Viral Video: ಹಾಲಿನಲ್ಲಿ ಮಗಳ ಪಾದ ತೊಳೆದು ಕುಡಿದ ಪೋಷಕರು..!

ನವದೆಹಲಿ: ಯಾವುದೇ ಪೋಷಕರಿಗೆ ಮಗಳು ಮನೆಯ ಲಕ್ಷ್ಮಿ ಇದ್ದಂತೆ.. ತಮ್ಮ ಮಗಳ ಸುಖವಾಗಿರಲಿ ಎಂದು ಬಹುತೇಕ ಪೋಷಕರು ಬಯಸುತ್ತಾರೆ. ಈ ನಿಟ್ಟಿನಲ್ಲಿ ಕಷ್ಟಪಟ್ಟು ತ್ಯಾಗ ಮಾಡಿ ಮಕ್ಕಳನ್ನು ಬೆಳೆಸುತ್ತಾರೆ. ಪೋಷಕರು ಮತ್ತು ಮಗಳ ನಡುವಿನ ಹೃದಯಸ್ಪರ್ಶಿ ಬಂಧನದ ವಿಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ.   

ಈ ವೈರಲ್ ವಿಡಿಯೋದಲ್ಲಿ ಪೋಷಕರು ತಮ್ಮ ಮಗಳ ಕಾಲನ್ನು ನೀರು ಮತ್ತು ಹಾಲಿನಲ್ಲಿ ತೊಳೆದು ಅದನ್ನು ಸೇವಿಸಿದ್ದಾರೆ. ಆದರೆ ಇದು ತುಂಬಾ ನಾಟಯಕೀಯವಾಗಿದೆ ಎಂದು ಸೋಷಿಯಲ್ ಮೀಡಿಯಾ ಬಳಕೆದಾರರು ಟೀಕಿಸಿದ್ದಾರೆ. ವಿಡಿಯೋದಲ್ಲಿ ಅಪ್ಪ-ಅಮ್ಮ ತಮ್ಮ ಪುತ್ರಿಯ ಪಾದಗಳನ್ನು ನೀರು ಮತ್ತು ಹಾಲಿನಿಂದ ತೊಳೆಯುತ್ತಾರೆ. ಬಳಿಕ ಕಾಲು ತೊಳೆದ ನೀರು ಮತ್ತು ಹಾಲನ್ನು ಪೋಷಕರು ಸೇವಿಸಿದ್ದಾರೆ. 2.20 ನಿಮಿಷವಿರುವ ಈ ವಿಡಿಯೋವನ್ನು ಲಕ್ಷಾಂತರ ಜನರು ವೀಕ್ಷಿಸಿದ್ದಾರೆ. ಇದ್ಯಾವ ರೀತಿಯ ಸಂಪ್ರದಾಯ..? ಏಕೆ ಈ ರೀತಿ ಮಾಡಬೇಕು..? ಅಂತಾ ಹಲವರು ಪ್ರಶ್ನಿಸಿದ್ದಾರೆ. ಮಗಳು ಮನೆ ಬಿಟ್ಟು ಹೋಗಲಿದ್ದಾಳೆಂಬ ಕಾರಣಕ್ಕೆ ಈ ರೀತಿ ಮಾಡಿದ್ದಾರೆ ಅಂತಾ ಕೆಲವು ಕಾಮೆಂಟ್ ಮಾಡಿದ್ದಾರೆ.

ಇದನ್ನೂ ಓದಿ: Viral Video: ಸಮುದ್ರದ ತೀರದಲ್ಲಿ ಉಡಗಳ ಆಲಿಂಗನ

ಈ ವಿಡಿಯೋದಲ್ಲಿ ಮಗಳ ಪಾದ ತೊಳೆದ ತಂದೆ ಟವೆಲ್‌ನಿಂದ ಒರೆಸುತ್ತಾನೆ. ಕಾಲು ತೊಳದೆ ನೀರನ್ನು ಮೊದಲು ಆತ ಕುಡಿದು ಪತ್ನಿಗೆ ನೀಡುತ್ತಾನೆ. ಈ ವೇಳೆ ಮಗಳ ತಲೆ ಸವರುವ ತಾಯಿ ಆ ನೀರನ್ನು ಸಂತೋಷದಿಂದಲೇ ಸೇವಿಸುತ್ತಾಳೆ. ಈ ವೇಳೆ ಆ ನೀರು ಕುಡಿಯಬೇಡಿ ಅಂತಾ ಮಗಳು ತಂದೆ-ತಾಯಿಗೆ ಹೇಳುತ್ತಿರುವುದನ್ನು ನೀವು ವಿಡಿಯೋದಲ್ಲಿ ಕಾಣಬಹುದಾಗಿದೆ.

ಹೃದಯ ಸ್ಪರ್ಶಿ ಸನ್ನಿವೇಶ. ತಮ್ಮ ಪ್ರೀತಿಯ ಪುತ್ರಿಯ ಮೇಲೆ ಆ ಪೋಷಕರು ಇಟ್ಟಿರುವ ಪ್ರೀತಿಗೆ ಬೆಲೆ ಕಟ್ಟಲಾಗದು ಅಂತಾ ಕೆಲವು ಕಾಮೆಂಟ್ ಮಾಡಿದ್ದಾರೆ. ಅನೇಕರು ಇದೊಂದು ವಿಚಿತ್ರ ಸಂಪ್ರದಾಯವೆಂದು ಹೇಳಿದ್ದಾರೆ.

ಇದನ್ನೂ ಓದಿ: Congress : ಕೈ ನಾಯಕರಿಗೆ ಬಿಗ್ ಶಾಕ್ : ಕಾಂಗ್ರೆಸ್ ಯೂಟ್ಯೂಬ್ ಚಾನೆಲ್ ಡಿಲೀಟ್..!