ಮುಂಬೈನ ಜನದಟ್ಟಣೆಯ ಬೀದಿಗಳು, ಗಗನಕ್ಕೇರಿದ ಕಟ್ಟಡಗಳು, ಕನಸುಗಳ ಸಾಗರವಾದ ಈ ಮಹಾನಗರದಲ್ಲಿ ಒಂದು ಸಣ್ಣ ಹುಡುಗನ ಕಥೆ ಆರಂಭವಾಯಿತು. ಉತ್ತರ ಪ್ರದೇಶದ ಬದೋಹಿಯ ಒಂದು ಪುಟ್ಟ ಅಂಗಡಿಯಿಂದ ಆರಂಭವಾದ ಈ ಕಥೆ, ಇಂದು ವಿಶ್ವ ಕ್ರಿಕೆಟ್ನ ಶಿಖರದಲ್ಲಿ ಸಾಧನೆಯ ದೀವಿಗೆಯಾಗಿ ಬೆಳಗುತ್ತಿದೆ. ಆ ಹುಡುಗನ ಹೆಸರು ಯಶಸ್ವಿ ಭೂಪೇಂದ್ರ ಕುಮಾರ್ ಜೈಸ್ವಾಲ್..! ಕನಸಿನ ಹಿಂದೆ ಓಡಿದವನು, ಕಷ್ಟದ ಗೂಡಿನಿಂದ ಕೀರ್ತಿಯ ಗಗನಕ್ಕೆ ಚಿಮ್ಮಿದವನು.
ಕನಸಿನ ಮೊದಲ ಹೆಜ್ಜೆ
ಯಶಸ್ವಿಯ ಜೀವನದ ಆರಂಭ ಕೇವಲ 10 ವರ್ಷದ ಬಾಲಕನಾಗಿ ಮುಂಬೈಗೆ ಕಾಲಿಟ್ಟಾಗಿನಿಂದ ಶುರುವಾಯಿತು. ಕ್ರಿಕೆಟ್ನ ಹುಚ್ಚು ತಲೆಗೆ ಹತ್ತಿತ್ತು. “ಮುಂಬೈಗೆ ಹೋಗು, ಅಲ್ಲಿ ನಿನ್ನ ಕನಸಿಗೆ ರೆಕ್ಕೆ ಬರುತ್ತದೆ” ಎಂಬ ಯಾರೋ ಒಬ್ಬರ ಮಾತಿನಂತೆ, ತಂದೆಯ ಜೊತೆಗೆ ಆತ ಮುಂಬೈಗೆ ಬಂದ. ಆದರೆ, ಮುಂಬೈ ಒಂದು ಮಹಾಸಾಗರ. ಅದರ ದೊಡ್ಡ ಅಲೆಗಳ ಎದುರು ಈಜುವುದು ಸುಲಭವೇ? ತಂದೆಗೆ ಚಿಂತೆಯಾಗಿತ್ತು, “ಈ ದೊಡ್ಡ ನಗರದಲ್ಲಿ ನನ್ನ ಮಗ ಹೇಗೆ ಬದುಕುವನು?” ಆದರೆ, ಯಶಸ್ವಿಯ ಧೈರ್ಯದ ಮಾತು, “ನಾನು ಇಲ್ಲಿ ಅಂಕಲ್ ಜೊತೆ ಇರುತ್ತೇನೆ” ಎಂದು. ಆ ಅಂಕಲ್ ಒಬ್ಬ ಸಾಮಾನ್ಯ ವ್ಯಾಪಾರಿ, ಆದರೆ ಯಶಸ್ವಿಗೆ ಆರಂಭದ ಆಸರೆಯಾದವರು.
ಯಶಸ್ವಿಯನ್ನು ಒಂದು ಹಾಲಿನ ಡೈರಿಯಲ್ಲಿ ಕೆಲಸಕ್ಕೆ ಸೇರಿಸಲಾಯಿತು. ಬೆಳಗ್ಗೆ 5 ಗಂಟೆಗೆ ಎದ್ದು ಅಂಗಡಿ ಶುಚಿಗೊಳಿಸಿ, ಕ್ರಿಕೆಟ್ ಅಭ್ಯಾಸಕ್ಕೆ ಹೋಗಿ, ರಾತ್ರಿಯವರೆಗೆ ಕೆಲಸ ಮಾಡುವ ದಿನಚರಿ, 10 ವರ್ಷದ ಬಾಲಕನಿಗೆ ಇದೆಲ್ಲ ಸಾಧ್ಯವೇ? ಆದರೆ, ಯಶಸ್ವಿಯ ಕನಸು ದೊಡ್ಡದಿತ್ತು. ಆದರೂ, ಒಂದು ದಿನ ಡೈರಿಯ ಮಾಲೀಕನಿಂದ “ನೀನು ಕೆಲಸಕ್ಕೆ ಯೋಗ್ಯನಲ್ಲ” ಎಂಬ ಕಾರಣಕ್ಕೆ ಒಡಿಸಲ್ಪಟ್ಟ. ಒಂಟಿಯಾದ, ಗುರುತಿಲ್ಲದ, ಗೊತ್ತಿಲ್ಲದ ಮುಂಬೈನ ಬೀದಿಯಲ್ಲಿ ಯಶಸ್ವಿ ನಿಂತಿದ್ದ.
ಇದನ್ನೂ ಓದಿ: ಭೂಮಿಯ ಮೇಲೆ ಕಾಲಿಡಲೂ ಸಹ ಈ ಜನಕ್ಕೆ ಭಯ..! ನೀರಿನಲ್ಲಿ ಹುಟ್ಟಿ, ನೀರಿನಲ್ಲಿಯೇ ಸಾಯುವ ವಿಚಿತ್ರ ಜನರಿವರು..
ಆದರೆ, ಆತನ ಕನಸು ಸೋತಿರಲಿಲ್ಲ. ಆಜಾದ್ ಮೈದಾನಕ್ಕೆ ಬಂದ ಯಶಸ್ವಿ, ಮುಸ್ಲಿಂ ಯುನೈಟೆಡ್ ಕ್ರಿಕೆಟ್ ಕ್ಲಬ್ನಲ್ಲಿ ಒಂದು ಅವಕಾಶಕ್ಕಾಗಿ ಅಂಗಲಾಚಿದ. “ಒಂದು ಮ್ಯಾಚ್ ಆಡು, ಚೆನ್ನಾಗಿ ಆಡಿದರೆ ವಾಸಕ್ಕೆ ವ್ಯವಸ್ಥೆ ಮಾಡುತ್ತೇವೆ” ಎಂಬ ಭರವಸೆ ಸಿಕ್ಕಿತು. ಆ ಒಂದು ಅವಕಾಶದಲ್ಲಿ ಯಶಸ್ವಿ ತನ್ನ ಪ್ರತಿಭೆಯನ್ನು ತೋರಿದ. ಕೋಚ್ ಇಮ್ರಾನ್ಗೆ ಆತನ ಆಟ ಮೆಚ್ಚಿತು. ಆದರೆ, ವಾಸಕ್ಕೆ ಸಿಕ್ಕಿದ್ದು ಕೇವಲ ಕಬ್ಬಿಣದ ತಗಡಿನ ಟೆಂಟ್. ಬಿಸಿಲಿನ ಧಗೆ, ಮಳೆಗಾಲದಲ್ಲಿ ಒಳನುಗ್ಗುವ ನೀರು, ಕರೆಂಟಿಲ್ಲದ, ಶೌಚಾಲಯವಿಲ್ಲದ ಜೀವನ. 10ರಿಂದ 14 ವರ್ಷದವರೆಗೆ ಯಶಸ್ವಿ ಈ ಕಷ್ಟವನ್ನೆಲ್ಲ ಸಹಿಸಿದ.
ಪಾನಿಪೂರಿಯಿಂದ ಮಾರಾಟದಿಂದ ಅಂತರಾಷ್ಟ್ರೀಯ ಕ್ರಿಕೆಟ್ ವರೆಗೆ..
ಕ್ರಿಕೆಟ್ ಆಡಲು ಕ್ಲಬ್ ಸಿಕ್ಕಿತಾದರೂ, ಜೀವನಕ್ಕೆ ದುಡ್ಡಿಲ್ಲ. ಆಗ ಯಶಸ್ವಿ ತೆಗೆದುಕೊಂಡ ನಿರ್ಧಾರ ಆಶ್ಚರ್ಯಕರವಾದರೂ, ಅದೇ ಆತನ ಧೈರ್ಯವನ್ನು ತೋರಿಸಿತು.ಸಂಜೆ 7 ಗಂಟೆಯಿಂದ ಆಜಾದ್ ಮೈದಾನದ ಬಳಿ ಪಾನಿಪೂರಿ ಮಾರಲು ಶುರುಮಾಡಿದ. ತನ್ನ ಜೊತೆ ಆಡುವವರು ತಿನ್ನಲು ಬಂದರೆ, ಹಂಗಿನ ಭಯದಿಂದ ತಲೆತಗ್ಗಿಸಿಕೊಳ್ಳುತ್ತಿದ್ದ. ಆದರೆ, ಈ ಕಷ್ಟದ ನಡುವೆಯೂ ಆತನ ಕ್ರಿಕೆಟ್ ಪ್ರೀತಿ ಕಡಿಮೆಯಾಗಲಿಲ್ಲ. ಆಟದ ಮೈದಾನದಲ್ಲಿ ಯಶಸ್ವಿ ಒಬ್ಬ ರಾಕ್ಷಸನಂತೆ ಆಡಿದ. ಬೌಲರ್ಗಳನ್ನು ಚೆಂಡಾಡಿಸಿ, ಶತಕಗಳನ್ನು ಬಾರಿಸಿದ.
ಕಷ್ಟಗಳು ಯಶಸ್ವಿಯನ್ನು ಮಾನಸಿಕವಾಗಿ ಗಟ್ಟಿಗೊಳಿಸಿದವು. ಆದರೆ, ಒಂದು ಕ್ಷಣದಲ್ಲಿ ಆತ ಕುಸಿದ. ಕ್ರಿಕೆಟ್ನ ಕನಸನ್ನು ಬಿಟ್ಟು ಊರಿಗೆ ಮರಳಲು ನಿರ್ಧರಿಸಿದ. ಆಗ ಆತನ ಜೀವನದಲ್ಲಿ ದೇವರಂತೆ ಬಂದವರು ಕೋಚ್ ಜ್ವಾಲಾ ಸಿಂಗ್.
2013ರ ಡಿಸೆಂಬರ್ನಲ್ಲಿ ಜ್ವಾಲಾ ಸಿಂಗ್, ಯಶಸ್ವಿಯ ಆಟವನ್ನು ಕಂಡು ಮೆಚ್ಚಿದರು. “ನನ್ನ ಅರ್ಜುನ ಇವನೇ” ಎಂದು ತೀರ್ಮಾನಿಸಿದ ಜ್ವಾಲಾ, ಯಶಸ್ವಿಯನ್ನು ತಮ್ಮ ತಂಡಕ್ಕೆ ಸೇರಿಸಿಕೊಂಡರು. ಆಗಿನಿಂದ ಯಶಸ್ವಿಯ ಜೀವನ ಕ್ರಿಕೆಟ್ನ ಹಾದಿಯಲ್ಲಿ ಸಾಗಿತು. ಮುಂಬೈ ಕ್ರಿಕೆಟ್ ಸಂಸ್ಥೆಯ ಡಿವಿಜನ್ ಮ್ಯಾಚ್ಗಳಲ್ಲಿ ಶತಕಗಳ ಸರಮಾಲೆ, 16ನೇ ವಯಸ್ಸಿನಲ್ಲಿ ಭಾರತದ ಅಂಡರ್-19 ತಂಡಕ್ಕೆ ಆಯ್ಕೆ, 2020ರ ಅಂಡರ್-19 ವಿಶ್ವಕಪ್ನಲ್ಲಿ 400 ರನ್ಗಳ ಸಾಧನೆ – ಯಶಸ್ವಿಯ ಹೆಸರು ಕ್ರಿಕೆಟ್ ಜಗತ್ತಿನಲ್ಲಿ ಮೊಳಗತೊಡಗಿತು.
ಇದನ್ನೂ ಓದಿ: ಜೂನ್ 21 ರಂದೇ ಯೋಗ ದಿನವನ್ನು ಆಚರಿಸುವುದೇಕೆ? ಯೋಗಕ್ಕೆ ಸಂಬಂಧಿಸಿದ ಮಹತ್ವದ ಸಂಗತಿಗಳು
2019ರಲ್ಲಿ ಬೆಂಗಳೂರಿನ ಆಲೂರು ಮೈದಾನದಲ್ಲಿ ವಿಜಯ್ ಹಜಾರೆ ಟೂರ್ನಿಯಲ್ಲಿ ದ್ವಿಶತಕ ಬಾರಿಸಿದಾಗ ಅನೇಕ ಕ್ರಿಕೆಟ್ ದಿಗ್ಗಜರು ಇತನು ಮುಂದೆ ದೊಡ್ಡ ಸ್ಟಾರ್ ಆಟಗಾರ ನಾಗುತ್ತಾನೆ ಎನ್ನುವುದನ್ನು ಊಹಿಸಿದ್ದರು.ಯಶಸ್ವಿ ತನ್ನ ಚೊಚ್ಚಲ ಟೆಸ್ಟ್ ಪಂದ್ಯದಲ್ಲೇ ಶತಕ ಬಾರಿಸಿದ.ಆರೇ ತಿಂಗಳಲ್ಲಿ ಟೆಸ್ಟ್ ದ್ವಿಶತಕ. ಆಸ್ಟ್ರೇಲಿಯಾದಲ್ಲಿ ಮೊದಲ ಟೆಸ್ಟ್ನಲ್ಲಿ ಶತಕ, ಇಂಗ್ಲೆಂಡ್ನಲ್ಲಿ ಮೊದಲ ಟೆಸ್ಟ್ನಲ್ಲೂ ಶತಕ.ಇವತ್ತಿಗೆ ಯಶಸ್ವಿಯ ದಾಖಲೆಗಳು ಅಂಡರ್-19 ವಿಶ್ವಕಪ್ನಿಂದ ಹಿಡಿದು ರಣಜಿ, ದುಲೀಪ್, ವಿಜಯ್ ಹಜಾರೆ, ಐಪಿಎಲ್, ಅಂತರಾಷ್ಟ್ರೀಯ ಟಿ20, ಟೆಸ್ಟ್ ಕ್ರಿಕೆಟ್ ಹೀಗೆ ಎಲ್ಲೆಡೆ ಶತಕಗಳ ಸರಮಾಲೆಯಾಗಿ ಹರಡಿವೆ.ಯಶಸ್ವಿ ಜೈಸ್ವಾಲ್ನ ಕಥೆ ಕೇವಲ ಕ್ರಿಕೆಟ್ನ ಶತಕಗಳ ಕಥೆಯಲ್ಲ. ಇದು ಕಷ್ಟದಿಂದ ಕೀರ್ತಿಯ ಶಿಖರಕ್ಕೆ ಏರಿದ ಒಂದು ಧೈರ್ಯದ ಕಥೆ. ಆಜಾದ್ ಮೈದಾನದ ಬಳಿ ಪಾನಿಪೂರಿ ಮಾರುತ್ತಿದ್ದ 10 ವರ್ಷದ ಹುಡುಗ, ಇಂದು ವಿಶ್ವ ಕ್ರಿಕೆಟ್ನ ಎತ್ತರದ ಶಿಖರದಲ್ಲಿ ನಿಂತಿದ್ದಾನೆ. ಕನಸು, ಕಷ್ಟ, ಶ್ರಮ, ಧೈರ್ಯ ಇವೆಲ್ಲವನ್ನೂ ಸಮ್ಮಿಳನಗೊಳಿಸಿ ಯಶಸ್ವಿ ತೋರಿಸಿದ ಹಾದಿ, ಲಕ್ಷಾಂತರ ಯುವಕರಿಗೆ ಸ್ಫೂರ್ತಿಯಾಗಿದೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
ನಿಮ್ಮ ಜೀ ಕನ್ನಡ ನ್ಯೂಸ್ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್ ಲಭ್ಯ
Sun Direct-292
TATA PLAY- 1664
JIO TV-1334
NXT Digital-30
IN-CABLE-30
U-Digital-162
GTPL-17
Rockline Telecommunications ಬೆಂಗಳೂರು-42
V4 Digital Infotech ಮಂಗಳೂರು-628
Malanad infotech Pvt Ltd-56
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ
