 "Crime News: വയനാട്ടില് 16കാരിയെ മദ്യം നൽകി കൂട്ടബലാത്സംഗം ചെയ്തു; രണ്ട് പേർ അറസ്റ്റിൽ")
വയനാട്: മാനന്തവാടിയിൽ പ്രായപൂർത്തിയാകാത്ത പെണ്ഡകുട്ടിയെ കൂട്ടബലാത്സംഗം ചെയ്ത രണ്ട് പേർ അറസ്റ്റിൽ. 16കാരിയെ ഇവർ തട്ടിക്കൊണ്ടുപോയി മദ്യം നൽകി ബലാത്സംഗം ചെയ്യുകയായിരുന്നു. മാനന്തവാടി സ്വദേശികളാണ് അറസ്റ്റിലായത്. പ്രതികൾക്കെതിരെ പോക്സോ, കൂട്ടബലാത്സംഗം എന്നീ വകുപ്പുകൾ ചുമത്തിയാണ് കേസെടുത്തിരിക്കുന്നത്.
Crime News: മലപ്പുറത്ത് 12 കാരിയെ പീഡിപ്പിച്ച മദ്രസാ അധ്യാപകന് 86 വര്ഷം കഠിന തടവ്
മലപ്പുറം: മഞ്ചേരിയിൽ 12 കാരിയെ ലൈംഗികമായി പീഡിപ്പിച്ച കേസിൽ 27കാരനായ മദ്രസാ അധ്യാപകന് 86 വര്ഷം കഠിന തടവും പിഴയും. 4.50 ലക്ഷം രൂപയാണ് പിഴ. മഞ്ചേരി സ്പെഷ്യല് പോക്സോ കോടതി ജഡ്ജ് അഷ്റഫ് എ.എം. ആണ് മലപ്പുറം സ്വദേശി ജാബിർ അലിയ്ക്ക് ശിക്ഷ വിധിച്ചത്.
2022 ഏപ്രിലിലാണ് കേസിനാസ്പദമായ സംഭവം. മദ്രസയിൽ വച്ച് ജാബിർ അലി കുട്ടിയെ ലൈംഗികമായി പീഡിപ്പിച്ചുവെന്നാണ് പരാതി. ലൈംഗീകാവയവത്തിന്റെ ചിത്രം പ്രതി മൊബൈലിൽ കുട്ടിക്ക് കാണിച്ച് കൊടുക്കുകയും ചോക്ക് എടുത്തു കൊണ്ടുവരാൻ ആണെന്ന് പറഞ്ഞ് മദ്രസയിലെ ബാത്റൂമിൽ കൊണ്ടുപോയി പീഡിപ്പിക്കുകയും ചെയ്തുവെന്നുമാണ് പരാതി.
വനിതാ പോലീസ് സ്റ്റേഷന് സബ് ഇന്സ്പെക്ടർ സന്ധ്യാദേവി. പി.എം ആണ് കേസിൽ അന്വേഷണം നടത്തിയത്. ഇന്സ്പെക്ടർ റസിയാ ബംഗാളത്താണ് പ്രതിയെ അറസ്റ്റ് ചെയ്ത് കുറ്റപത്രം സമര്പ്പിച്ചത്. പോക്സോയിലെ നാല് വകുപ്പുകൾ പ്രകാരമാണ് തടവ് ശിക്ഷയും പിഴയും വിധിച്ചത്. ശിക്ഷ ഒരുമിച്ച് അനുഭവിച്ചാൽ മതി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)