ಪತ್ನಿ ಒಬ್ಬಳೇ ಆ ಕೆಲಸ ಮಾಡ್ತಾಳೆ ಅಂತ ತ್ರಿವಳಿ ತಲಾಖ್ ನೀಡಿದ ಪತಿ..! ಅಸಲಿ ವಿಷಯ ತಿಳಿದ್ರೆ ನಗ್ತಿರಾ..

Viral news : ಪತ್ನಿ ಪ್ರತಿನಿತ್ಯ ಬೆಳಗ್ಗೆ ಒಬ್ಬಂಟಿಯಾಗಿ ಬೆಳಗಿನ ವಾಕ್‌ಗೆ ಹೋಗುತ್ತಿದ್ದಾಗ ಆಕೆಯ ಪತಿ ‘ತ್ರಿವಳಿ ತಲಾಖ್’ ಎಂದಿದ್ದಾನೆ. ನಾನು ಇನ್ನು ಮುಂದೆ ನಿಮ್ಮೊಂದಿಗೆ ಯಾವುದೇ ಸಂಬಂಧವನ್ನು ಹೊಂದಿಲ್ಲ ಅಂತ ಕಡ್ಡಿ ಮುರಿದಂತೆ ಹೇಳಿದ್ದಾನೆ. ಇದರಿಂದ ಗಾಬರಿಗೊಂಡ ಪತ್ನಿ ಪೊಲೀಸರ ಮೊರೆ ಹೋಗಿದ್ದಾಳೆ. 

ಹೌದು.. ಮಹಾರಾಷ್ಟ್ರದ ಥಾಣೆ ಜಿಲ್ಲೆಯ ಮುಂಬ್ರಾ ಪ್ರದೇಶದ 31 ವರ್ಷದ ವ್ಯಕ್ತಿ ಕಳೆದ ಮಂಗಳವಾರ ತನ್ನ ಪತ್ನಿಯ (25 ವರ್ಷದ) ತಂದೆಗೆ ಕರೆ ಮಾಡಿ ತ್ರಿವಳಿ ತಲಾಖ್ ಮೂಲಕ ಡಿವೋರ್ಸ್‌ ನೀಡಿದ್ದಾನೆ. ಏಕಾಏಕಿ ಏಕೆ ಕೊಡುತ್ತಿದ್ದೀರಿ? ನನ್ನ ಮಗಳು ಅಂತ ತಪ್ಪು ಏನು ಮಾಡಿದಳು? ಎಂದು ಮಾವ ಕೇಳಿದಾಗ, ಅಳಿಯನ ಉತ್ತರ ಕೇಳಿ ಬಹುತೇಕ ಮೂರ್ಛೆ ಹೋಗಿರಬೇಕು.. 

ಇದನ್ನೂ ಓದಿ:ಬಿಗ್‌ಬಾಸ್‌ ಎಲಿಮಿನೇಷನ್‌ನಲ್ಲಿ ಶಾಕ್.. ನಿಯಮ ಉಲ್ಲಂಘಿಸಿದ ಸ್ಟ್ರಾಂಗ್‌ ಸ್ಪರ್ಧಿಯೇ ಮನೆಯಿಂದ ಔಟ್!!

ಪತ್ನಿ ದಿನವೂ ನಿಮ್ಮ ಮಗಳು ಒಬ್ಬಳೇ ವಾಕಿಂಗ್ ಹೋಗುತ್ತಿದ್ದು, ಅದಕ್ಕಾಗಿಯೇ ಆಕೆಗೆ ವಿಚ್ಛೇದನ ನೀಡುತ್ತಿದ್ದೇನೆ ಎಂದು ಫೋನ್ ನಲ್ಲಿ ಹೇಳಿದ್ದಾನೆ. ಅನುಮಾನಗೊಂಡ ಪತಿ ವಿರುದ್ಧ ಪತ್ನಿ ಪೊಲೀಸರಿಗೆ ದೂರು ನೀಡಿದ್ದಾರೆ. ವಾಸ್ತವವಾಗಿ, 'ತ್ರಿವಳಿ ತಲಾಖ್' (ತ್ವರಿತ ವಿಚ್ಛೇದನ) ಕಾನೂನನ್ನು 2019 ರಲ್ಲಿ ನಿಷೇಧಿಸಲಾಗಿದೆ. ಆದರೆ, ಇಂತಹ ಘಟನೆಗಳು ದೇಶದ ಎಲ್ಲೋ ಒಂದು ಕಡೆ ನಡೆಯುತ್ತಲೇ ಇರುತ್ತವೆ. 

ಸದ್ಯ ಪೊಲೀಸರು ಪತಿರಾಯನನ್ನು ಬಂಧಿಸಿ ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 351(4) ಅಡಿಯಲ್ಲಿ ಪತ್ನಿಗೆ ಕ್ರಿಮಿನಲ್ ಬೆದರಿಕೆ ಮತ್ತು ಮುಸ್ಲಿಂ ಮಹಿಳೆಯರ (ವಿವಾಹದ ಹಕ್ಕುಗಳ ರಕ್ಷಣೆ) ಕಾಯ್ದೆಯಡಿ ಎಫ್‌ಐಆರ್ ದಾಖಲಿಸಿದ್ದಾರೆ. ತನಿಖೆ ನಡೆಯುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.