Snehasparsham Foundation: സ്നേഹ സ്പർശം ഫൗണ്ടേഷൻ പുരസ്കാരങ്ങളിൽ തിളങ്ങി സീ മലയാളം ന്യൂസ്, അഭിജിത്ത് ജയനും പി വി രഞ്ജിത്തിനും പുരസ്കാരം

തിരുവനന്തപുരം: സ്നേഹസ്പർശം ഫൗണ്ടേഷൻ ആൻ‍ഡ് ധ്വനി മ്യൂസിക് അക്കാദമിയുടെ ദൃശ്യമാധ്യമ ടെലിവിഷൻ പുരസ്കാരങ്ങൾ പ്രഖ്യാപിച്ചു. മികച്ച റിപ്പോർട്ടറായി സീ മലയാളം ന്യൂസ് തിരുവനന്തപുരം പ്രതിനിധി അഭിജിത്ത് ജയനെ തെരഞ്ഞെടുത്തു. സീ മലയാളം ന്യൂസ് സീനിയർ ക്യാമറാമാൻ പി വി രഞ്ജിത്തിനാണ് മികച്ച ക്യാമറാമാനുള്ള പുരസ്കാരം.

തിരുവനന്തപുരം എസ് എ ടി ആശുപത്രിയിൽ വൈദ്യുതി മുടങ്ങിയതിനെ തുടർന്ന് രോഗികൾ ദുരിതത്തിലായ സംഭവം പുറംലോകത്തെ ആദ്യം അറിയിച്ചത് സീ മലയാളം ന്യൂസായിരുന്നു. 2024 ൽ സംപ്രേഷണം ചെയ്ത ഈ വാർത്തകളുടെ റിപ്പോർട്ടിങ്ങിനാണ് പുരസ്കാരം.

രാജാരവിവർമ്മയുടെ മിഴിവാർന്ന ചിത്രങ്ങൾ ഒപ്പിയെടുത്ത് മ്യൂസിയം വളപ്പിൽ പ്രവർത്തിക്കുന്ന ആർട്ട് ഗാലറിയെ കുറിച്ച്  തയ്യാറാക്കിയ വീഡിയോയ്ക്ക് മികച്ച ക്യാമറാമാനുള്ള പുരസ്കാരം രഞ്ജിത്ത് സ്വന്തമാക്കി. മികച്ച ജനപ്രിയ അവതാരകനായി 24 ന്യൂസിലെ ഹാഷ്മി താജ് ഇബ്രാഹിമിനെ തെരഞ്ഞെടുത്തു.

ന്യൂസ് 18 കേരളത്തിൽ നിന്നുള്ള നാദിറ മെഹ്റിൻ, ഭവ്യ പാർവതി എന്നിവർക്കാണ് മികച്ച വാർത്താ അവതാരകർക്കുള്ള പുരസ്കാരം. മികച്ച സംവാദ പരിപാടിയായി മാതൃഭൂമി ന്യൂസിലെ സൂപ്പർ പ്രൈം ടൈം തെരഞ്ഞെടുക്കപ്പെട്ടു.

മാതു സജി പുരസ്കാരത്തിന് അർഹയായി. ജയ്ഹിന്ദ് ടിവിയിൽ നിന്ന് മേഘ മാത്യുവിനും ജനം ടിവിയിൽ നിന്ന് വിഷ്ണു ആർ കെ ആനന്ദിനും പുരസ്കാരമുണ്ട്. ടെലിവിഷൻ അവാർഡുകളിൽ വിവിധ വിഭാഗങ്ങളിലായി 35 പേരും അവാർഡിന് അർഹരായി. ഓഗസ്റ്റ് 15ന് തിരുവനന്തപുരത്ത് നടക്കുന്ന ചടങ്ങിൽ പുരസ്കാരങ്ങൾ സമ്മാനിക്കും.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.