 "Loan foreclosure without penalty: ഹോം ലോണും കാര് ലോണും പേഴ്സണല് ലോണും വരെ നേരത്തേ അടച്ചു തീര്ക്കാം, പിഴയൊന്നുമില്ലാതെ! എങ്ങനെയെന്നല്ലേ...")
)
നിങ്ങള് ഒരു ലോണ് എടുത്തു എന്ന് വയ്ക്കുക.നിങ്ങളുടെ കൈവശം അധിക പണം ഉണ്ടെങ്കില് പോലും പല ലോണുകളും കാലാവധി തീരുന്നതിന് മുമ്പ് അടക്കുക എന്നത് അത്ര എളുപ്പമായിരുന്നില്ല ഇത്ര കാലവും. അങ്ങനെ കാലാവധി തീരും മുമ്പ് ക്ലോസ് ചെയ്യണമെങ്കില് ബാങ്കുകള്ക്ക് പ്രീ ക്ലോഷര് ചാര്ജ്ജ് നല്കേണ്ടിയിരുന്നു. എന്നാല് ഈ ഒരു ബുദ്ധിമുട്ട് ഇനി മുതല് ഉപഭോക്താക്കള് നേരിടേണ്ടി വരില്ല. ഈ പരിപാടി അവസാനിപ്പിക്കുകയാണ് റിസര്വ്വ് ബാങ്ക്.
ബോം ലോണ്, കാര് ലോണ്, പേഴ്സണല് ലോണ് എന്നിവയ്ക്കെല്ലാം ഇത് ബാധകമാണ്. അടുത്ത ജനുവരി മുതല് ഇത് പ്രാബല്യത്തില് വരും. ബാങ്കുകള്ക്ക് മാത്രമല്ല, നോണ് ബാങ്കിങ് ഫിനാന്ഷ്യല് കമ്പനികള്ക്കും ഇത് ബാധകമാകും. നിങ്ങളുടെ എടുത്തിട്ടുള്ള ലോണ് ഫ്ലോട്ടിങ് പലിശനിരക്കില് ആയിരിക്കണം എന്നത് മാത്രമാണ് നിബന്ധന. വ്യാപാരേതര ആവശ്യങ്ങള്ക്കായി എടുത്ത ലോണുകള്ക്ക് മാത്രമായിരിക്കും ഇത് ബാധകം.
ഉപഭോക്താക്കളെ സംബന്ധിച്ച് വലിയ ലാഭം ആണ് ഇതുവഴി ലഭിക്കുക. മിനിമം ലോക്ക് ഇന് പിരിയഡ് ഇല്ലാതെ തന്നെ ഉപഭോക്താക്കള്ക്ക് ലോണ് തുക തിരിച്ചടയ്ക്കാം. ഇനി മുഴുവനായി അടക്കാന് ഇല്ലെങ്കില് ലോണിന്റെ മുതലിന്റെ ഒരു ഭാഗം മാത്രമായും പ്രീ ക്ലോഷര് നിരക്കില്ലാതെ അടയ്ക്കാനാകും. അതുവഴി പലിശ ഇനത്തില് വലിയ ആനുകൂല്യങ്ങള് സ്വന്തമാക്കാനാകും.
ഇത് മാത്രമല്ല, മറ്റേതെങ്കിലും ബാങ്കുകളോ നോണ് ബാങ്കിങ് ഫിനാന്ഷ്യല് സ്ഥാപനങ്ങളോ കൂടുതല് പലിശ ഇളവ് നല്കുന്നുണ്ടെങ്കില്, വായ്പ ആ സ്ഥാപനത്തിലേക്ക് മാറ്റാനും സാധ്യമാകും. ഇതിനും പ്രത്യേകം പണമടയ്ക്കേണ്ടി വരില്ല. ലോണ് എഗ്രിമെന്റില് തന്നെ വായ്പാ ദാതാക്കള് എല്ലാ ഫീസുകളേയും കുറിച്ച് വ്യക്തമാക്കിയിരിക്കണം. ഹിഡന് ചാര്ജ്ജുകളൊന്നും തന്നെ ഇനി വസൂലാക്കാന് പാടില്ല.
ചെറിയ കാലപരിധിയുള്ള ലോണുകളേക്കാള് വലിയ തിരിച്ചടവ് കാലപരിധിയുള്ള ലോണുകളില് ആണ് ഉപഭോക്താക്കള്ക്ക് വലിയ ആനുകൂല്യം ലഭിക്കുകം. നിങ്ങള് 50 ലക്ഷം രൂപ ഭവന വായ്പ 9 ശതമാനം പലിശനിരക്കില് എടുത്തിട്ടുണ്ട് എന്ന് കരുതുക. അഞ്ച് ലക്ഷം രൂപ നിങ്ങളുടെ കൈവശം വന്നുചേര്ന്നാല് ആ പണം മുതലിലേക്ക് അടയ്ക്കാന് സാധിക്കും. 20 വര്ഷത്തേക്കാണ് നിങ്ങളുടെ ലോണ് എങ്കില് നാല്പത്തി അയ്യായിരത്തോളം രൂപ ആയിരിക്കും മാസ അടവ്. ലോണ് എടുത്ത് ഒരു വര്ഷം കഴിയുമ്പോള് നിങ്ങള്ക്ക് അപ്രതീക്ഷിതമായി ലഭിച്ച അഞ്ച് ലക്ഷം രൂപ മുതലിലേക്ക് അടച്ചാല് ഉണ്ടാകുന്ന ലാഭം എത്രയാണെന്ന് ഊഹിക്കാമോ? വായ്പാ തിരിച്ചടവ് അഞ്ച് വര്ഷത്തോളം കുറയും! മാത്രമല്ല, പലിശ ഇനത്തില് 17.5 ലക്ഷത്തോളം രൂപ നിങ്ങള്ക്ക് സേവ് ചെയ്യാനും സാധിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
