25 ರನ್`ಗೆ 3 ವಿಕೆಟ್ ಉಡೀಸ್…! ಬ್ಯಾಟಿಂಗ್’ನಲ್ಲೂ ಅರ್ಧಶತಕ ಸಿಡಿಸಿ ಮಿಂಚಿದ ಸ್ಟಾರ್ ಬೌಲರ್

World Cup 2023, BAN vs AFG Match Highlight: ವಿಶ್ವಕಪ್ 2023 ರ ಮೂರನೇ ಪಂದ್ಯವು ಬಾಂಗ್ಲಾದೇಶ ಮತ್ತು ಅಫ್ಘಾನಿಸ್ತಾನ ನಡುವೆ ಧರ್ಮಶಾಲಾದ ಹಿಮಾಚಲ ಪ್ರದೇಶ ಕ್ರಿಕೆಟ್ ಅಸೋಸಿಯೇಷನ್ ​​ಸ್ಟೇಡಿಯಂನಲ್ಲಿ ನಡೆಯಿತು. ಟಾಸ್ ಗೆದ್ದ ಬಾಂಗ್ಲಾದೇಶ ನಾಯಕ ಶಕೀಬ್ ಅಲ್ ಹಸನ್ ಬೌಲಿಂಗ್ ಮಾಡಲು ನಿರ್ಧರಿಸಿದರು. ಈ ಸಂದರ್ಭದಲ್ಲಿ ಅಫ್ಘಾನಿಸ್ತಾನ ತಂಡದ ಬ್ಯಾಟ್ಸ್‌ಮನ್‌’ಗಳು 156 ರನ್ ಸೇರಿಸಲಷ್ಟೇ ಶಕ್ತರಾದರು. ಬಳಿಕ ಬಾಂಗ್ಲಾದೇಶ 34.4 ಓವರ್‌’ಗಳಲ್ಲಿ 4 ವಿಕೆಟ್‌ ಕಳೆದುಕೊಂಡು 158 ರನ್‌ ಗಳಿಸಿ ಸುಲಭ ಜಯ ದಾಖಲಿಸಿತು.

ಇದನ್ನೂ ಓದಿ: ಇರ್ಫಾನ್ ಪಠಾಣ್ ಮುಂದೆ ಅದೊಂದು ಆಹಾರಕ್ಕಾಗಿ ಬೇಡಿಕೆ ಇಟ್ಟಿದ್ರಂತೆ ಸಚಿನ್..!!

ಮೆಹಂದಿ ಹಸನ್ ಮಿರಾಜ್ ಪಂದ್ಯ ಶ್ರೇಷ್ಠ:

ಬಾಂಗ್ಲಾದೇಶ ಪರ ಆಲ್ ರೌಂಡ್ ಪ್ರದರ್ಶನ ನೀಡಿದ ಮೆಹದಿ ಹಸನ್ ಮಿರಾಜ್ ಪಂದ್ಯ ಶ್ರೇಷ್ಠರಾಗಿ ಆಯ್ಕೆಯಾದರು. 9 ಓವರ್ ಬೌಲಿಂಗ್ ಮಾಡಿದ ಮೀರಜ್ ಕೇವಲ 25 ರನ್ ನೀಡಿ 3 ವಿಕೆಟ್ ಪಡೆದರು. ಇದಾದ ಬಳಿಕ ಬ್ಯಾಟ್‌’ನಿಂದ ಅರ್ಧಶತಕ ಗಳಿಸಿ ಗೆಲುವಿಗೆ ಮಹತ್ವದ ಕೊಡುಗೆ ನೀಡಿದರು. 73 ಎಸೆತಗಳನ್ನು ಎದುರಿಸಿದ ಮೀರಜ್ 5 ಬೌಂಡರಿಗಳ ನೆರವಿನಿಂದ 57 ರನ್ ಗಳಿಸಿದರು. ಮೀರಜ್ ಹೊರತಾಗಿ ನಜ್ಮುಲ್ ಹೊಸೈನ್ ಶಾಂಟೊ ಕೂಡ ಉತ್ತಮ ಇನಿಂಗ್ಸ್ ಆಡಿದರು. 3 ಬೌಂಡರಿ ಹಾಗೂ 1 ಸಿಕ್ಸರ್ ಒಳಗೊಂಡ 59 ರನ್ ಗಳಿಸಿ ಅಜೇಯರಾಗಿ ಉಳಿದರು.

ಬಾಂಗ್ಲಾದೇಶ ಬೌಲರ್‌’ಗಳ ಸೂಪರ್ ಶೋ:

ಬಾಂಗ್ಲಾದೇಶದ ಬೌಲರ್‌’ಗಳು ಮೊದಲ ಇನ್ನಿಂಗ್ಸ್‌ನಲ್ಲಿಯೇ ಆಫ್ಘನ್ ತಂಡವನ್ನು ಹಿನ್ನಡೆಗೆ ತಳ್ಳಿದ್ದರು. ಬಾಂಗ್ಲಾದೇಶ ಪರ ನಾಯಕ ಶಕೀಬ್ ಅಲ್ ಹಸನ್ (3) ಮತ್ತು ಮೆಹಂದಿ ಹಸನ್ ಮಿರಾಜ್ (3) ವಿಕೆಟ್ ಪಡೆದರು. ಇದರ ನಂತರ ಶರೀಫುಲ್ ಇಸ್ಲಾಂ 2 ವಿಕೆಟ್ ಕಿತ್ತರೆ, ತಸ್ಕಿನ್ ಅಹ್ಮದ್ ಮತ್ತು ಮುಸ್ತಾಫಿಜುರ್ ರೆಹಮಾನ್ ತಲಾ 1 ವಿಕೆಟ್ ಪಡೆದರು. ಇವರ ಮುಂದೆ ಅಫ್ಘಾನಿಸ್ತಾನದ ಯಾವುದೇ ಬ್ಯಾಟ್ಸ್‌ಮನ್ ಹೆಚ್ಚು ಹೊತ್ತು ಕ್ರೀಸ್‌’ನಲ್ಲಿ ಉಳಿಯಲು ಸಾಧ್ಯವಾಗದೆ ತಂಡ 156 ರನ್‌’ಗಳಿಗೆ ಆಲೌಟ್ ಆಯಿತು.

ಇದನ್ನೂ ಓದಿ: 15 ವರ್ಷಗಳ ಕ್ರಿಕೆಟ್ ಜೀವನ ಅಂತ್ಯ! ನಿವೃತ್ತಿ ಘೋಷಿಸಿದ 42ರ ಹರೆಯದ ಸ್ಟಾರ್ ಸೀಮ್ ಬೌಲರ್

ಅಫ್ಘಾನ್ ಬ್ಯಾಟ್ಸ್‌ಮನ್’ಗಳ ವೈಫಲ್ಯ!

ಈ ಪಂದ್ಯದಲ್ಲಿ ಅಫ್ಘಾನಿಸ್ತಾನದ ಬ್ಯಾಟ್ಸ್‌ಮನ್‌’ಗಳು ವಿಫಲರಾಗಿದ್ದಾರೆ. ರಹಮಾನುಲ್ಲಾ ಗುರ್ಬಾಜ್ (47) ಉತ್ತಮ ಬ್ಯಾಟಿಂಗ್ ಮಾಡಿದ್ದು ಬಿಟ್ಟರೆ, ಇವರನ್ನು ಹೊರತುಪಡಿಸಿ, ಬೇರೆ ಯಾವುದೇ ಬ್ಯಾಟ್ಸ್‌ಮನ್ 22 ರನ್‌’ಗಿಂತ ಹೆಚ್ಚು ಸ್ಕೋರ್ ಮಾಡಲು ಸಾಧ್ಯವಾಗಲಿಲ್ಲ. ಇಬ್ರಾಹಿಂ ಜದ್ರಾನ್ ಮತ್ತು ಅಜ್ಮತುಲ್ಲಾ ತಲಾ 22 ರನ್ ಕೊಡುಗೆ ನೀಡಿದರು. ರಹಮತ್ ಮತ್ತು ಶಾಹಿದಿ ತಲಾ 18 ರನ್ ಸೇರಿಸಿದರು. ಉಳಿದ ಬ್ಯಾಟ್ಸ್‌ಮನ್‌’ಗಳಿಗೆ ಎರಡಂಕಿ ತಲುಪಲು ಸಾಧ್ಯವಾಗಲಿಲ್ಲ.