Leopard Attack: തൃശൂർ മലക്കപ്പാറയില്‍ നാലുവയസ്സുകാരനെ പുലി ആക്രമിച്ചു

Leopard Attack Thrissur: പുല‍ർച്ചെ രണ്ട് മണിയോടെയാണ് സംഭവം. സ്ഥിരമായി പുലി ഈ പ്രദേശത്ത് എത്താറുണ്ടെന്നാണ് പ്രദേശവാസികൾ പറയുന്നത്.

തൃശൂർ: നാല് വയസുകാരനെ പുലി ആക്രമിച്ചു. തൃശൂർ മലക്കപ്പാറയിലാണ് സംഭവം. ബേബി-രാധിക ദമ്പതികളുടെ മകൻ രാഹുലിനെയാണ് പുലി ആക്രമിച്ചത്. മാതാപിതാക്കൾക്കൊപ്പം താൽക്കാലിക ഷെഡ്ഡിൽ കിടന്നുറങ്ങിയ രാഹുലിനെ പുലി പിടിച്ചുകൊണ്ടുപോകാൻ ശ്രമിച്ചത്. നാല് വയസുകാരന്റെ തലയ്ക്ക് പുറകിലാണ് പരിക്കേറ്റത്. പുല‍ർച്ചെ രണ്ട് മണിയോടെയാണ് സംഭവം.

Add Zee News as a Preferred Source

സ്ഥിരമായി പുലി ഈ പ്രദേശത്ത് എത്താറുണ്ടെന്നാണ് പ്രദേശവാസികൾ പറയുന്നത്. ബീരാൻ കുടിയിൽ ഉരുൾപൊട്ടൽ ഭീഷണിയെ തുടർന്ന് അവിടെ നിന്ന് മാറിത്താമസിക്കുന്ന ആദിവാസി വിഭാ​ഗത്തിലെ ആളുകളാണ് ഇവിടെയുള്ളത്. ഈ പ്രദേശത്ത് ആനയുടെയും പുലിയുടെയും സാന്നിധ്യം ഉള്ളതാണ്.

പുലർച്ചെ രണ്ട് മണിയോടെ കുട്ടിയും മാതാപിതാക്കളും കിടന്നുറങ്ങിയ താൽക്കാലിക ഷെഡ്ഡിൽ നിന്നാണ് പുലി കുഞ്ഞിനെ പിടിച്ചുകൊണ്ടുപോകാൻ ശ്രമിച്ചത്. കുഞ്ഞിന്റെ പിതാവ് ഉടനെ ഉണർന്നതിനാൽ ശബ്ദമുണ്ടാക്കി കുട്ടിയെ തിരിച്ചെടുക്കുകയായിരുന്നു. കുട്ടിയുടെ പരിക്ക് ​ഗുരതരമല്ലെന്നാണ് വിവരം. കുട്ടി ചികിത്സയിൽ തുടരുകയാണ്.