IND VS ENG: ಅಂತಿಮ ಟೆಸ್ಟ್‌ನಲ್ಲಿ ಭಾರತ ಭರ್ಜರಿ ಕಂಬ್ಯಾಕ್‌; ಇಂಗ್ಲೆಂಡ್‌ ವಿರುದ್ಧ 6 ರನ್‌ಗಳ ಗೆಲುವು: ಆಂಡರ್ಸನ್-ತೆಂಡೂಲ್ಕರ್ ಟ್ರೋಫಿ ಸಮಬಲ

India vs England 5th Test Match: ಆಗಸ್ಟ್ 4, 2025 ರಂದು ಲಂಡನ್‌ನ ಕೆನ್ನಿಂಗ್ಟನ್ ಓವಲ್‌ನಲ್ಲಿ ನಡೆದ ರೋಮಾಂಚಕ ಟೆಸ್ಟ್ ಪಂದ್ಯದಲ್ಲಿ ಭಾರತ ಇಂಗ್ಲೆಂಡ್ ಅನ್ನು 6 ರನ್‌ಗಳಿಂದ ಸೋಲಿಸಿತು. ಈ ಗೆಲುವಿನೊಂದಿಗೆ, ಭಾರತ ಐದು ಟೆಸ್ಟ್‌ಗಳ ಸರಣಿಯನ್ನು 2-2 ರಲ್ಲಿ ಸಮಬಲಗೊಳಿಸಿತು. ಸರಣಿಯ ಮೊದಲ ಟೆಸ್ಟ್ ಅನ್ನು ಇಂಗ್ಲೆಂಡ್ 5 ವಿಕೆಟ್‌ಗಳಿಂದ ಗೆದ್ದುಕೊಂಡಿತ್ತು. ಆ ಬಳಿಕ ಭಾರತ ಎರಡನೇ ಟೆಸ್ಟ್ ಅನ್ನು 336 ರನ್‌ಗಳ ಬೃಹತ್ ಅಂತರದಿಂದ ಗೆದ್ದುಕೊಂಡಿತು. ಮೂರನೇ ಟೆಸ್ಟ್‌ನಲ್ಲಿ, ಇಂಗ್ಲೆಂಡ್ ಭಾರತವನ್ನು 22 ರನ್‌ಗಳಿಂದ ಸೋಲಿಸಿತು. ನಾಲ್ಕನೇ ಟೆಸ್ಟ್ ಪಂದ್ಯ ಡ್ರಾಗೊಂಡಿತು. ಇಂದು ಕೊನೆಯ ಪಂದ್ಯದಲ್ಲಿ ರೋಚಕ ಗೆಲುವು ಸಾಧಿಸಿದ ಭಾರತ ಸರಣಿಯನ್ನು ಸಮಬಲಗೊಳಿಸಿದೆ. 

ಇದನ್ನೂ ಓದಿ:   ಈ ಐದು ವಸ್ತುಗಳನ್ನು ಉಚಿತವಾಗಿ ಎಂದಿಗೂ ಮನೆಗೆ ತರಬೇಡಿ! ದುರಾದೃಷ್ಟ ಒಕ್ಕರಿಸೋದು ಖಚಿತ..  

ಈ ಮೂಲಕ ಆಂಡರ್ಸನ್-ತೆಂಡೂಲ್ಕರ್ ಟ್ರೋಫಿ 2025 ಭಾರತ ಇಂಗ್ಲೆಂಡ್‌ ಎರಡೂ ತಂಡಗಳ ಪಾಲಾಗಿದೆ.  

ಇಂಗ್ಲೆಂಡ್
247(51.2)& 367(85.1)
vs
ಭಾರತ
224(69.4)& 396(88.0)

ಮಳೆ ಮತ್ತು ಕಳಪೆ ಬೆಳಕಿನಿಂದಾಗಿ, ನಾಲ್ಕನೇ ದಿನದಂದು ಕೇವಲ 62.3 ಓವರ್‌ಗಳನ್ನು ಮಾತ್ರ ಆಡಲು ಸಾಧ್ಯವಾಯಿತು. ನಾಲ್ಕನೇ ದಿನದಾಟದ ಅಂತ್ಯಕ್ಕೆ ಇಂಗ್ಲೆಂಡ್ ತನ್ನ ಎರಡನೇ ಇನ್ನಿಂಗ್ಸ್‌ನಲ್ಲಿ 76.2 ಓವರ್‌ಗಳಲ್ಲಿ 6 ವಿಕೆಟ್‌ಗಳಿಗೆ 339 ರನ್ ಗಳಿಸಿತ್ತು. ಈ ಪಂದ್ಯವನ್ನು ಗೆಲ್ಲಲು ಅವರಿಗೆ ಇನ್ನೂ 35 ರನ್‌ಗಳು ಬೇಕಾಗಿತ್ತು. ಇನ್ನೊಂದೆಡೆ ಈ ಪಂದ್ಯವನ್ನು ಗೆದ್ದು ಸರಣಿಯನ್ನು ಸಮಬಲಗೊಳಿಸಲು ಭಾರತಕ್ಕೆ 4 ವಿಕೆಟ್‌ಗಳು ಬೇಕಾಗಿತ್ತು.

ಇದನ್ನೂ ಓದಿ:  ಈ ಬ್ಯಾಂಕಿಗೆ ಬೀಗ ಜಡಿದ RBI : ಇನ್ನು ಮುಂದೆ ಕಾರ್ಯ ನಿರ್ವಹಿಸುವುದಿಲ್ಲ ಈ ಬ್ಯಾಂಕ್ 

ನಾಲ್ಕನೇ ದಿನದ ಕೊನೆಯ ಅವಧಿಯಲ್ಲಿ ಪ್ರಸಿದ್ಧ್ ಕೃಷ್ಣ (109 ರನ್‌ಗಳಿಗೆ 3 ವಿಕೆಟ್‌ಗಳು) ಮತ್ತು ಮೊಹಮ್ಮದ್ ಸಿರಾಜ್ (95 ರನ್‌ಗಳಿಗೆ 2 ವಿಕೆಟ್‌ಗಳು) ಅವರ ಅದ್ಭುತ ಬೌಲಿಂಗ್ ಭಾರತ ಮತ್ತು ಇಂಗ್ಲೆಂಡ್ ನಡುವಿನ 5 ಪಂದ್ಯಗಳ ಸರಣಿಯ ಕೊನೆಯ ಟೆಸ್ಟ್ ಪಂದ್ಯಕ್ಕೆ ಅತ್ಯಂತ ರೋಮಾಂಚಕಾರಿ ತಿರುವು ನೀಡಿದ್ದು   ಸುಳ್ಳಲ್ಲ.