Baba Vanga Tsunami Prediction in Japan: ಬಲ್ಗೇರಿಯಾದ ಭವಿಷ್ಯಗಾರ್ತಿ ಬಾಬಾ ವಂಗಾ ಅವರ ಭವಿಷ್ಯವಾಣಿಯು ಜಪಾನ್ನಲ್ಲಿ ದೊಡ್ಡ ಭೀತಿಯನ್ನು ಸೃಷ್ಟಿಸಿದೆ. ಅಲ್ಲಿನ ಸೂಕ್ಷ್ಮ ಪ್ರದೇಶಗಳಲ್ಲಿನ ಜನರು ತಮ್ಮ ಮನೆಗಳಿಂದ ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಗೊಂಡಿದ್ದಾರೆ. ಅನೇಕ ಪ್ರದೇಶಗಳಲ್ಲಿ ಒಂದು ರೀತಿಯ ಕರ್ಫ್ಯೂ ತರಹದ ವಾತಾವರಣವಿದೆ.
Baba Vanga Tsunami Prediction: ಭೂಕಂಪ, ಸುನಾಮಿಯಂತಹ ನೈಸರ್ಗಿಕ ವಿಕೋಪಗಳನ್ನು ಎದುರಿಸಿದ ಜಪಾನ್ ಇತ್ತೀಚಿನ ದಿನಗಳಲ್ಲಿ ಭಯಭೀತವಾಗಿದೆ. ಜೂನ್-ಜುಲೈನಲ್ಲಿ ಪ್ರವಾಸಿಗರಿಂದ ತುಂಬಿರುತ್ತಿದ್ದ ಜಪಾನ್ನಲ್ಲಿ ಇದೀಗ ಕರ್ಫ್ಯೂ ವಾತಾವರಣವಿದೆ. ಇದಕ್ಕೆ ಕಾರಣ ಅಪೋಕ್ಯಾಲಿಪ್ಸ್ನ ಮುನ್ಸೂಚನೆ. ಈ ಭವಿಷ್ಯವಾಣಿಯನ್ನು ಬಾಬಾ ವಂಗಾ (ರಿಯಾ ತತ್ಸುಕಿ) ಹೇಳಿದ್ದಾರೆ. ಹೊಸ ಬಾಬಾ ವಂಗಾ ಎಂದು ಕರೆಯಲ್ಪಡುವ ಇವರು ಜಗತ್ತಿನಲ್ಲಿ ಅನೇಕ ವಿನಾಶಕಾರಿ ಘಟನೆಗಳನ್ನು ಮೊದಲೇ ನಿಖರವಾಗಿ ಊಹಿಸಿದ್ದಾರೆ. ಇದೇ ಕಾರಣಕ್ಕೆ ಬಾಬಾ ವಂಗಾರ ಎಚ್ಚರಿಕೆಯನ್ನು ಹಗುರವಾಗಿ ಪರಿಗಣಿಸಲಾಗುತ್ತಿಲ್ಲ. ಕಳೆದ ಕೆಲವು ವಾರಗಳಲ್ಲಿ ಜಪಾನ್ನಲ್ಲಿ ಲಕ್ಷಾಂತರ ವಿಮಾನ ಟಿಕೆಟ್ಗಳನ್ನ ರದ್ದುಗೊಳಿಸಲು ಸಹ ಇದೇ ಕಾರಣ.
ಜಪಾನಿನ ಟಕೋರಾ ದ್ವೀಪದ ಅಕಾಸುಕಿಜಿಮಾದಲ್ಲಿ ಸಂಭವಿಸಿದ ಸರಣಿ ಭೂಕಂಪಗಳು ಜನರನ್ನು ಭಯಭೀತರನ್ನಾಗಿ ಮಾಡಿದೆ. ಸಮುದ್ರದಲ್ಲಿ ದೊಡ್ಡ ಭೂಕಂಪ ಮತ್ತು ನಂತರ ಸುನಾಮಿಯ ಮುನ್ಸೂಚನೆ ಇದೆ ಎಂದು ಭಾವಿಸಿ ಜನರು ಇದೀಗ ಸುರಕ್ಷಿತ ಸ್ಥಳಗಳಿಗೆ ತೆರಳುತ್ತಿದ್ದಾರೆ. ಜೂನ್ 20ರಿಂದ ಕಳೆದ 40 ದಿನಗಳಲ್ಲಿ ಈ ದ್ವೀಪದಲ್ಲಿ 700ಕ್ಕೂ ಹೆಚ್ಚು ಭೂಕಂಪಗಳು ಸಂಭವಿಸಿವೆ. ಈ ಭೂಕಂಪಗಳಲ್ಲಿ 50ಕ್ಕೂ ಹೆಚ್ಚು ಭೂಕಂಪಗಳು ರಿಕ್ಟರ್ ಮಾಪಕದಲ್ಲಿ 3 ರಿಂದ 5ರ ತೀವ್ರತೆಯದ್ದಾಗಿವೆ.
ಅಕಾಸುಕಿಜಿಮಾ ದ್ವೀಪವು ಜ್ವಾಲಾಮುಖಿ ತಣ್ಣಗಾಗುವುದರಿಂದ ರೂಪುಗೊಂಡಿದೆ. ಇಲ್ಲಿನ ಬೆಟ್ಟಗಳನ್ನು ಭೂಕಂಪಗಳಿಗೆ ಅತ್ಯಂತ ಸೂಕ್ಷ್ಮವೆಂದು ಪರಿಗಣಿಸಲಾಗಿದೆ. ಪ್ರಸ್ತುತ 100ಕ್ಕಿಂತ ಕಡಿಮೆ ಜನರು ಇಲ್ಲಿ ವಾಸಿಸುತ್ತಿದ್ದರೂ, ಸುನಾಮಿಯ ಅಪಾಯ ಇನ್ನೂ ಇದೆ. ಬಲ್ಗೇರಿಯಾದ ಭವಿಷ್ಯಗಾರ್ತಿ ಬಾಬಾ ವಂಗಾರ ಹಲವು ಭವಿಷ್ಯವಾಣಿಗಳು ನಿಜವಾಗಿವೆ. 2011ರಲ್ಲಿ ಜಪಾನ್ಗೆ ಅಪ್ಪಳಿಸಿದ ವಿನಾಶಕಾರಿ ಭೂಕಂಪ, ಕೊರೊನಾವೈರಸ್ ಸಾಂಕ್ರಾಮಿಕ ರೋಗ, ರಾಜಕುಮಾರಿ ಡಯಾನಾ ಸಾವು ಮುಂತಾದ ಹಲವು ಭವಿಷ್ಯವಾಣಿಗಳನ್ನು ಅವರು ನೀಡಿದ್ದಾರೆ.
ಅದೇ ರೀತಿ ಮಂಗಾ ಕಲಾವಿದೆ ರಿಯಾ ತತ್ಸುಕಿ ಅವರ 1999ರ ಪುಸ್ತಕ ʼದಿ ಫ್ಯೂಚರ್ ಐ ಸಾʼ ಅಂತಹ ಅನೇಕ ಭವಿಷ್ಯವಾಣಿಗಳಿಂದ ತುಂಬಿದೆ. ಈ ಪುಸ್ತಕದಲ್ಲಿ ಜುಲೈ 5ರಂದು ಜಪಾನ್ಗೆ ಅಪ್ಪಳಿಸಲಿರುವ ವಿನಾಶಕಾರಿ ಸುನಾಮಿಯ ಬಗ್ಗೆ ಎಚ್ಚರಿಕೆ ನೀಡಲಾಗಿದೆ. ಭೀಕರ ಸುನಾಮಿಯ ಭೀತಿ ಇರುವುದರಿಂದ ಜಪಾನ್ಗೆ ಬರುವ ಪ್ರವಾಸಿಗರ ಸಂಖ್ಯೆಯಲ್ಲಿ ಭಾರೀ ಕುಸಿತ ಕಂಡಿದೆ. ಅಷ್ಟೇ ಅಲ್ಲ ಸಾವಿರಾರು ವಿಮಾನಗಳನ್ನ ಈಗಾಗಲೇ ರದ್ದುಪಡಿಸಲಾಗಿದೆ ಎಂದು ವರದಿಯಾಗಿದೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
ನಿಮ್ಮ ಜೀ ಕನ್ನಡ ನ್ಯೂಸ್ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್ ಲಭ್ಯ
Sun Direct-292
TATA PLAY- 1664
JIO TV-1334
NXT Digital-30
IN-CABLE-30
U-Digital-162
GTPL-17
Rockline Telecommunications ಬೆಂಗಳೂರು-42
V4 Digital Infotech ಮಂಗಳೂರು-628
Malanad infotech Pvt Ltd-56
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ
)