 "Karkidaka Vavu Bali 2025: കർക്കിടക വാവ് ബലി; പ്രാധാന്യവും ബലിതർപ്പണ രീതികളും അറിയാം")
)
കർക്കിടക വാവുബലി ഹിന്ദു മതവിശ്വാസികളെ സംബന്ധിച്ച് വലിയ പ്രാധാന്യമുള്ള ദിവസമാണ്. ദക്ഷിണായനവും ഉത്തരായനവും ഒത്തുചേരുന്ന ദിവസം ആണ് കർക്കിടക വാവ്. ജൂലൈ 24ന് ആണ് ഈ വർഷത്തെ കർക്കിടക വാവ് ബലി. സൂര്യൻ ഉത്തരായനത്തിൽ ദേവലോകത്തും ദക്ഷിണായനത്തിൽ പിതൃലോകത്തും ആണ്.
ദക്ഷിണായനത്തിന്റെ ആരംഭമാണ് കർക്കിടക വാവ് എന്നാണ് വിശ്വാസം. മരിച്ചുപോയ പൂർവ്വികരുടെ മോക്ഷത്തിനായി പിതൃതർപ്പണം ചെയ്യുന്ന ചടങ്ങാണ് ശ്രാദ്ധം. പൂർവ്വികർക്കായി പിൻഗാമികൾ സമർപ്പിക്കുന്ന പിതൃതർപ്പണം അവർക്ക് മോക്ഷം നൽകുമെന്നാണ് വിശ്വാസം. പൂർവ്വികരുടെ പ്രീതി ജീവിതത്തിൽ സമൃദ്ധി നൽകുമെന്ന് വിശ്വസിക്കപ്പെടുന്നു.
ശരിയായി പിതൃകർമ്മം അനുഷ്ഠിക്കാതെ ചെയ്യുന്ന ഒരു ദേവപൂജയും ഫലം കാണില്ല. പൂർവ്വികരെ സ്നേഹിക്കുന്നവർക്ക് എല്ലാ അനുഗ്രഹങ്ങളും ഉണ്ടാകും. അറിയുന്നതും അറിയാത്തതുമായ എല്ലാ പൂർവ്വികരുടെയും മോക്ഷത്തിനായി കർക്കിടക വാവു ബലി ദിനത്തിൽ പിണ്ഡം സമർപ്പിക്കണം. പുണ്യസ്ഥലങ്ങളിലും ക്ഷേത്രങ്ങളിലും മാത്രമല്ല കർക്കിടക വാവു ബലി ദിനത്തിൽ വീടുകളിലും ബലിതർപ്പണം നടത്താം.
പൂർവികർക്കായി പിതൃതർപ്പണം നടത്തുമ്പോൾ ജീവിച്ചിരിക്കുന്നവരിൽ പൂർവികർ സംതൃപ്തരാകുകയും ഇവർക്ക് എല്ലാ അനുഗ്രഹങ്ങളും ലഭിക്കുകയും ചെയ്യും. പാകം ചെയ്ത അരി, ശർക്കര, തേൻ, എള്ള്, നെയ്യ്, പഴങ്ങൾ എന്നിവ കുഴച്ച് ഉരുളയാക്കി പിണ്ഡമായി സമർപ്പിക്കുന്നതാണ് ബലിതർപ്പണം. മൂന്ന് ദർഭ ഇഴകൾ കൊണ്ട് കയ്യിൽ പവിത്രം അണിഞ്ഞുവേണം ബലിതർപ്പണം ചെയ്യാൻ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
