ಉಯಿಘರ್ ವಿಚಾರ: ವಿಶ್ವಸಂಸ್ಥೆಯಲ್ಲಿ ಚೀನಾಗೆ ಯುಎಸ್, ಯುಕೆ ಮತ್ತು ಜರ್ಮನಿಯಿಂದ ತರಾಟೆ

Representational Image: Reuters

ನವದೆಹಲಿ: ಯುನೈಟೆಡ್ ಸ್ಟೇಟ್ಸ್, ಯುಕೆ ಮತ್ತು ಜರ್ಮನಿ ದೇಶಗಳು ಯುನೈಟೆಡ್ ನೇಷನ್ಸ್ ಸೆಕ್ಯುರಿಟಿ ಕೌನ್ಸಿಲ್ನಲ್ಲಿ ಚೀನಾವನ್ನು ಅಲ್ಲಿನ ವಾಯುವ್ಯ ಪ್ರಾಂತ್ಯದ ಕ್ಸಿನ್‌ಜಿಯಾಂಗ್‌ನಲ್ಲಿ ಉಯಿಘರ್ ಅಲ್ಪಸಂಖ್ಯಾತರ ವಿಚಾರವಾಗಿ ತರಾಟೆಗೆ ತಗೆದುಕೊಂಡಿವೆ.

ರಾಜಕೀಯ ಭಿನ್ನಾಭಿಪ್ರಾಯವನ್ನು ಮೌನಗೊಳಿಸುವ ನೆಪವಾಗಿ ಬೀಜಿಂಗ್ ಭಯೋತ್ಪಾದನಾ ನಿಗ್ರಹವನ್ನು ಬಳಸದಂತೆ ಮೂರು ದೇಶಗಳು ಯುಎನ್ ಸೆಕ್ಯುರಿಟಿ ಕೌನ್ಸಿಲ್ ಬ್ರೀಫಿಂಗ್ನಲ್ಲಿ ಈ ಹೇಳಿಕೆ ನೀಡಿವೆ.

ವಿಶ್ವಸಂಸ್ಥೆಯ ರಾಯಭಾರಿ ಕೆಲ್ಲಿ ಕ್ರಾಫ್ಟ್‌ನ ಯುಎಸ್ ಖಾಯಂ ಪ್ರತಿನಿಧಿ ಮಾತನಾಡಿ 'ಕ್ಸಿನ್‌ಜಿಯಾಂಗ್‌ನ ಪರಿಸ್ಥಿತಿಯಿಂದ ನಾವು ತೀವ್ರ ಕಳವಳಗೊಂಡಿದ್ದೇವೆ, ಅಲ್ಲಿ ಭಯೋತ್ಪಾದನಾ ನಿಗ್ರಹದ ಸುಳ್ಳು ಸೋಗಿನಲ್ಲಿ ಹತ್ತು ಲಕ್ಷಕ್ಕೂ ಹೆಚ್ಚು ಉಯಿಘರ್‌ಗಳು ಮತ್ತು ಇತರ ಮುಸ್ಲಿಮರನ್ನು ಬಂಧಿಸಲಾಗಿದೆ.ಭಯೋತ್ಪಾದನಾ ನಿಗ್ರಹ ಮತ್ತು ಹಿಂಸಾತ್ಮಕ ಉಗ್ರವಾದವನ್ನು ಎದುರಿಸಲು ರಾಜಕೀಯ ಭಿನ್ನಾಭಿಪ್ರಾಯ ಅಥವಾ ಅಭಿವ್ಯಕ್ತಿ ಸ್ವಾತಂತ್ರ್ಯವನ್ನು ಮೌನಗೊಳಿಸಲು ಅಥವಾ ದಮನಿಸಲು ಒಂದು ನೆಪವಾಗಿ ಬಳಸಬಾರದು" ಎಂದು ಕೆಲ್ಲಿ ಕ್ರಾಫ್ಟ್ ಹೇಳಿದ್ದಾರೆ.

ಯುಎನ್‌ನ ಯುಕೆ ರಾಯಭಾರಿ ಜೇಮ್ಸ್ ರೋಸ್ಕೊ ಮಾತನಾಡಿ, 'ಉಯ್ಘರ್ ಮತ್ತು ಇತರ ಜನಾಂಗೀಯ ಅಲ್ಪಸಂಖ್ಯಾತರ ವಿರುದ್ಧ ವ್ಯವಸ್ಥಿತ, ಅತೀವವಾದ ಮಾನವ ಹಕ್ಕುಗಳ ಉಲ್ಲಂಘನೆಯ ಬಗ್ಗೆ ನಾವು ತೀವ್ರ ಕಳವಳ ಹೊಂದಿದ್ದೇವೆ" ಎಂದು ಅವರು ತಿಳಿಸಿದರು.

'ಭಯೋತ್ಪಾದನಾ ನಿಗ್ರಹ ಕ್ರಮಗಳು ಎಂದಿಗೂ ಮಾನವ ಹಕ್ಕುಗಳ ಉಲ್ಲಂಘನೆಗೆ ನೆಪವಾಗಿ ಕಾರ್ಯನಿರ್ವಹಿಸಬಾರದು" ಎಂದು ಜರ್ಮನಿ ಸಭೆಯಲ್ಲಿ ಹೇಳಿದೆ.ರಾಯಭಾರಿ ಗುಂಟರ್ ಸೌಟರ್ ಮಾತನಾಡಿ "ಕ್ಸಿನ್‌ಜಿಯಾಂಗ್‌ಗೆ ಸಂಬಂಧಿಸಿದಂತೆ, ಜನಸಂಖ್ಯೆಯ ಹೆಚ್ಚಿನ ಭಾಗಗಳ ತಡೆಹಿಡಿಯುವುದು ನಮ್ಮ ದೃಷ್ಟಿಯಲ್ಲಿ ನ್ಯಾಯಸಮ್ಮತವಲ್ಲ. ದೀರ್ಘಾವಧಿಯಲ್ಲಿ, ಇದು  ಭಯೋತ್ಪಾದಕ ಸಂಘಟನೆಗಳ ಅಪಾಯವನ್ನು ಹೆಚ್ಚಿಸುವ ಸಾಧ್ಯತೆಯಿದೆ" ಎಂದು ವಿವರಿಸಿದರು.