ಉತ್ತರ ಕೊರಿಯಾದ ನಾಯಕನ ಪತ್ನಿ ಪಾಲೆಸಲೇಬೇಕಾದ ನಿಯಮಗಳಿವು! ದಾರಿ ತಪ್ಪಿದರೆ ಕ್ರೂರಿ ರಾಜ ಕೊಡುವ ಶಿಕ್ಷೆ ಎಷ್ಟು ಭಯಾನಕವಾದದ್ದು ಗೊತ್ತಾ?

North Korea: ವಿಶ್ವದ ಅತ್ಯಂತ ಅಪಾಯಕಾರಿ ರಾಷ್ಟ್ರಗಳ ಪಟ್ಟಿಯಲ್ಲಿ ಉತ್ತರ ಕೊರಿಯಾ ಅಗ್ರಸ್ಥಾನದಲ್ಲಿದೆ. ಉತ್ತರ ಕೊರಿಯಾ ತನ್ನ ಸರ್ವಾಧಿಕಾರಿ ಆಡಳಿತದಲ್ಲಿ ತನ್ನ ಜನರ ಮೇಲೆ ಹೇರಲಾದ ಕಠಿಣ ನಿಯಮಗಳು ಮತ್ತು ಶಿಕ್ಷೆಗಳಿಂದಾಗಿ 'ಭೂಮಿಯ ಮೇಲಿನ ನರಕ' ಎಂದು ಕರೆಯಲ್ಪಡುತ್ತದೆ.

Add Zee News as a Preferred Source

2012 ರಲ್ಲಿ, ರಿ ಸೋಲ್-ಜು ಎಂಬ ಮಹಿಳೆ ಕಿಮ್ ಜಾಂಗ್-ಉನ್ ಜೊತೆ ಕಾಣಿಸಿಕೊಳ್ಳಲು ಪ್ರಾರಂಭಿಸಿದಳು. ರಿ ಸೋಲ್-ಜು ಎಂಬ ಈ ಮಹಿಳೆ ವಾಸ್ತವವಾಗಿ ಕೊರಿಯ ದೇಶದ ನಾಯಕನಾಗಿರುವ ಕಿಮ್‌ ಜಾಂಗ್‌ ಉನ್‌ನ ಪತ್ನಿ. ಉತ್ತರ ಕೊರಿಯಾದ ನಾಯಕ ಕಿಮ್ ಅವರನ್ನು ಮದುವೆಯಾಗುವ ಮೊದಲು ಅವರು ಗಾಯಕಿ ಮತ್ತು ಚಿಯರ್‌ಲೀಡರ್ ಆಗಿದ್ದರು ಎಂದು ವರದಿಯಾಗಿದೆ.

ಉತ್ತರ ಕೊರಿಯಾದ ನಾಯಕ ಕಿಮ್ ಜಾಂಗ್-ಉನ್ ಅನೇಕ ರಹಸ್ಯಗಳನ್ನು ಹೊಂದಿರುವ ವ್ಯಕ್ತಿ, ಅವರ ಅನೇಕ ಕಠಿಣ ಮತ್ತು ವಿಚಿತ್ರ ಕ್ರಮಗಳಿಗೆ ಹೆಸರುವಾಸಿಯಾಗಿರುವುದಂತೂ ನಿಜ. ಉತ್ತರ ಕೊರಿಯಾ ತಮ್ಮ ದೇಶದ ಜನರಿಗೆ ಸ್ವತಂತ್ರವಾಗಿರಲು ಬಿಡದೆ, ಹಲವಾರು ನಿರ್ಭಂದಗಳನ್ನು ವಿಧಿಸಿದೆ. ಇದು ಕೇವಲ ತನ್ನ ದೇಶದ ಜನರಿಗಷ್ಟೇ ಅಲ್ಲ ಸ್ವತಃ ಕಿಮ್‌ ಜಾಂಗ್‌ ಉನ್‌ ಧರ್ಮ ಪತ್ನಿ ಕೂಡ ಹಲವು ಕಟ್ಟು ನಿಟ್ಟಿನ ಕ್ರಮಗಳನ್ನು ಪಾಲಿಸಲೇ ಬೇಕಾಗುತ್ತದೆ.

ಮಹಿಳೆಯರಿಗೆ ತಮ್ಮ ಸಂಗಾತಿಯನ್ನು ಆಯ್ಕೆ ಮಾಡುವ ಹಕ್ಕಿದೆ, ಆದರೆ ಉತ್ತರ ಕೊರಿಯಾದ ಜನರಿಗೆ ಆ ಹಕ್ಕು ಇಲ್ಲ. ಕಿಮ್‌ ಜಾಂಗ್‌ ಉನ್‌ ಅವರ ಕಥೆಯಲ್ಲಿಯೂ ಕೂಡ ಇಂತಹದ್ದೆ ನಡೆದಿದ್ದು, ರಿ ಸೋಲ್-ಜು ಅವರಿಗೆ ಕಿಮ್‌ ಜಾಂಗ್‌ ಉನ್‌ ಅವರನ್ನು ಮದುವೆಯಾಗುವ ಆಸೆ ಇರಲಿಲ್ಲ. 2008 ರಲ್ಲಿ ಹೃದಯಾಘಾತಕ್ಕೊಳಗಾದ ನಂತರ, ಕಿಮ್ ಜಾಂಗ್-ಉನ್ ಅವರ ತಂದೆ ಕಿಮ್ ಜಾಂಗ್-ಇಲ್, ಕಿಮ್ ಅವರನ್ನು ಮದುವೆಯಾಗುವಂತೆ ಆದೇಶಿಸಿದ ಕಾರಣಕ್ಕೆ, ಆಗಿನ ಕಾಲಕ್ಕೆ ಸರ್ವಾದಿಕಾರಿಯಾಗಿದ್ದ ಅವರ ಆದೇಶವನ್ನು ಉಲ್ಲಂಘಿಸದೆ ಕಿಮ್‌ ಜಾಂಗ್‌ ಉನ್‌ ಅವರನ್ನು ಮದುವೆಯಾಗುವ ಪರಿಸ್ಥಿತಿ ಆಕೆಗೆ ಎದುರಾಯಿತು.

ಸಾಮಾನ್ಯವಾಗಿ, ಮದುವೆಯ ನಂತರ, ಮಹಿಳೆಯರು ತಮ್ಮ ಗಂಡನ ಹೆಸರಿನೊಂದಿಗೆ ತಮ್ಮ ಹೆಸರನ್ನು ಸೇರಿಸಿಕೊಳ್ಳುತ್ತಾರೆ. ಆದರೆ ರಿ ಸೋಲ್-ಜು ತೀರಾ ವಿಭಿನ್ನವಾದ ಸಮಸ್ಯೆಯನ್ನು ಎದುರಿಸಿದರು. ಕಿಮ್ ಜಾಂಗ್ ಉನ್ ಅವರ ಪತ್ನಿಯಾದ ನಂತರ, ಅವರು ತಮ್ಮ ಹುಟ್ಟು ಹೆಸರನ್ನು ತ್ಯಜಿಸಿ ಹೊಸ ಹೆಸರನ್ನು ಅಳವಡಿಸಿಕೊಳ್ಳಬೇಕಾಯಿತು.

ಕಿಮ್ ಜಾಂಗ್-ಉನ್ ಅವರನ್ನು ಮದುವೆಯಾಗುವ ಮೊದಲು ರಿ ಸೋಲ್-ಜು ಸಾಮಾನ್ಯ ಪ್ರಜೆಯಾಗಿರಲಿಲ್ಲ. ಅವರು ಗೌರವಾನ್ವಿತ ಮತ್ತು ಶ್ರೀಮಂತ ಕುಟುಂಬಕ್ಕೆ ಸೇರಿದವರು. ಅವರ ತಾಯಿ ಆಸ್ಪತ್ರೆಯ ಸ್ತ್ರೀರೋಗ ವಿಭಾಗದ ಮುಖ್ಯಸ್ಥರಾಗಿದ್ದರು ಮತ್ತು ಅವರ ತಂದೆ ಪ್ರಾಧ್ಯಾಪಕರಾಗಿದ್ದರು. ಅವರು ಕಿಮ್ ಅವರನ್ನು ಭೇಟಿಯಾದದ್ದು ಕಿಮ್ ಅವರ ಮಿಲಿಟರಿ ಸಲಹೆಗಾರರಲ್ಲಿ ಒಬ್ಬರಾದ ಅವರ ಚಿಕ್ಕಪ್ಪನ ಮೂಲಕ. ಆದರೆ ಮದುವೆಯ ನಂತರ ಕಿಮ್‌ ಜಾಂಗ್‌ ಪತ್ನಿಗೆ ಅವರ ಕುಟುಂಬದೊಂದಿಗೆ ಬೇಟಿ ಆಗಲು ಸಾಧ್ಯವಾದಂತೆ ನಿರ್ಬಂಧ ಏರಲಾಗಿದೆ.

ತನ್ನ ಮದುವೆಯ ಆರಂಭಿಕ ದಿನಗಳಲ್ಲಿ, ರಿ ಸೋಲ್-ಜು ತನ್ನ ದೇಶದಲ್ಲಿ ವಿಶಿಷ್ಟ ಮತ್ತು ಪ್ರಮುಖಳಾಗಿ ಕಾಣಿಸಿಕೊಂಡಳು. ಅವರು ಮೊದಲು ಸಾರ್ವಜನಿಕವಾಗಿ ಕಾಣಿಸಿಕೊಂಡಾಗ, ತಮ್ಮ ಪಾಶ್ಚಿಮಾತ್ಯ ಶೈಲಿಯ ನೋಟದಿಂದ ಸಾರ್ವಜನಿಕರ ಗಮನ ಸೆಳೆದರು. ಇತರ ದೇಶಗಳ ಅಧ್ಯಕ್ಷರ ಪತ್ನಿಯರಂತೆ, ರಿ ಸೋಲ್-ಜು ಸಾರ್ವಜನಿಕವಾಗಿ ಒಬ್ಬಂಟಿಯಾಗಿ ಕಾಣಿಸಿಕೊಳ್ಳಲು ಸಾಧ್ಯವಿಲ್ಲ. ರಿಯನ್ನು ಒಬ್ಬಂಟಿಯಾಗಿ ನೋಡುವುದು ಅಸಾಧ್ಯ, ಅವಳು ಯಾವಾಗಲೂ ತನ್ನ ಗಂಡನೊಂದಿಗೆ ಮಾತ್ರ ಕಾಣಿಸಿಕೊಳ್ಳುತ್ತಾಳೆ. ಅವರ ಮಕ್ಕಳನ್ನು ಸಹ ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಒಬ್ಬಂಟಿಯಾಗಿ ನೋಡಲು ಬಿಡುವುದಿಲ್ಲ. ಅದಕ್ಕಾಗಿಯೇ ಇಲ್ಲಿಯವರೆಗೆ ಅವರ ಮಕ್ಕಳ ಒಂದೇ ಒಂದು ಫೋಟೋ ಸಾಮಾಜಿಕ ಮಾಧ್ಯಮ ಮತ್ತು ವೆಬ್‌ಸೈಟ್‌ನಲ್ಲಿ ಕಂಡುಬಂದಿಲ್ಲ.

ರಿ ಸೋಲ್-ಜು ತನ್ನ ದೇಶದ ಹೊರಗೆ ಪ್ರಯಾಣಿಸಲು ಅಥವಾ ಪ್ರವಾಸ ಮಾಡಲು ಅನುಮತಿ ಇಲ್ಲ. ಒಬ್ಬ ನಾಯಕಿಯ ಮರಣದ ಸಂದರ್ಭದಲ್ಲಿ, ಅವಳು ತನ್ನ ಪತಿಯೊಂದಿಗೆ ಮಾತ್ರ ಅಂತ್ಯಕ್ರಿಯೆಯ ಭೇಟಿಗಳಲ್ಲಿ ಭಾಗವಹಿಸಬಹುದು. ಪ್ರಪಂಚದಾದ್ಯಂತದ ವಿವಿಧ ಮೂಲಗಳ ಪ್ರಕಾರ, ರಿ ಸೋಲ್-ಜು ಸರ್ವಾಧಿಕಾರಿಯನ್ನು ಮದುವೆಯಾಗುವ ಮೊದಲು ಹಲವಾರು ಬಾರಿ ದೇಶವನ್ನು ತೊರೆದಿದ್ದರು. ಅವರು ಒಮ್ಮೆ ನೆರೆಯ ದಕ್ಷಿಣ ಕೊರಿಯಾಕ್ಕೆ ಚಿಯರ್‌ಲೀಡರ್ ಆಗಿ ಹೋಗಿದ್ದರು ಎಂದು ಹೇಳಲಾಗುತ್ತದೆ.

ಉತ್ತರ ಕೊರಿಯಾದ ಆಡಳಿತ ಕುಟುಂಬದ ಭಾಗವಾದಾಗಿನಿಂದ ರಿ ಸೋಲ್-ಜು ಬಿಗಿ ಭದ್ರತೆಯಲ್ಲಿ ವಾಸಿಸುತ್ತಿದ್ದಾರೆ. ಆದರೆ ಅವಳು ಗರ್ಭಿಣಿಯಾಗಿದ್ದಾಗ ಆ ಭದ್ರತೆ ಮತ್ತು ಪ್ರತ್ಯೇಕತೆಯ ಸ್ಥಿತಿ ಮತ್ತಷ್ಟು ಬಲಗೊಂಡಿತು. ರಿ ಸೋಲ್-ಜು ಹಲವಾರು ತಿಂಗಳುಗಳ ಕಾಲ ಸಾರ್ವಜನಿಕ ದೃಷ್ಟಿಯಿಂದ ಕಣ್ಮರೆಯಾದರು.