ನವದೆಹಲಿ: ಇದು ಜೂನ್ 25, 1983 ರಂದು, ಲಾರ್ಡ್ಸ್ ಕ್ರಿಕೆಟ್ ಮೈದಾನದಲ್ಲಿ ಭಾರತವು ತಮ್ಮ ಮೊದಲ ಕ್ರಿಕೆಟ್ ವಿಶ್ವಕಪ್ ಪ್ರಶಸ್ತಿಯನ್ನು ವೆಸ್ಟ್ ಇಂಡೀಸ್ ನ್ನು ಫೈನಲ್ ನಲ್ಲಿ 43 ರನ್ಗಳಿಂದ ಸೋಲಿಸಿತು.
ಈಗ ಈ ಐತಿಹಾಸಿಕ ಕ್ಷಣಕ್ಕೆ ಈಗ 37 ವರ್ಷಗಳು. ವಿಶ್ವಕಪ್ ವಿಜೇತ ತಂಡವನ್ನು ಆಲ್‌ರೌಂಡರ್ ಕಪಿಲ್ ದೇವ್ ನೇತೃತ್ವ ವಹಿಸಿದ್ದರು. ಭಾರತದ ವಿಶ್ವಕಪ್ ಫೈನಲ್ ಪಂದ್ಯದ ಇಲೆವೆನ್‌ನಲ್ಲಿ ಸುನಿಲ್ ಗವಾಸ್ಕರ್, ಕೆ ಶ್ರೀಕಾಂತ್, ಮೊಹಿಂದರ್ ಅಮರನಾಥ್, ಯಶ್ಪಾಲ್ ಶರ್ಮಾ, ಎಸ್‌ಎಂ ಪಾಟೀಲ್, ಕಪಿಲ್ ದೇವ್ (ಸಿ), ಕೀರ್ತಿ ಆಜಾದ್, ರೋಜರ್ ಬಿನ್ನಿ, ಮದನ್ ಲಾಲ್, ಸೈಯದ್ ಕಿರ್ಮಾನಿ, ಮತ್ತು ಬಲ್ವಿಂದರ್ ಸಂಧು ಇದ್ದರು. ಈ ಗೆಲುವಿನ ನಂತರ ಭಾರತದಲ್ಲಿ ಕ್ರಿಕೆಟ್ ಬೆಳವಣಿಗೆ ರೀತಿಯೇ ಬದಲಾಯಿತು ಎಂದು ಹೇಳಬಹುದು.
#OnThisDay in 1983, India won their maiden Men's @cricketworldcup title 🏆
Kapil Dev and his side stunned defending champions West Indies, beating them by 43 runs in a memorable final at Lord's 🙌 pic.twitter.com/DVchvVLH5P
— ICC (@ICC) June 25, 2020
ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಿನ ಫೈನಲ್ ನಲ್ಲಿ ಆಂಡಿ ರಾಬರ್ಟ್ಸ್ ಮೂರು ವಿಕೆಟ್ ನಿಂದಾಗಿ ಕಪಿಲ್ ದೇವ್ ನೇತೃತ್ವದ ತಂಡವನ್ನು 183 ರನ್ ಗಳಿಸುವಲ್ಲಿ ಯಶಸ್ವಿಯಾಯಿತು, ಮಾಲ್ಕಮ್ ಮಾರ್ಷಲ್, ಮೈಕೆಲ್ ಹೋಲ್ಡಿಂಗ್ ಮತ್ತು ಲ್ಯಾರಿ ಗೋಮ್ಸ್ ತಲಾ ಎರಡು ವಿಕೆಟ್ ಪಡೆದರು.ಭಾರತದ ಪರವಾಗಿ, ಕ್ರಿಸ್ ಶ್ರೀಕಾಂತ್ 38 ರನ್ ಗಳಿಸಿದ್ದೇ ಅಗ್ರ ಮೊತ್ತವಾಗಿತ್ತು ಅವರನ್ನು ಹೊರತುಪಡಿಸಿ, ಬೇರೆ ಯಾವುದೇ ಬ್ಯಾಟ್ಸ್‌ಮನ್‌ಗಳು 30 ರನ್‌ಗಳ ಗಡಿ ದಾಟಲು ಸಾಧ್ಯವಾಗಲಿಲ್ಲ.
ಇದನ್ನೂ ಓದಿ: ಈ ಕ್ರಿಕೆಟಿಗನ ವಿಶ್ವಕಪ್, ಉತ್ತಮ ದಾಖಲೆ - ಇಂದಿಗೂ ಆಲ್‌ರೌಂಡರ್‌ಗಳಿಗೆ ಸ್ಫೂರ್ತಿ
Relive India's stunning win over the mighty West Indies in the 1983 men's @cricketworldcup final, including Kapil Dev's spectacular running catch to dismiss Viv Richards 🌟
WATCH 📽️ pic.twitter.com/KWzrDNZ4o3
— ICC (@ICC) June 25, 2020
ಈ ಮೊತ್ತವನ್ನು ಬೆನ್ನತ್ತಿದ ವೆಸ್ಟ್ ಇಂಡೀಸ್ ತಂಡವು ಫೈನಲ್‌ನಲ್ಲಿ 140 ರನ್‌ಗಳಿಗೆ ಆಲೌಟ್ ಆಗಿದ್ದು, ಇದರ ಪರಿಣಾಮವಾಗಿ ಭಾರತ ಪಂದ್ಯವನ್ನು 43 ರನ್ಗಳಿಂದ ಗೆದ್ದುಕೊಂಡಿತು.ಲಾರ್ಡ್ಸ್ ಕ್ರಿಕೆಟ್ ಮೈದಾನದ ಬಾಲ್ಕನಿಯಲ್ಲಿ ಕಪಿಲ್ ದೇವ್ ಟ್ರೋಫಿಯನ್ನು ಎತ್ತುವುದು ಇಂದಿಗೂ ಭಾರತದ ಎಲ್ಲ ಅಭಿಮಾನಿಗಳಿಗೆ ಸ್ಮರಣಿಯ ಚಿತ್ರವಾಗಿದೆ.ಫೈನಲ್‌ನಲ್ಲಿ ಮೊಹಿಂದರ್ ಅಮರನಾಥ್ ಮ್ಯಾನ್ ಆಫ್ ದಿ ಮ್ಯಾಚ್ ಪ್ರಶಸ್ತಿಯನ್ನು ಪಡೆದುಕೊಂಡರು.
ಭಾರತವು ವಿಶ್ವಕಪ್‌ನ ಆರಂಭದಿಂದ ಇತ್ತೀಚಿನ ಆವೃತ್ತಿಯವರೆಗೆ ನಿಯಮಿತವಾಗಿ ಭಾಗವಹಿಸುತ್ತಿದೆ.ಮೊದಲ ಆವೃತ್ತಿಯನ್ನು 1975 ರಲ್ಲಿ ಆಡಲಾಯಿತು ಮತ್ತು ಅಲ್ಲಿಂದ ಪ್ರತಿ ನಾಲ್ಕು ವರ್ಷಗಳ ನಂತರ ನಡೆಯುತ್ತದೆ. ವೆಸ್ಟ್ ಇಂಡೀಸ್ ಮೊದಲ ಎರಡು ವಿಶ್ವಕಪ್ ಪ್ರಶಸ್ತಿಗಳನ್ನು (1975,1979) ಗೆದ್ದುಕೊಂಡಿತು ಮತ್ತು 1983 ರ ರನ್ನರ್ ಅಪ್ ಆಗಿತ್ತು. ಭಾರತವು ಇದುವರೆಗೆ ಎರಡು ಬಾರಿ ಪ್ರಶಸ್ತಿಯನ್ನು ಗೆದ್ದಿದೆ, ಮೊದಲು 1983 ರಲ್ಲಿ ಮತ್ತು ನಂತರ 2011 ರಲ್ಲಿ.
