7th Pay Commission: കേന്ദ്ര ജീവനക്കാർക്ക് ഹോളിക്ക് മുമ്പ് ബമ്പർ സമ്മാനം; DA വർധിക്കും, കുടിശ്ശിക ലഭിക്കും

7th Pay Commission DA Hike: ഈ ആഴ്ച കേന്ദ്ര സർക്കാർ ജീവനക്കാർക്ക് ലഭിക്കും ബമ്പർ ലോട്ടറി. ഹോളിക്ക് മുൻപ് കേന്ദ്ര സർക്കാർ ഡിഎ, ഡിആർ എന്നിവ വർധിപ്പിക്കും. കോടിക്കണക്കിന് ജീവനക്കാർക്ക് ഇതിലൂടെ നേട്ടമുണ്ടാകും.

7th Pay Commission DA Hike: കേന്ദ്ര സർക്കാർ ജീവനക്കാർക്ക് ഹോളിക്ക് മുൻപ് മോദി സർക്കാർ നൽകും ബമ്പർ സമ്മാനം. ഡിഎ,ഡിആർ ഈ ആഴ്ച വർധിപ്പിക്കും. ഇതോടെ കേന്ദ്ര സർക്കാർ ജീവനക്കാർക്കും പെൻഷൻകാർക്കും വലിയ നേട്ടങ്ങൾ ലഭിക്കും. ഇക്കാര്യത്തിൽ മന്ത്രിസഭ ഉടൻ അംഗീകാരം നൽകും. 

Add Zee News as a Preferred Source

ഡിയർനസ് അലവൻസിൽ (DA Hike) മൊത്തത്തിൽ 3 ശതമാനത്തോളം വർദ്ധനവ് ഉണ്ടാകുമെന്നാണ് റിപ്പോർട്ട്. അങ്ങനെയായാൽ ഡിയർനസ് അലവൻസ് (DA) 53 ൽ നിന്നും 56 ശതമാനം ആയേക്കും. ഇതിലൂടെ കോടിക്കണക്കിന് കേന്ദ്ര ജീവനക്കാർക്കും പെൻഷൻകാർക്കും പ്രയോജനമുണ്ടാകും. 

2024 ജൂലൈ മുതൽ 53 ശതമാനം ക്ഷാമബത്തയാണ് ജീവനക്കാർക്ക് ലഭിക്കുന്നത്. 2024 ഡിസംബർ വരെ എഐസിപിഐ സൂചിക 143.7 പോയിൻറായിരുന്നു, ഇതിലൂടെ ഡിഎ 55.99% ആയിട്ടുണ്ട്. അതുകൊണ്ടുതന്നെ കേന്ദ്ര സർക്കാർ ജീവനക്കാർക്ക് 56 ശതമാനം ക്ഷാമബത്ത ലഭിക്കുമെന്നാണ് റിപ്പോർട്ട്.

കഴിഞ്ഞ 6 മാസത്തെ (July-December) ശരാശരി AICPI സൂചികയുടെ അടിസ്ഥാനത്തിലാണ് ക്ഷാമബത്ത കണക്കാക്കുന്നത്. ഡിസംബർ വരെയുള്ള AICPI നമ്പറുകളുടെ അടിസ്ഥാനത്തിൽ ക്ഷാമബത്ത 55.99 ശതമാനമാണ്. ഈ സാഹചര്യത്തിൽ ക്ഷാമബത്ത 56 ശതമാനമായി ഉയരും. നിലവിൽ കാബിനറ്റ് അംഗീകാരത്തിനായി കാത്തിരിക്കുകയാണ്. ഇക്കാര്യത്തിൽ ബുധനാഴ്ച അതായത് നാളെ നടക്കുന്ന മന്ത്രിസഭാ യോഗത്തിൽ അംഗീകാരമുണ്ടാകും.

ക്ഷാമബത്തയിൽ 3% വർദ്ധനവുണ്ടായാൽ അത് ജീവനക്കാരുടെ ശമ്പളത്തെ നേരിട്ട് ബാധിക്കും. ഉദാഹരണത്തിന് അടിസ്ഥാന ശമ്പളം 18000 ഉള്ളവർക്ക് ഇപ്പോൾ ലഭിക്കുന്ന ഡിഎ 9540 എന്നത് ഡിഎ വർധിച്ചാൽ 10080 ആകും  അതായത് 540 രൂപ വർധനവുണ്ടാകും. അതുപോലെ 31550 അടിസ്ഥാനമുള്ളവർക്ക് നിലവിലെ ഡിഎ 16721.50 എന്നത് ഇനി 17668 ആകും അതായത് 946.50 രൂപ വർധിക്കും, അതുപോലെ 44900 അടിസ്ഥാനമുള്ളവരുടെ നിലവിലെ ഡിഎ 23797 എന്നത്  25144 ആയി മാറും അതായത് 1347 രൂപയുടെ വർദ്ധനവ്.

പെൻഷൻകാർക്കും DR നിരക്കും ഉയരും. ഇതിലൂടെ പെൻഷൻ തുകയും വർധിക്കും. ഹോളിക്ക് മുമ്പ് സർക്കാരിൻ്റെ ഔദ്യോഗിക പ്രഖ്യാപനം ഉണ്ടായേക്കുമെന്നാണ് റിപ്പോർട്ട്.  ഡിഎ വർധിപ്പിക്കുന്നതോടെ ജീവനക്കാർക്ക് പണപ്പെരുപ്പം നേരിടുന്നതിൽ ആശ്വാസം, സർക്കാർ ജീവനക്കാരുടെ ശമ്പളം മെച്ചപ്പെടും, പെൻഷൻകാർക്കും ആനുകൂല്യം എന്നിവയുണ്ടാകും. ഇതൊക്കെ ആണെങ്കിലും ഡിഎ വർദ്ധനവ് സർക്കാർ ഖജനാവിൽ ആഘാതം സൃഷ്ടിക്കും.

ക്ഷാമബത്ത വർധിക്കുമ്പോൾ 2025 ജനുവരി 1 മുതലുള്ളത് വർധിക്കും.   പ്രഖ്യാപിക്കുന്നത് മാർച്ചിൽ ആയതു കൊണ്ടുതന്നെ കഴിഞ്ഞ രണ്ട് മാസത്തെ കുടിശ്ശികയും മാർച്ചിലെ ശമ്പളത്തിൽ ഉൾപ്പെടുത്തും. മാർച്ച് 14 ന് രാജ്യത്തുടനീളം ഹോളി ആഘോഷിക്കുകയാണ്. ഇതിനു മുൻപ് തന്നെ കേന്ദ്ര ജീവനക്കാർക്ക് സർക്കാർ ഹോളി സമ്മാനം നൽകും. ഇതോടെ ക്ഷാമബത്ത 53 ശതമാനം എന്നത് 56% ആയി വർദ്ധിക്കും.