 "Car Theft Case: വീട്ടമ്മയ്ക്കൊപ്പം കറങ്ങാൻ കാർ മോഷ്ടിച്ചു; 20കാരൻ അറസ്റ്റിൽ")
)
തിരുവനന്തപുരം: വീട്ടമ്മയ്ക്കൊപ്പം കറങ്ങാൻ കാർ മോഷ്ടിച്ച ഇരുപതുകാരൻ അറസ്റ്റിൽ. തിരുവനന്തപുരത്താണ് സംഭവം. സമൂഹ മാധ്യമത്തിലൂടെ പരിചയപ്പെട്ട വീട്ടമ്മയ്ക്കൊപ്പം കറങ്ങാനാണ് യുവാവ് കാർ മോഷ്ടിച്ചത്. മൂവാറ്റുപുഴ സ്വദേശി സാബിത്താണ് തമ്പാനൂർ പൊലീസിന്റെ പിടിയിലായത്. ഇൻസ്റ്റാഗ്രാം ചാറ്റിലൂടെ അടുപ്പത്തിലായ വീട്ടമ്മയ്ക്കൊപ്പം കറങ്ങാനായാണ് മൂവാറ്റുപുഴയിൽ നിന്ന് കാർ മോഷ്ടിച്ച ശേഷം സാബിത്ത് തിരുവനന്തപുരത്ത് എത്തിയത്.
രണ്ട് കുട്ടികളുടെ അമ്മയായ പൂന്തുറ സ്വദേശിനിക്കൊപ്പം കാറിൽ കറങ്ങവെയാണ് സാബിത്ത് പൊലീസിന്റെ പിടിയിലാകുന്നത്. വെള്ളൂർക്കുന്നം വാഴപ്പിള്ളി കുരുട്ടുകാവിൽ വീടിന്റെ പോർച്ചിൽ കിടന്ന കാറാണ് ഇയാൾ മോഷ്ടിച്ചത്. തിരുവനന്തപുരത്തെത്തിയ ശേഷം, തൈക്കാട് സ്വദേശിയായ അഭിഭാഷകന്റെ കാറിന്റെ നമ്പർപ്ലേറ്റ് മോഷ്ടിച്ച ശേഷം ഇത് കാറിൽ വച്ചായിരുന്നു യാത്ര. നമ്പർപ്ലേറ്റ് മോഷണവുമായി ബന്ധപ്പെട്ട പരാതിയിൽ നടത്തിയ അന്വേഷണത്തിലാണ് യുവാവ് അറസ്റ്റിലാകുന്നത്. നമ്പർപ്ലേറ്റ് മോഷ്ടിച്ചതിൽ കേസ് രജിസ്റ്റർ ചെയ്ത ശേഷം സാബിത്തിനെയും കാറിനെയും മൂവാറ്റുപുഴ പൊലീസിന് കൈമാറി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
