Palode Ravi Phone Call: പാലോട് രവിയുടെ രാജിക്ക് പിന്നാലെ മധുരവിതരണം; യൂത്ത് കോണ്‍ഗ്രസ് മണ്ഡലം വൈസ് പ്രസിഡന്റിനെതിരേ നടപടി

തിരുവനന്തപുരം: കോൺ​ഗ്രസിനെ പ്രതിരോധത്തിലാക്കിയ ഫോൺ സംഭാഷണം ചോർന്നതിനെ തുടർന്ന് തിരുവനന്തപുരം ഡിസിസി പ്രസിഡന്റ് സ്ഥാനത്ത് നിന്ന് പാലോട് രവി രാജിവച്ചതിന് പിന്നാലെ മധുര വിതരണം നടത്തിയ യൂത്ത് കോൺ​ഗ്രസ് നേതാവിനെ പുറത്താക്കി. പെരിങ്ങമല യൂത്ത് കോൺ​ഗ്രസ് മണ്ഡലം വൈസ് പ്രസിഡന്റ് ഷംനാദ് പാലോടിനെയാണ് പുറത്താക്കിയത്.

ഷംനാദ് മധുരവിതരണം നടത്തുന്ന ദൃശ്യങ്ങൾ പുറത്തുവന്നതിന് പിന്നാലെയാണ് സംഘടനാ വിരുദ്ധ പ്രവർത്തനം നടത്തിയെന്ന് കണ്ടെത്തി നടപടി സ്വീകരിച്ചത്. തദ്ദേശ, നിയമസഭാ തിരഞ്ഞെടുപ്പുകൾ കഴിയുമ്പോൾ കോൺ​ഗ്രസിന് അധോ​ഗതിയായിരിക്കുമെന്നും കോൺ​ഗ്രസ് എടുക്കാച്ചരക്ക് ആകുമെന്നും ആയിരുന്നു പാലോട് രവിയുടെ ഫോൺസംഭാഷണത്തിലുണ്ടായിരുന്നത്.

ALSO READ: പാലോട് രവി ഡിസിസി അധ്യക്ഷ സ്ഥാനം രാജിവെച്ചു

എൽഡിഎഫിന് തുടർ ഭരണം ലഭിക്കുമെന്നും 60 മണ്ഡലങ്ങളിൽ 50,000 വോട്ടുകൾ വരെ ബിജെപിക്ക് ലഭിക്കുമെന്നും ചോർന്ന ഫോൺ സംഭാഷണത്തിൽ പറയുന്നുണ്ട്. പാർട്ടിയിലെ പ്രാദേശിക നേതാക്കൾ തമ്മിലുള്ള ഏകോപനമില്ലായ്മയെക്കുറിച്ച് പറയവേയായിരുന്നു പാലോട് രവിയുടെ പരാമർശങ്ങൾ. ഏപ്രിലിൽ കോൺ​ഗ്രസിന്റെ വാമനപുരം ബ്ലോക്ക് ജനറൽ സെക്രട്ടറി എ ജലീലുമായി പാലോട് രവി നടത്തിയ ഫോൺ സംഭാഷണം ആണ് പുറത്തായത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.