 "Trawling Kerala: ഇന്ന് അർധരാത്രി മുതൽ ട്രോളിങ് നിരോധനം അവസാനിക്കും; മത്സ്യത്തൊഴിലാളികൾ നിർദേശങ്ങൾ പാലിക്കണമെന്ന് അധികൃതർ")
തിരുവനന്തപുരം: ട്രോളിങ് നിരോധനം അവസാനിക്കുന്നതോടെ ജൂലൈ 31ന് അര്ധരാത്രി മുതല് എല്ലാ മത്സ്യബന്ധന യാനങ്ങളും നിര്ദേശങ്ങള് കര്ശനമായി പാലിക്കണമെന്നും കാലാവസ്ഥാ മുന്നറിയിപ്പ് പാലിച്ച് മാത്രമേ കടലില് പോകാവൂവെന്നും ഫിഷറീസ് ഡെപ്യൂട്ടി ഡയറക്ടര് അറിയിച്ചു. മത്സ്യത്തൊഴിലാളികള് ആധാര് കാര്ഡ് കൈവശം വയ്ക്കണം. അധികാരികള് ആവശ്യപ്പെടുമ്പോള് ആധാർ കാർഡ് പരിശോധനക്ക് നല്കേണ്ടതാണ്.
മത്സ്യമേഖലയില് ജോലി ചെയ്യുന്ന അതിഥി തൊഴിലാളികള് നിര്ബന്ധമായും അതിഥി പോര്ട്ടലില് രജിസ്റ്റര് ചെയ്യേണ്ടതാണ്. എല്ലാ ബോട്ടുകളിലും ട്രാന്സ്പോണ്ടര് ഘടിപ്പിക്കുകയും പുതുക്കിയ ലൈസന്സ് സര്ട്ടിഫിക്കറ്റ്/പകര്പ്പ്, രജിസ്ട്രേഷന്, ഫസ്റ്റ് എയ്ഡ് ബോക്സ്, അഗ്നിരക്ഷാ ഉപകരണങ്ങള് ഉള്പ്പെടെയുള്ള സുരക്ഷാ ഉപകരണങ്ങള്, ആവശ്യമായ കുടിവെള്ളം എന്നിവ കരുതുകയും വേണമെന്ന് നിർദേശമുണ്ട്.
കളര് കോഡിങ്ങും കേരള സമുദ്ര മത്സ്യബന്ധനയാന നിയന്ത്രണ നിയമവും പാലിക്കണം. നിയമാനുസൃത വലുപ്പത്തില് കുറഞ്ഞ മത്സ്യങ്ങള് പിടിക്കരുത്. ഇക്കാര്യങ്ങള് ലംഘിക്കുന്ന യാനങ്ങള്ക്കെതിരെ കര്ശന നിയമന നടപടിയെടുക്കുമെന്നും ഫിഷറീസ് അധികൃതര് അറിയിച്ചു. കടലിലെ അടിയന്തര രക്ഷാപ്രവര്ത്തനങ്ങള്ക്ക് 9496007052, 0495 2414074 എന്നീ ഫോൺ നമ്പറുകളിൽ ബന്ധപ്പെടുക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)