Snake Viral Video : ಹಾವು ಎಂದಾಕ್ಷಣ ಎಂಥವರ ಕೈ ಕಾಲು ಕೂಡಾ ನಡುಗಿ ಹೋಗುತ್ತದೆ. ಸಾಮಾನ್ಯವಾಗಿ ಹಾವುಗಳನ್ನು ಕಂಡರೆ ಯಾರೂ ಕೂಡಾ ಆ ಜಾಗದಲ್ಲಿ ನಿಲ್ಲುವುದಿಲ್ಲ. ಹಾವು ಸಣ್ಣದಿರಲಿ ದೊಡ್ಡದಿರಲಿ ಮನಸ್ಸಿನಲ್ಲಿ ಭಯ ಆವರಿಸಿ ಬಿಡುತ್ತದೆ. ಅಂಥದ್ದರಲ್ಲಿ 8 ಅಡಿ ಉದ್ದದ ನಾಗರ ಹಾವು ಮನೆ ಬಾಗಿಲಿನಲ್ಲಿ ಬಂದು ನಿಂತರೆ ಹೇಗಾಗಬೇಡ. ಹಾವು ಬಂದು ನಿಂತಿದ್ದು ಮಾತ್ರವಲ್ಲ, ಏನೂ ಅರಿಯದ ಕಂದಮ್ಮ ಅದರ ಹೆಡೆ ಮೇಲೆ ಕಾಲು ಬೇರೆ ಇಟ್ಟಿದೆ. ಈ ವಿಡಿಯೋ ಈಗ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ.
ಹಾವಿನ ತಲೆ ಮೇಲೆ ಮಗುವಿನ ಕಾಲು :
ತಾಯಿ ಮಗು ಮನೆಯ ಒಳಗಿನಿಂದ ಅವರ ಪಾಡಿಗೆ ಹೊರಗೆ ಬರುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಅಲ್ಲಿಯೇ ಹೊರಗೆ ಸುಮಾರು 8 ಅಡಿ ಉದ್ದದ ನಾಗರಾಹಾವು ಸರಸರನೆ ಹರಿದು ಬರುತ್ತಿರುವುದನ್ನು ಕೂಡಾ ಇಲ್ಲಿ ಕಾಣಬಹುದು. ಮಗು ಎಂದಿನಂತೆ ತನ್ನ ಪಾಡಿಗೆ ಮನೆಯ ಮೆಟ್ಟಿಲು ಇಳಿದಿದೆ. ಹೀಗೆ ಇಳಿಯುವಾಗ ಮಗು ನಾಗರಾಜನ ಹೆಡೆಯ ಮೇಲೆ ಕಾಲಿಟ್ಟಿದೆ. ಏಟು ತಿಂದ ನಾಗರಾಜ ಸುಮ್ಮನಿರುತ್ತಾನೆಯೇ? ಒಮ್ಮೆಲೇ ತನ್ನ ಹೆಡೆ ಎತ್ತಿ ಬುಸುಗುಟ್ಟಿದ್ದಾನೆ.
ಇದನ್ನೂ ಓದಿ : Viral Video : ಹಕ್ಕಿಯನ್ನು ಹಿಡಿದು ತಿನ್ನಲು ಮುಂದಾಗಿತ್ತು ಬೆಕ್ಕು.! ಆದರೆ ಬಂದೇ ಬಿಟ್ಟಿತು ಹಕ್ಕಿಯ ಜೊತೆಗಾರ
ದೇವರಂತೆ ಬಂದ ತಾಯಿ :
ಹೆಡೆ ಎತ್ತಿದಾಗ ತಾಯಿ ಅಲ್ಲಿರುವ ಹಾವನ್ನು ಗಮನಿಸಿದ್ದಾಳೆ. ಇನ್ನೇನು ಹಾವು ಮಗುವಿಗೆ ಕಚ್ಚಬೇಕು ಎನ್ನುವಷ್ಟರಲ್ಲಿ ತಾಯಿ ಮಗುವನ್ನು ಕಾಪಾಡಿದ್ದಾಳೆ. ತಾಯಿ ದೇವರು ಎಂದು ಹೇಳುತ್ತಾರೆ. ಈ ಮಗುವಿನ ಪಾಲಿಗಂತೂ ತಾಯಿ ನಿಜ ರೂಪದಲ್ಲಿ ದೇವರಂತೆಯೇ ಬಂದು ರಕ್ಷಿಸಿದ್ದಾಳೆ. ತಾಯಿಯ ಸ್ಪಂದನೆಯಲ್ಲಿ ಒಂದು ಸೆಕೆಂಡು ತಡವಾದರೂ ಅನಾಹುತ ಸಂಭವಿಸುತ್ತಿತ್ತು.
Her presence of mind saved the kid..
Mother ❤️
But be safe all, this is an eye opener to all pic.twitter.com/tPm6WbGc8g— Anu Satheesh 🇮🇳 (@AnuSatheesh5) August 12, 2022
ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುವ ಈ ವೀಡಿಯೋ ಮಂಡ್ಯ ಜಿಲ್ಲೆಯದ್ದು ಎಂದು ಹೇಳಲಾಗುತ್ತಿದೆ. ಈ ವೀಡಿಯೋವನ್ನು @AnuSatheesh5 ಟ್ವಿಟರ್ ಖಾತೆಯಲ್ಲಿ ಅಪ್ಲೋಡ್ ಮಾಡಲಾಗಿದೆ. ಈ ವಿಡಿಯೋಗೆ ಇದುವರೆಗೆ ಲಕ್ಷಾಂತರ ಲೈಕ್ಸ್ ಮತ್ತು ವೀಕ್ಷಣೆಗಳು ಬಂದಿವೆ.
ಇದನ್ನೂ ಓದಿ : Viral Video: ಸಂಗೀತವನ್ನು ಆನಂದಿಸುತ್ತಾ ಗಿಟಾರ್ ನುಡಿಸಿದ ಬೀದಿ ನಾಯಿ!
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
