IPL 2025: ದೆಹಲಿ ವಿರುದ್ಧ ಕೋಲ್ಕತ್ತಾ ನೈಟ್ ರೈಡರ್ಸ್ಗೆ 14 ರನ್‌ಗಳ ರೋಚಕ ಜಯ

ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ (IPL) 2025ರ 48ನೇ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡವು ದೆಹಲಿ ಕ್ಯಾಪಿಟಲ್ಸ್ ವಿರುದ್ಧ 14 ರನ್‌ಗಳ ರೋಮಾಂಚಕ ಗೆಲುವು ಸಾಧಿಸಿದೆ.ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಕೆಕೆಆರ್‌ನ ಸುನಿಲ್ ನರಿನ್ ಮತ್ತು ವರುಣ್ ಚಕ್ರವರ್ತಿಯ ಅದ್ಭುತ ಪ್ರದರ್ಶನ ತಂಡದ ಗೆಲುವಿಗೆ ಕಾರಣವಾಯಿತು.

ಟಾಸ್ ಗೆದ್ದ ದೆಹಲಿ ಕ್ಯಾಪಿಟಲ್ಸ್ ತಂಡವು ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಇದೆ ವೇಳೆ ಮೊದಲು ಬ್ಯಾಟಿಂಗ್ ಅವಕಾಶ ಪಡೆದ ಕೆಕೆಆರ್‌ನ ಆರಂಭಿಕ ಆಟಗಾರರಾದ ಸುನಿಲ್ ನರಿನ್ (27 ರನ್) ಮತ್ತು ಅಂಗಕೃಷ್ ರಘುವಂಶಿ (44 ರನ್) ತಂಡಕ್ಕೆ ಭದ್ರ ಆರಂಭ ಒದಗಿಸಿದರು. ಇನ್ನೂ ರಿಂಕು ಸಿಂಗ್‌ 35 ಮತ್ತು ಆಂಡ್ರೆ ರಸೆಲ್‌ನ 17 ರನ್‌ಗಳ ನೆರವಿನಿಂದ ಅಂತಿಮವಾಗಿ ಕೆಕೆಆರ್ ತಂಡವು 20 ಓವರ್‌ಗಳಲ್ಲಿ 204/9 ರನ್‌ಗಳನ್ನು ಗಳಿಸಿತು. 

ಇದನ್ನೂ ಓದಿ: Explainer: ಏನಿದು ಬಲೂಚಿಸ್ತಾನದ ಸಂಘರ್ಷ..? ಆಂತರಿಕ ಸಂಘರ್ಷದ ಕಾವಿನಲ್ಲಿ ಬೆಂದು ಹೋದ ಪಾಕ್..!

ಕೊಲ್ಕತ್ತಾ ತಂಡವು ನೀಡಿದ 205 ರನ್‌ಗಳ ಗುರಿಯನ್ನು ಬೆನ್ನಟ್ಟಿದ ದೆಹಲಿ ಕ್ಯಾಪಿಟಲ್ಸ್ ಆರಂಭದಲ್ಲೇ ಆಘಾತಕ್ಕೆ ಒಳಗಾಯಿತು. ಅನುಕುಲ್ ರಾಯ್‌ನ ಮೊದಲ ಓವರ್‌ನಲ್ಲೇ ಅಭಿಷೇಕ್ ಪೊರೆಲ್ (0) ಔಟಾದರು. ವೈಭವ್ ಅರೋರಾ ಕರುನ್ ನಾಯರ್‌ರ ವಿಕೆಟ್ ಪಡೆದರೆ, ಸುನಿಲ್ ನರಿನ್‌ನ ಚುರುಕಿನ ಫೀಲ್ಡಿಂಗ್‌ನಿಂದ ಕೆ.ಎಲ್. ರಾಹುಲ್ (7) ರನ್‌ಔಟ್ ಆದರು. ಫಾಫ್ ಡು ಪ್ಲೆಸಿಸ್ (62 ರನ್, 45 ಎಸೆತ) ಮತ್ತು ಗಾಯದ ನಡುವೆಯೂ ಆಕರ್ಷಕವಾಗಿ ಆಡಿದ ಅಕ್ಷರ್ ಪಟೇಲ್ ತಂಡವನ್ನು ಮುನ್ನಡೆಸಲು ಯತ್ನಿಸಿದರು. ಆದರೆ, ಸುನಿಲ್ ನರಿನ್‌ನ 3 ವಿಕೆಟ್‌ಗಳನ್ನು ಒಳಗೊಂಡ ಮಾರಕ ಬೌಲಿಂಗ್ ನಿಂದಾಗಿ ದೆಹಲಿ ತಂಡದ ಗೆಲುವಿನ ಕನಸಿಗೆ ಅಡ್ಡಿಯಾದರು. ಟ್ರಿಸ್ಟನ್ ಸ್ಟಬ್ಸ್ ಕೊನೆಯವರೆಗೂ ಪ್ರತಿರೋಧ ಒಡ್ಡಿದರೂ, ಅಂತಿಮವಾಗಿ ದೆಹಲಿ ತಂಡವು 20 ಓವರ್‌ಗಳಲ್ಲಿ 190/9 ರನ್‌ಗಳನ್ನು ಮಾತ್ರ ಗಳಿಸಲಷ್ಟೇ ಶಕ್ತವಾಯಿತು.

ಇದನ್ನೂ ಓದಿ: Explainer: ಭಾರತದ ರಾಜ್ಯಗಳ ಆರ್ಥಿಕತೆ: ಪಾಕಿಸ್ತಾನದೊಂದಿಗೆ ಹೋಲಿಕೆ

ತಮ್ಮ ಆಲ್ರೌಂಡ್ ಪ್ರದರ್ಶನದಿಂದ ಮಿಂಚಿದ ಸುನಿಲ್ ನರಿನ್ 27 ರನ್‌ಗಳ ಜೊತೆಗೆ 3 ವಿಕೆಟ್‌ಗಳನ್ನು ಪಡೆದದ್ದಲ್ಲದೆ, ಕೆ.ಎಲ್.ರಾಹುಲ್‌ರ ರನ್‌ಔಟ್‌ಗೂ ಕಾರಣರಾದರು.ವರುಣ್ ಚಕ್ರವರ್ತಿಯ ಸ್ಪಿನ್ ಬೌಲಿಂಗ್ ಕೂಡ ಕೆಕೆಆರ್‌ಗೆ ನಿರ್ಣಾಯಕ ಬೆಂಬಲ ನೀಡಿತು.

ಈ ಗೆಲುವಿನೊಂದಿಗೆ ಕೆಕೆಆರ್ ತನ್ನ ಪ್ಲೇಆಫ್ ಸಾಧ್ಯತೆಯನ್ನು ಜೀವಂತವಾಗಿರಿಸಿಕೊಂಡಿದೆ, ಆದರೆ ಅಂಕಪಟ್ಟಿಯಲ್ಲಿ 7ನೇ ಸ್ಥಾನದಲ್ಲಿದೆ.ದೆಹಲಿ ಕ್ಯಾಪಿಟಲ್ಸ್ 4ನೇ ಸ್ಥಾನದಲ್ಲಿದ್ದರೂ, ಈ ಸೋಲು ತಂಡದ ಮುಂದಿನ ಹಾದಿಯನ್ನು ಸವಾಲಿನದ್ದಾಗಿಸಿದೆ.ಕೆಕೆಆರ್ ತನ್ನ ಮುಂದಿನ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಮೇ 7ರಂದು ಎದುರಿಸಲಿದೆ.ದೆಹಲಿ ಕ್ಯಾಪಿಟಲ್ಸ್ ತನ್ನ ಕೊನೆಯ ಲೀಗ್ ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡಿ ಪ್ಲೇಆಫ್‌ಗೆ ತಲುಪುವ ಗುರಿಯನ್ನು ಹೊಂದಿದೆ.

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.

ನಿಮ್ಮ ಜೀ ಕನ್ನಡ ನ್ಯೂಸ್‌ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್‌ ಲಭ್ಯ 
Sun Direct-292 
TATA PLAY- 1664 
JIO TV-1334 
NXT Digital-30 
IN-CABLE-30 
U-Digital-162 
GTPL-17 
Rockline Telecommunications ಬೆಂಗಳೂರು-42
 V4 Digital Infotech ಮಂಗಳೂರು-628
Malanad infotech Pvt Ltd-56 
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ