 "LPG Price: മാസത്തിലെ ആദ്യ ദിനത്തിൽ ഉപഭോക്താക്കൾക്ക് സന്തോഷവാർത്ത; LPG സിലിണ്ടറിന്റെ വില കുറഞ്ഞു")
)
LPG Price 1 May 2025: എല്ലാ മാസത്തിലെയും ആദ്യ ദിനത്തിലേതുപോലെ ഇത്തവണയും ഒരുപാട് കാര്യങ്ങൾ മാറിയിട്ടുണ്ട്. ഇതോടൊപ്പം എണ്ണക്കമ്പനികളും എൽപിജി സിലിണ്ടറിന്റെ വില പുതുക്കി നിശ്ചയിച്ചിട്ടുണ്ട്. മെയ് 1 തൊഴിലാളി ദിനമായ ഇന്ന് 19 കിലോഗ്രാം വാണിജ്യ ഗ്യാസ് സിലിണ്ടറിന്റെ നിരക്ക് 14.5 രൂപ കുറച്ചുകൊണ്ട് കമ്പനികൾ ഉപഭോക്താക്കൾക്ക് വലിയൊരു ആശ്വാസം നൽകിയിരിക്കുകയാണ്.
ഈ വിലക്കുറവിന് ശേഷം മെയ് 1 മുതൽ ഡൽഹിയിൽ ഈ സിലിണ്ടർ 1747.50 രൂപയ്ക്ക് ലഭ്യമാകും നേരത്തെ ഇതിന്റെ വില 1762 രൂപയായിരുന്നു. കൊൽക്കത്തയിൽ സിലിണ്ടറിന്റെ വില 17 രൂപ കുറഞ്ഞ് 1851.50 രൂപയായിട്ടുണ്ട്. ഇതിനു പുറമെ മുംബൈയിൽ 1713.50 രൂപയ്ക്ക് പകരം ഇനി 1699 രൂപ നൽകേണ്ടി വരും. അതുപോലെ ചെന്നൈയിൽ ഈ സിലിണ്ടർ 1921.50 രൂപയ്ക്ക് പകരം 1906 രൂപയ്ക്ക് ഇന്നുമുതൽ ലഭ്യമാകും.
എല്ലാ മാസവും ഒന്നാം തീയതി രാവിലെ 6 മണിക്ക് എണ്ണക്കമ്പനികൾ വില മാറ്റും. എന്നാൽ ഇത്തവണ ഈ മാറ്റം വരുത്തിയത് രാവിലെ 7.30 ഓടെയാണ്. ഇതോടെ ഇനി മുതൽ കമ്പനികൾ ആദ്യദിനമായിരിക്കില്ല രണ്ടാമത്തെ ദിനത്തിനാലായിരിക്കും ഈ മാറ്റം കൊണ്ടുവരുന്നതെന്നാണ് റിപ്പോർട്ട്. അതേസമയം, ഗാർഹിക പാചക വാതക സിലിണ്ടറിന്റെ വിലയിൽ മാറ്റമൊന്നും വരുത്തിയിട്ടില്ല.
ഗാർഹിക എൽപിജി സിലിണ്ടറുകളുടെ വില
ഡൽഹിയിൽ 853 രൂപയ്ക്കാണ് എൽപിജി സിലിണ്ടർ ലഭ്യമാകുന്നത്. ഇതിനുപുറമെ കൊൽക്കത്തയിൽ 879 രൂപയ്ക്കും, മുംബൈയിൽ 852 രൂപയ്ക്കും, ചെന്നൈയിൽ 868.50 രൂപയ്ക്കും ലഭ്യമാണ്. മെയ് 1 മുതൽ എണ്ണക്കമ്പനികൾ വ്യോമയാന ഇന്ധനത്തിന്റെ വിലയിലും മാറ്റം വരുത്തിയിട്ടുണ്ട്. ഡൽഹിയിലെ പുതിയ നിരക്ക് കിലോ ലിറ്ററിന് 768.09 ഡോളറായി. കൊൽക്കത്തയിൽ കിലോ ലിറ്ററിന് 806.46 ഡോളറും, മുംബൈയിൽ 768.23 ഡോളറും, ചെന്നൈയിൽ 763.34 ഡോളറുമാണ് വില.
300 രൂപയുടെ വിലക്കുറവിൽ ഗ്യാസ് സിലിണ്ടർ ലഭ്യമാണ്
നിലവിൽ രാജ്യത്ത് 32.9 കോടി എൽപിജി കണക്ഷനുകളുണ്ട്. ഇതിൽ 10.33 കോടി ഉപഭോക്താക്കൾ ഉജ്ജ്വല യോജനയുമായി ബന്ധപ്പെട്ടിരിക്കുന്നു. ഇതനുസരിച്ച് പാവപ്പെട്ടവർക്ക് സിലിണ്ടറിന് 300 രൂപ സബ്സിഡി ലഭിക്കും. തമിഴ്നാട്, ആന്ധ്രാപ്രദേശ് തുടങ്ങിയ സംസ്ഥാനങ്ങളിൽ, സംസ്ഥാന സർക്കാർ പദ്ധതി പ്രകാരം ഉജ്ജ്വല യോജനയുടെ 10% ഗുണഭോക്താക്കൾ മാത്രമേയുള്ളൂ. വാണിജ്യ ഗ്യാസ് സിലിണ്ടറുകളുടെ വിലയിലെ ഏറ്റവും വലിയ കുതിച്ചുചാട്ടം 2022 ഏപ്രിലിലായിരുന്നു ഉണ്ടായത്. 2022 ഏപ്രിൽ 1 ന് സിലിണ്ടറിന്റെ വില 249.50 രൂപയിൽ നിന്ന് 268.50 രൂപയായി ഉയർന്നിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
