Attukal Pongala 2025: തലസ്ഥാനം ഭക്തിസാന്ദ്രം; നിവേദ്യം ഉച്ചയ്ക്ക് 1.15 ന്

Attukal Pongala Nivedyam Time: 14ന് രാത്രി ഒന്നിന് നടക്കുന്ന കുരുതി സമർപ്പണത്തോടെ പൊങ്കാല മഹോത്സവം സമാപിക്കും.

തിരുവനന്തപുരം: ആറ്റുകാൽ അമ്മയ്ക്ക് പൊങ്കാല അർപ്പിക്കാൻ വൻ തിരക്കാണ് തലസ്ഥാന ന​ഗരിയിൽ അനുഭവപ്പെടുന്നത്. ഉച്ചയ്ക്ക് 1.15ന് ആണ് നിവേദ്യം. രാത്രി 7.45ന് കുത്തിയോട്ടത്തിനുള്ള ബാലന്മാരെ ചൂരൽ കുത്തും. 4ന് രാത്രി ഒന്നിന് നടക്കുന്ന കുരുതി സമർപ്പണത്തോടെ പൊങ്കാല മഹോത്സവം സമാപിക്കും.

Add Zee News as a Preferred Source

മുൻവർഷങ്ങളിലേക്കാൾ തിരക്കാണ് ഇത്തവണ പൊങ്കാല സമർപ്പണത്തിന് തലസ്ഥാനത്തുണ്ടായത്. ശുദ്ധ പുണ്യാഹത്തോടെ രാവിലെ 9.45ന് ആണ് പൊങ്കാല ചടങ്ങുകൾ ആരംഭിച്ചത്.

അടുപ്പുവെട്ട് രാവിലെ 10.15ന് ആയിരുന്നു. ഉച്ചയ്ക്ക് 1.15ന് ആണ് നിവേദ്യം സമർപ്പിക്കുക. ക്ഷേത്രപരിസരത്തിന് പുറമേ ന​ഗരത്തിലെ വിവിധ സ്ഥലങ്ങളിലും പൊങ്കാലയടുപ്പുകൾ നിരന്നു.

ഇന്നലെ ഉച്ച മുതൽ തിരുവനന്തപുരം ന​ഗരത്തിൽ ​ഗതാ​ഗത നിയന്ത്രണം ഏർപ്പെടുത്തിയിരുന്നു. ആറ്റുകാൽ പൊങ്കാലയോട് അനുബന്ധിച്ച് ഭക്തജനങ്ങൾക്ക് അന്നദാനവും കുടിവെള്ള വിതരണവും നടത്തുന്നിടത്ത് ആരോ​ഗ്യവകുപ്പിന്റെ പ്രത്യേക പരിശോധനകൾ ഉണ്ടായിരിക്കുമെന്ന് മേയർ ആര്യ രാജേന്ദ്രൻ അറിയിച്ചിരുന്നു.