆ ಸ್ನಾನ ಮಾಡಿ ನಂತರ ಪೂಜೆಯಲ್ಲಿ ಭಾಗವಹಿಸಬಹುದು.  

ಇದನ್ನೂ ಓದಿ: ಈ ದಿಕ್ಕಿಗೆ ಮುಖ ಮಾಡಿ ಕುಳಿತು ಊಟ ಮಾಡಿದರೆ ಅದೃಷ್ಟ ಲಕ್ಷ್ಮೀ ಒಲಿಯುವಳು.. ಮನೆಯಲ್ಲಿ ಸಿರಿ ಸಂಪತ್ತು ಹೆಚ್ಚುವುದು, ಕಡುಬಡವನೂ ಶ್ರೀಮಂತನಾಗುವ!

ಸೂಚನೆ: ಈ ಲೇಖನವು ಧಾರ್ಮಿಕ ಮಾಹಿತಿಯನ್ನು ಆಧರಿಸಿದೆ. ಜೀ ಕನ್ನಡ ನ್ಯೂಸ್‌ ಇದನ್ನು ಖಚಿತಪಡಿಸುವುದಿಲ್ಲ.