ಮಹಿಳೆಯೊಬ್ಬಳು ತನ್ನ ತಾಯಿ ಬಹಳ ದಿನಗಳಿಂದ ಬಳಲುತ್ತಿದ್ದ ಖಾಯಿಲೆಗೆ ಕಾರಣವನ್ನು ಕಂಡುಹಿಡಿಯುವ ಮೂಲಕ ಆಕೆಯನ್ನು ಪ್ರಾಣಾಪಾಯದಿಂದ ಪಾರು ಮಾಡಿದ ChatGPT ಬಗ್ಗೆ X ನಲ್ಲಿ ಭಾವನಾತ್ಮಕ ಪೋಸ್ಟ್ ಹಂಚಿಕೊಂಡಿದ್ದಾರೆ.
ChatGPT Save My Mother: ನೂತನ ತಂತ್ರಜ್ಞಾನ ಚಾಟ್ಜಿಪಿಟಿ (ChatGPT) ಇತ್ತೀಚಿನ ದಿನಗಳಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಬಹುತೇಕ ಮಂದಿ ತಮ್ಮ ಸಮಸ್ಯೆಗಳನ್ನು, ಭಾವನೆಗಳನ್ನು ಹಂಚಿಕೊಳ್ಳಲು ಇದನ್ನು ಬಳಸುತ್ತಾರೆ. ಅಷ್ಟೇ ಅಲ್ಲ ಈ ರೀತಿಯ ಜನರಲ್ಲಿ ಕೆಲವರು ತಮ್ಮ ಜಟಿಲ ಸಮಸ್ಯೆಗಳಿಗೆ ಪರಿಹಾರಗಳನ್ನು ಸಹ ಕಂಡುಕೊಂಡಿದ್ದಾರೆ. ಕೆಲವು ದಿನಗಳ ಹಿಂದೆ ChatGPT ಯ ಸಹಾಯದಿಂದ ಮಹಿಳೆಯೊಬ್ಬಳು ತನ್ನ ಸಾಲದಿಂದ ಮುಕ್ತವಾದ ಅಚ್ಚರಿಯ ಸಂಗತಿಯನ್ನು ಬಹಿರಂಗ ಪಡಿಸಿದ್ದರು. ಇದೀಗ 'ಚಾಟ್ಜಿಟಿಪಿ ನನ್ನ ತಾಯಿಯನ್ನು ಉಳಿಸಿದೆ' ಎಂಬ ಭಾವನಾತ್ಮಕ ಪೋಸ್ಟ್ ವೈರಲ್ ಆಗುತ್ತಿಡ್.
ಮಹಿಳೆಯೊಬ್ಬರು OpenAI ನ ChatGPTಯ ಸಹಾಯದಿಂದ ತನ್ನ ತಾಯಿಯ ಖಾಯಿಲೆಯನ್ನು ಗುಣಪಡಿಸಿರುವುದರ ಕುರಿತು ಭಾವನಾತ್ಮಕ ಪೋಸ್ಟ್ವೊಂದನ್ನು X ನಲ್ಲಿ ಹಂಚಿಕೊಂಡಿದ್ದಾರೆ.
ChatGPT saved my mom ಎಂಬ ಶೀರ್ಷಿಕೆಯಡಿ, Shreya.tsx ಎಂಬ ಎಕ್ಸ್ ಖಾತೆಯಿಂದ ಈ ಪೋಸ್ಟ್ ಹಂಚಿಕೊಳ್ಳಲಾಗಿದ್ದು, ಈ ರೀತಿ ಬರೆಯಲಾಗಿದೆ...
ಸುಮಾರು 1 ವರ್ಷ 5ತಿಂಗಳಿನಿಂದ ನನ್ನ ತಾಯಿ ನಿರಂತರ ಕೆಮ್ಮಿನ ಸಮಸ್ಯೆಯಿಂದ ಬಳಲುತ್ತಿದ್ದರು. ಇದನ್ನು ನಿವಾರಿಸಲು ಪ್ರಸಿದ್ಧ ಆಸ್ಪತ್ರೆಗಳಲ್ಲಿ ಹಲವು ಖ್ಯಾತ ವೈದ್ಯರನ್ನು ಸಂಪರ್ಕಿಸಿದ್ದೇವೆ. ಹೋಮಿಯೋಪತಿ, ಆಯುರ್ವೇದ ಎಂತಲ್ಲಾ ಚಿಕಿತ್ಸೆ ಪಡೆದರೂ ಕೆಮ್ಮು ಕಡಿಮೆಯಾಗಲಿಲ್ಲ. ಆದರೆ ಈ ಕೆಮ್ಮು ಇದೇ ರೀತಿ ಆರು ತಿಂಗಳು ಮುಂದುವರೆದರೆ ತಾಯಿಯ ಸ್ಥಿತಿ ಗಂಭೀರವಾಗುತ್ತದೆ ಎಂದು ವೈದ್ಯರು ಹೇಳಿದ್ದರು.
ಮುಂದೇನು ಮಾಡಬೇಕೆಂದು ತಿಳಿಯದೆ ಗೊಂದಲದಲ್ಲಿದ್ದ ನಾನು, ಹತಾಶೆಯಿಂದ, ಚಾಟ್ಜಿಟಿಪಿಗೆ ಎಲ್ಲವನ್ನೂ ವಿವರಿಸಿದೆ. ತನ್ನ ತಾಯಿಯ ಈ ಸ್ಥಿತಿಗೆ ಚಾಟ್ ಜಿಪಿಟಿ ಸಂಭವನೀಯ ಕಾರಣಗಳ ಪಟ್ಟಿಯನ್ನು ನೀಡಿತು. ಅದರಲ್ಲಿ ಒಂದು ಬಿಪಿ ಔಷಧಿ, ಅದರ ಬಗ್ಗೆ ನಾವು ಎಂದಿಗೂ ಯೋಚಿಸಿಯೇ ಇರಲಿಲ್ಲ.
ಈ ವಿಚಾರವನ್ನು ವೈದ್ಯರೊಂದಿಗೆ ಚರ್ಚಿಸಿದಾಗ ಅವರು ಅದನ್ನು ತಕ್ಷಣವೇ ದೃಢಪಡಿಸಿದರು ಮತ್ತು ಔಷಧಿಗಳನ್ನು ಬದಲಾಯಿಸಿದರು. ಕೊನೆಗೆ ನನ್ನ ತಾಯಿ ತೆಗೆದುಕೊಳ್ಳುತ್ತಿದ್ದ ಬಿಪಿ ಮಾತ್ರೆಗಳ ಸಂಭಾವ್ಯ ಅಡ್ಡಪರಿಣಾಮ ರೂಪದಲ್ಲಿ ಈ ಕೆಮ್ಮು ಕಾಣಿಸಿಕೊಂಡಿದೆ ಎಂದು ತಿಳಿದುಬಂದಿವೆ. ಸದ್ಯ ನನ್ನ ತಾಯಿ ಈಗ ಸಂಪೂರ್ಣವಾಗಿ ಗುಣಮುಖರಾಗಿದ್ದಾರೆ.
ಉತ್ಪ್ರೇಕ್ಷೆ ಮಾಡುತ್ತಿಲ್ಲ ಆದರೆ ಚಾಟ್ ಜಿಪಿಟಿ ನನ್ನ ತಾಯಿಯ ಜೀವವನ್ನು ಉಳಿಸಿದೆ. ಇಂತಹ ಉತ್ತಮ ವಿಷಯವನ್ನು ರಚಿಸಿದ್ದಕ್ಕಾಗಿ ಧನ್ಯವಾದಗಳು ಎಂದವರು ಬರೆದಿದ್ದಾರೆ.
ಸದ್ಯಕ್ಕೆ ಈ ಪೋಸ್ಟ್ ಮಿಲಿಯನ್ಗಟ್ಟಲೇ ಲೈಕ್ಸ್ಗಳನ್ನು ಪಡೆದಿದ್ದು. ChatGPT ಈ ಸಮಯಪ್ರಜ್ಞೆಗೆ ನೆಟಿಜನ್ಸ್ ಪ್ರಶಂಸೆ ವ್ಯಕ್ತ ಪಡಿಸಿದ್ದಾರೆ. ಈ ಪೋಸ್ಟ್ ನ ಪರಿಣಾಮ ವೈದ್ಯರ ಕುರಿತು ಮಿಶ್ರಪ್ರತಿಕ್ರಿಯೆಗಳು ಸೋಶಿಯಲ್ ಮೀಡಿಯಾದಲ್ಲಿ ಕೇಳಿಬರುತ್ತಿವೆ.
)
