Viral Video: ನಡುರಸ್ತೆಯಲ್ಲೇ ಬೈಕ್‌ ವ್ಹೀಲಿಂಗ್‌ ಮಾಡುತ್ತಿದ್ದ ಜೋಡಿಗೆ ಇದೇನಾಯ್ತು ನೋಡಿ!! ವಿಡಿಯೋ ಸಖತ್‌ ವೈರಲ್

Bike Stunt Video: ಖುಷಿ ಖುಷಿಯಿಂದಲೇ ಬೈಕ್‌ ಸ್ಟಂಟ್‌ ಮಾಡಿಕೊಂಡು ನಡುರಸ್ತೆಯಲ್ಲಿ ಎಂಜಾಯ್‌ ಮಾಡುತ್ತಿದ್ದ ಈ ಜೋಡಿಗೆ ಕ್ಷಣಮಾತ್ರದಲ್ಲಿ ಆಘಾತ ಉಂಟಾಗಿದೆ. ಏಕೆಂದರೆ ನೋಡನೋಡುತ್ತಲೇ ಯುವಕ ಹಿಡಿದ್ದ ಬೈಕ್‌ನ ಹ್ಯಾಂಡಲ್‌ ಬ್ಯಾಲೆನ್ಸ್ ತಪ್ಪಿದೆ. ಪರಿಣಾಮ ಹಿಂದೆ ಕುಳಿತಿದ್ದ ಯುವತಿ ದಡ್ಡನೇ ಕೆಳಗಡೆ ಬಿದ್ದಿದ್ದಾಳೆ.

ಬೈಕ್‌ ವ್ಹೀಲಿಂಗ್‌ ಯಡವಟ್ಟು!!

Bike Stunt Viral Video: ಇತ್ತೀಚಿಗೆ ರಸ್ತೆಯಲ್ಲಿ ಬೇಕಾಬಿಟ್ಟಿಯಾಗಿ ವ್ಹೀಲಿಂಗ್‌, ಸ್ಟಂಟ್‌ ಮಾಡುವವರ ಸಂಖ್ಯೆ ಹೆಚ್ಚಾಗಿದೆ. ಸಾಮಾಜಿಕ ಮಾಧ್ಯಮದಲ್ಲಿ ಹೆಚ್ಚು ಲೈಕ್ಸ್‌ ಮತ್ತು ಕಾಮೆಂಟ್‌ಗೋಸ್ಕರ ನಡು ರಸ್ತೆಯಲ್ಲೇ ಸಾಹಸ ಪ್ರದರ್ಶನ ಮಾಡಲು ಹೋಗಿ ಯಡವಟ್ಟು ಮಾಡಿಕೊಳ್ಳುತ್ತಿದ್ದಾರೆ. ಪೊಲೀಸರು ಎಷ್ಟೇ ಎಚ್ಚರಿಕೆ ಕೊಟ್ಟರೂ ಸಹ ಕ್ಯಾರೆ ಅನ್ನದ ಕೆಲವರು ಅಡ್ಡಾದಿಡ್ಡಿ ಬೈಕ್‌ ಚಲಾಯಿಸುವುದು, ವ್ಹಿಲೀಂಗ್‌ ಮತ್ತು ಅಪಾಯಕಾರಿ ಸ್ಟಂಟ್‌ ಮಾಡುತ್ತಿರುತ್ತಾರೆ. ಹೀಗೆ ಹುಚ್ಚಾಟ ಮಾಡಲು ಹೋಗಿ ಅನೇಕರು ತಮ್ಮ ಜೀವಕ್ಕೆ ಅಪಾಯ ತಂದುಕೊಳ್ಳುತ್ತಿದ್ದಾರೆ. ಈ ರೀತಿಯ ಪುಂಡರಿಗೆ ಏಷ್ಟೇ ಬದ್ಧಿ ಹೇಳಿದರೂ ಅವರ ಹುಚ್ಚಾಟ ಮಾತ್ರ ದಿನೇ ದಿನೇ ಹೆಚ್ಚಾಗುತ್ತಲೇ ಇದೆ. ಇದಕ್ಕೆ ನಿದರ್ಶನವೇ ಈಗ ವೈರಲ್‌ ಆಗುತ್ತಿರುವ ಈ ವಿಡಿಯೋ...

Add Zee News as a Preferred Source

ಹೌದು, ಈಗಾಗಲೇ ಬೈಕ್‌ ಮೂಲಕ ಸಾಹಸ ಪ್ರದರ್ಶನ ಮಾಡಲು ಹೋಗಿ ಅನೇಕರು ತಮ್ಮ ಮೂಳೆಗಳು ಮತ್ತು ಪಕ್ಕೆಲುಬುಗಳನ್ನು ಮುರಿದುಕೊಂಡಿದ್ದಾರೆ. ಹೀಗಿದ್ದರೂ ಈ ರೀತಿಯ ಸ್ಟಂಟ್‌ ಮಾಡುವ ಭೂಪರಿಗೆ ಇನ್ನು ಬುದ್ಧಿ ಬಂದಿಲ್ಲ. ಇತ್ತೀಚೆಗೆ ಇದೇ ರೀತಿಯ ಸ್ಟಂಟ್ ಮಡಲು ಹೋಗಿ ಯುವಕನೊಬ್ಬ ಯಡವಟ್ಟು ಮಾಡಿಕೊಂಡಿದ್ದಾನೆ. ಆತನ ಯಡವಟ್ಟು ಸ್ಟಂಟ್‌ ಇದೀಗ ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ವೈರಲ್‌ ಆಗುತ್ತಿದೆ. ಈ ವೈರಲ್‌ ವಿಡಿಯೋದಲ್ಲಿ ಆ ಯುವಕ ತನ್ನ ಗೆಳತಿಯನ್ನ ಹಿಂದೆ ಕುರಿಸಿಕೊಂಡಿರುತ್ತಾನೆ. ಆಕೆಯೂ ಈತನ ವ್ಹೀಲಿಂಗ್‌ ರೈಡ್‌ಅನ್ನ ಎಂಜಾಯ್‌ ಮಾಡುತ್ತಿರುತ್ತಾಳೆ. 

ಇದನ್ನೂ ಓದಿ: ಭಾರಿ ನಿರೀಕ್ಷೆಯಲ್ಲಿದ್ದ ಪಿಎಫ್ ಖಾತೆದಾರರಿಗೆ ಶಾಕಿಂಗ್ ನ್ಯೂಸ್..! ಹುಸಿಯಾದ ಖಾತೆದಾರರ ನಿರೀಕ್ಷೆ..!

Couple falls off bike while performing dangerous stunts... pic.twitter.com/Eeap6GjbnZ

— Human Nature (@Human101Nature) September 9, 2023

ಖುಷಿ ಖುಷಿಯಿಂದಲೇ ಬೈಕ್‌ ಸ್ಟಂಟ್‌ ಮಾಡಿಕೊಂಡು ನಡುರಸ್ತೆಯಲ್ಲಿ ಎಂಜಾಯ್‌ ಮಾಡುತ್ತಿದ್ದ ಈ ಜೋಡಿಗೆ ಕ್ಷಣಮಾತ್ರದಲ್ಲಿ ಆಘಾತ ಉಂಟಾಗಿದೆ. ಏಕೆಂದರೆ ನೋಡನೋಡುತ್ತಲೇ ಯುವಕ ಹಿಡಿದ್ದ ಬೈಕ್‌ನ ಹ್ಯಾಂಡಲ್‌ ಬ್ಯಾಲೆನ್ಸ್ ತಪ್ಪಿದೆ. ಪರಿಣಾಮ ಹಿಂದೆ ಕುಳಿತಿದ್ದ ಯುವತಿ ದಡ್ಡನೇ ಕೆಳಗಡೆ ಬಿದ್ದಿದ್ದಾಳೆ. ಈ ವೇಳೆ ಬೈಕ್‌ ರಭಸದಿಂದ ಮುಂದೆ ಚಲಿಸಿದ್ದರಿಂದ ಕಿಡಿ ಹಾರಿದೆ. ಘಟನೆಯಲ್ಲಿ ರಸ್ತೆಗೆ ಬಿದ್ದ ಯುವತಿಗೆ ಗಂಭೀರ ಸ್ವರೂಪದ ಗಾಯಗಳಾಗಿವೆ. ಅದ್ಹೇಗೋ ಯುವಕ ಅಪಾಯದಿಂದ ಪಾರಾಗಿದ್ದಾನೆ.

ಈ ವಿಡಿಯೋವನ್ನು @Human101Nature ಎಂಬ ಟ್ವಿಟರ್‌ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಸುಮಾರು 3.36 ಲಕ್ಷಕ್ಕೂ ಹೆಚ್ಚು ಜನರು ಈ ವಿಡಿಯೋ ವೀಕ್ಷಿಸಿದ್ದು, ಸಾವಿರಾರು ಜನರು ಫನ್ನಿ ಫನ್ನಿಯಾಗಿ ಕಾಮೆಂಟ್‌ ಮಾಡಿದ್ದಾರೆ. ʼಇದರಲ್ಲಿ ಯಾರು ಹೆಚ್ಚು ಮೂರ್ಖರು, ಬೈಕ್ ಓಡಿಸುವ ಹುಡುಗನೋ ಅಥವಾ ಆತನ ಹಿಂದೆ ಕುಳಿತುಕೊಂಡಿರುವ ಯುವತಿಯೋ?ʼ ಎಂದು ಬಳಕೆದಾರನೊಬ್ಬ ಪ್ರಶ್ನಿಸಿದ್ದಾನೆ. ʼನಡುರಸ್ತೆಯಲ್ಲಿ ಈ ರೀತಿಯ ಹುಚ್ಚಾಟ ಮಾಡುವವರಿಗೆ ಇದೇ ರೀತಿ ಆಗಬೇಕುʼ ಅಂತಾ ಅನೇಕರು ಕಾಮೆಂಟ್‌ ಮಾಡಿದ್ದಾರೆ. 

ಇದನ್ನೂ ಓದಿ: Women's Day: ವಂಡರ್ಲಾದಲ್ಲಿ ಮಹಿಳೆಯರಿಗೆ ವಿಶೇಷ ಬೈ 1, ಗೆಟ್ 1 ಟಿಕೆಟ್ ಆಫರ್‌