LPG Price Cut: ഓയിൽ മാർക്കറ്റിംഗ് കമ്പനി (OMCs) 19 കിലോഗ്രാം വാണിജ്യ സിലിണ്ടറിന്റെ വില മാസത്തിന്റെ ആദ്യ ദിനമായ ഇന്ന് കുറച്ചിരിക്കുകയാണ്.
Commercial LPG Cylinder Price Cut: എല്ലാ മാസത്തിലെയും ആദ്യ ദിനത്തിൽ എന്നതുപോലെ ഈ മാസവും എണ്ണ കമ്പനികൾ എൽപിജി സിലിണ്ടറിന്റെ വില പുതുക്കി. 19 കിലോഗ്രാം വാണിജ്യ ഗ്യാസ് സിലിണ്ടറിന്റെ വിലയിൽ 24 രൂപ കുറച്ചുകൊണ്ട് കമ്പനികൾ ഉപഭോക്താക്കൾക്ക് വലിയൊരു ആശ്വാസം നൽകിയിരിക്കുകയാണ്.
പുതിയ നിരക്കുകൾ ഇന്ന് മുതൽ പ്രാബല്യത്തിൽ വന്നിരിക്കുകയാണ്. എങ്കിലും ഗാർഹിക എൽപിജി സിലിണ്ടറിന്റെ വിലയിൽ മാറ്റമൊന്നും ഉണ്ടായിട്ടില്ല. ഇന്ത്യൻ ഓയിൽ കോർപ്പറേഷൻ ലിമിറ്റഡ് (IOCL) പുറത്തിറക്കിയ പുതിയ വില അനുസരിച്ച് 19 കിലോഗ്രാം എൽപിജി സിലിണ്ടറിന്റെ (Commercial LPG Cylinder Price) വില നിലവിൽ ഡൽഹിയിൽ 1723.50 രൂപയാണ് നേരത്തെ ഇത് 1747.50 രൂപയായിരുന്നു. അതുപോലെ കൊൽക്കത്തയിൽ വാണിജ്യ സിലിണ്ടറിന്റെ വില നിലവിൽ 1826 രൂപയായി നേരത്തെ ഇത് 1851.50 രൂപയായിരുന്നു. മുംബൈയിൽ വാണിജ്യ സിലിണ്ടറിന്റെ വില 1674.50 രൂപയായിട്ടുണ്ട് നേരത്തെ ഇത് 1699 രൂപയായിരുന്നു. ചെന്നൈയിൽ 19 കിലോ സിലിണ്ടർ ഇനി 1881 രൂപയ്ക്ക് ലഭ്യമാകും നേരത്തെ ഇത് 1906 രൂപയായിരുന്നു.
ഗാർഹിക എൽപിജി സിലിണ്ടറുകളുടെ വിലയിൽ മാറ്റമില്ല
ഓയിൽ മാർക്കറ്റിംഗ് കമ്പനികൾ (OMCs) വാണിജ്യ സിലിണ്ടറുകളുടെ വിലയിൽ മാറ്റങ്ങൾ വരുത്തിയിട്ടുണ്ടെങ്കിലും ഗാർഹിക എൽപിജി സിലിണ്ടറുകളുടെ വിലയിൽ മാറ്റമൊന്നും വരുത്തിയിട്ടില്ല. ഡൽഹിയിൽ 14 കിലോഗ്രാം ഗാർഹിക എൽപിജി സിലിണ്ടർ 853 രൂപയ്ക്ക് ലഭിക്കും. അതുപോലെ ഗാർഹിക എൽപിജി സിലിണ്ടറിന് കൊൽക്കത്തയിൽ 879 രൂപയും മുംബൈയിൽ 852.50 രൂപയും ചെന്നൈയിൽ 868.50 രൂപയുമാണ് വില. 2025 ഏപ്രിൽ 8 ന് ഗാർഹിക എൽപിജി സിലിണ്ടറുകളുടെ വിലയിൽ 50 രൂപ വർദ്ധിപ്പിച്ചിരുന്നു,
വിമാന കമ്പനികൾക്ക് വലിയ ആശ്വാസം
ഓയിൽ മാർക്കറ്റിംഗ് കമ്പനികൾ (OMCs) എയർലൈൻ കമ്പനികൾക്ക് വലിയ ആശ്വാസം നൽകുകയും ഏവിയേഷൻ ടർബൈൻ ഇന്ധനത്തിന്റെ (ATF) വില കുറയ്ക്കുകയും ചെയ്തിട്ടുണ്ട്. എടിഎഫ് വില കിലോ ലിറ്ററിന് 2414.25 രൂപ കുറച്ചു. പുതിയ നിരക്കുകൾ ഇന്നു മുതൽ പ്രാബല്യത്തിൽ വന്നു. കഴിഞ്ഞ മാസവും വ്യോമയാന ടർബൈൻ ഇന്ധനത്തിന് കിലോ ലിറ്ററിന് 3954.38 രൂപയുടെ കുറവ് വരുത്തിയിരുന്നു. ഇപ്പോഴ്ഴ്ത്തെ വില കുറവിന് ശേഷം അവധിക്കാലത്ത് വിമാന നിരക്കുകളിൽ കുറവുണ്ടാകുമെന്നാണ് സാധാരണക്കാരുടെ പ്രതീക്ഷ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)