ರಹಾನೆ-ರಚಿನ್ ಮಿಂಚಿನ ಓಟಕ್ಕೆ ವಿರಾಟ್ ಕೊಹ್ಲಿ ವಿಕೆಟ್ ಉಡೀಸ್… ವಾರೆ ವ್ಹಾ!! ಅದ್ಭುತ ಕ್ಯಾಚ್ ವಿಡಿಯೋ ಇಲ್ಲಿದೆ

Virat Kohli Wicket: ಐಪಿಎಲ್ 2024 ರ ಆರಂಭಿಕ ಪಂದ್ಯ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವೆ ನಡೆಯುತ್ತಿದೆ. ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಕ್ಯಾಚ್ ಹಿಡಿದ ರೀತಿ ನೋಡಿ ಎಲ್ಲರೂ ಬೆಚ್ಚಿ ಬಿದ್ದಿದ್ದಾರೆ. ಅಜಿಂಕ್ಯ ರಹಾನೆ ಮತ್ತು ರಚಿನ್ ರವೀಂದ್ರ ಮಿಂಚಿನ ಪ್ರದರ್ಶನ ಕಂಡು ಕೊಹ್ಲಿ ಕೂಡ ಅರೆ ಕ್ಷಣ ಶಾಕ್ ಆಗಿದ್ದು ಸುಳ್ಳಲ್ಲ. ಅಂದಹಾಗೆ ಈ ಅದ್ಭುತ ಕ್ಯಾಚ್‌’ನ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ.

ಇದನ್ನೂ ಓದಿ: ಶ್ರೇಷ್ಠ ದಾಖಲೆ ಬರೆದ ವಿರಾಟ್ ಕೊಹ್ಲಿ: ಯಾವೊಬ್ಬ ಭಾರತೀಯನೂ ಮಾಡಿರದ ವಿಶೇಷ ರೆಕಾರ್ಡ್ ಅದು…!

ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ 21 ರನ್ ಗಳಿಸಿ ಔಟಾದರು. ಅವರ ಇನ್ನಿಂಗ್ಸ್‌’ನಲ್ಲಿ ಕೇವಲ ಒಂದು ಸಿಕ್ಸರ್ ಸೇರಿತ್ತು. ಇನಿಂಗ್ಸ್ ನ 12ನೇ ಓವರ್’ನಲ್ಲಿ ಚೆನ್ನೈ ಬೌಲರ್ ಮುಸ್ತಾಫಿಜುರ್ ರೆಹಮಾನ್ ಬೌಲಿಂಗ್ ಮಾಡಿದ್ದು, ಎರಡನೇ ಎಸೆತದಲ್ಲಿ ಕೊಹ್ಲಿಯನ್ನು ಔಟ್ ಮಾಡಿದ್ದರು. ಕೊಹ್ಲಿ ದೊಡ್ಡ ಹೊಡೆತಕ್ಕೆ ಪ್ರಯತ್ನಿಸುವಾಗ ಬೌಂಡರಿಯಲ್ಲಿ ಕ್ಯಾಚ್ ಔಟ್ ಆದರು. ಆದರೆ ಈ ಒಂದು ಕ್ಯಾಚ್ ಹಿಡಿಯಲು ರಹಾನೆ ಮತ್ತು ರಚಿನ್ ಪಟ್ಟ ಶ್ರಮ ಎಲ್ಲರ ಗಮನಸೆಳೆದಿದೆ.  

ವಿರಾಟ್ ಹೊಡೆದ ಬಾಲ್ ಅನ್ನು ಕ್ಯಾಚ್ ಹಿಡಿದ ಅಜಿಂಕ್ಯ ರಹಾನೆ, ಬೌಂಡರಿ ಗೆರೆಯತ್ತ ಬೀಳುತ್ತಿದ್ದರು. ತಕ್ಷಣವೇ ಎಚ್ಚೆತ್ತೆ ಅವರು, ತಮ್ಮ ಕೈಯಲ್ಲಿದ್ದ ಬಾಲ್ ಅನ್ನು ರಚಿನ್ ರವೀಂದ್ರ ಕಡೆಗೆ ಎಸೆದರು. ಅವರು ಅದನ್ನು ಕ್ಯಾಚ್ ಹಿಡಿದರು. ಈ ಮೂಲಕ ಕೊಹ್ಲಿಯನ್ನು ಔಟಾಗಿಸಲು ಈ ಇಬ್ಬರೂ ಆಟಗಾರರು ಅದ್ಭುತ ಕ್ಯಾಚ್‌ ಪಡೆದಿದ್ದರು. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ.

ಇದನ್ನೂ ಓದಿ: ವೃತ್ತಿ ಆರಂಭಕ್ಕೂ… ನಿವೃತ್ತಿ ಸಮೀಪಕ್ಕೂ ಒಂದೇ ಸಾಮ್ಯತೆ! ವಿದಾಯದ ಮುನ್ಸೂಚನೆ ನೀಡ್ತಿದ್ದಾರೆ ಧೋನಿ?

ವಿರಾಟ್ ಕೊಹ್ಲಿ 12000 ಟಿ20 ರನ್:

ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ 6 ರನ್‌ ಗಳಿಸುವಷ್ಟರಲ್ಲಿ ಟಿ20ಯಲ್ಲಿ 12000 ರನ್ ಪೂರೈಸಿದರು. ಈ ಮೈಲಿಗಲ್ಲನ್ನು ತಲುಪಿದ ಭಾರತದ ಮೊದಲ ಕ್ರಿಕೆಟಿಗರಾಗಿದ್ದಾರೆ. ಈ ಹಿಂದೆ ಯಾವ ಭಾರತೀಯನೂ ಈ ಸಾಧನೆ ಮಾಡಲು ಸಾಧ್ಯವಾಗಿರಲಿಲ್ಲ. ಈ ಹಂತ ತಲುಪಲು ಕೊಹ್ಲಿ 360 ಇನ್ನಿಂಗ್ಸ್ ತೆಗೆದುಕೊಂಡಿದ್ದಾರೆ.