 "Karkidakam 1 2025: ഇന്ന് കർക്കടകം ഒന്ന്; ഇനി രാമകഥാ ശീലുകളുടെ നാളുകൾ, മനസ്സിനും ശരീരത്തിനും വ്രതശുദ്ധിയുടെ പുണ്യകാലം")
കർക്കടകമാസത്തിന് തുടക്കമായി. മനസ്സും ശരീരവും വൃതശുദ്ധി വരുത്തുന്ന മാസമാണ് കർക്കടകം. കർക്കടക മാസം രാമായണമാസം എന്നും അറിയപ്പെടുന്നു. അന്ധകാരത്തിൽ നിന്ന് ജ്ഞാനത്തിന്റെ പ്രകാശത്തിലേക്ക് കാലിടറാതെ നയിക്കണമെന്ന പ്രാർത്ഥനയാണ് രാമായണപാരായണത്തിൻ്റെ ലക്ഷ്യം.
ഭക്തിയോടെ രാമായണം പാരായണം ചെയ്യുന്നതിലൂടെയും ശ്രവിക്കുന്നതിലൂടെയും തപസിൻറെ പുണ്യം ലഭിക്കുമെന്നാണ് വിശ്വസിക്കുന്നത്. രാമായണപാരായണം സംഭവിച്ചുപോയ പാപങ്ങളെ കഴുകി ശുദ്ധമാക്കുന്ന സദ്കർമ്മമാണ് എന്നാണ് വിശ്വാസം. എല്ലാവരുടെയും ഉള്ളിലും പുറത്തും രാമനും രാവണനുമുണ്ട്. ഈ വിരുദ്ധശക്തികൾ അനാദികാലം മുതൽ മനുഷ്യരിലും സമൂഹത്തിലും ഉണ്ട്.
ഇരുട്ടിൻറെ ശക്തികൾ കരുത്താർജിക്കുമ്പോൾ അതിനെ മറിക്കടക്കാനുള്ള പ്രകാശത്തിന്റെ മന്ത്രമായാണ് രാമനാമം ജപിക്കുന്നത്. അവതാരപുരുഷനായ ശ്രീരാമൻപോലും പരീക്ഷണങ്ങളിലൂടെയും കഠിനവേദനകളിലൂടെയും കടന്നുപോയി. മനുഷ്യരായ നമ്മൾ ദുഃഖങ്ങളിൽ തളർന്നുപോകാതെ, സധൈര്യം മുന്നോട്ട് പോകാൻ രാമായണമാസം നമ്മളെ ഓർമ്മിപ്പിക്കുന്നു.
രാമായണത്തിലെ 24000 ശ്ലോകങ്ങളാണ് രാമായണത്തിൽ ഒരുമാസംകൊണ്ട് വായിച്ചുതീർക്കേണ്ടത്. കർക്കടകം ഒന്ന് മുതൽ രാമായണം വായിച്ചു തുടങ്ങുകയും കർക്കടക മാസം തീരുന്നതോടെ രാമായണപാരായണം തീരണമെന്നുമാണ് വിശ്വാസം. ശ്രീരാമൻ മാനുഷികധർമ്മത്തിൻറെ എക്കാലത്തെയും പ്രതീകമാണ്. ശ്രീരാമൻ സത്യത്തിലും ധർമ്മത്തിലുമായിരിക്കണം മനുഷ്യജീവിതമെന്ന് പഠിപ്പിക്കുന്ന യാഥാർത്ഥ്യമാണ്.
രാമായണത്തേക്കാൾ ശുദ്ധവും സദാചാരനിഷ്ഠവും സുന്ദരവുമായ ഒരു മഹാകാവ്യം മനുഷ്യകുലത്തിൽ ഉണ്ടായിട്ടില്ലെന്നാണ് സ്വാമി വിവേകനന്ദർ പറഞ്ഞത്. കർക്കടകം ദക്ഷിണായനത്തിൻറെ ആരംഭകാലമാണ്. ദേവന്മാരുടെ സ്ഥാനത്തുനിന്ന് സൂര്യൻ പിതൃസ്ഥാനത്തേക്ക് വരുന്നതിനാൽ ദക്ഷിണായനത്തിൽ പിതൃക്കൾക്കായി ചെയ്യുന്ന പുണ്യകർമ്മങ്ങളെല്ലാം അവരെ സംതൃപ്തരാക്കുമെന്നാണ് വിശ്വസിക്കപ്പെടുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)