 "Triple Murder Case: ഓണ്ലൈന് ഗെയിമിങ് എതിര്ത്തു; മാതാപിതാക്കളെയും സഹോദരിയെയും കൊലപ്പെടുത്തി 21കാരൻ")
ഓണ്ലൈനിലെ ഗെയിം കളി എതിര്ത്ത മാതാപിതാക്കളെയും സഹോദരിയെയും കൊലപ്പെടുത്തി യുവാവ്. ഒഡീഷയിലെ ജഗത് സിങ് പൂരിലാണ് സംഭവം. തിങ്കളാഴച പുലര്ച്ചെയാണ് 21 കാരനായ സുര്ജ്യകാന്ത് ക്രൂരമായി മൂന്ന് കൊലപാതകങ്ങള് നടത്തിയത്. 65 കാരനായ പ്രശാന്ത് സേതി, ഭാര്യ കനകലത, മകള് റോസ്ലിന് എന്നിവരെയാണ് ഈ 21 കാരൻ കൊലപ്പെടുത്തിയത്. പ്രതി മൊബൈല് ഫോണില് ഗെയിം കളിക്കുന്നത് എതിര്ത്തതാണ് കൊലപാതകത്തിലേക്ക് നയിച്ചതെന്ന് പൊലീസ് പറഞ്ഞു.
ഇരുമ്പു വടിയും കല്ലും ഉപയോഗിച്ച് അടിച്ചാണ് പ്രതി കൊല നടത്തിയത്. തിങ്കളാഴ്ച രാത്രി യുവാവുമായി വീട്ടുകാര് വാക്കു തര്ക്കം ഉണ്ടായി. മൊബൈല് ഫോണില് മണിക്കൂറുകളോളം ഗെയിം കളിക്കുന്നതിനെ മാതാപിതാക്കളും സഹോദരിയും ശക്തമായി എതിര്ത്തു. ഈ വിരോധമാണ് കൊലപാതകത്തില് കലാശിച്ചത്. പുലര്ച്ചെ രണ്ടു മണിക്ക് മൂന്ന് പേരും ഉറങ്ങിക്കിടക്കുമ്പോളായിരുന്നു കൊലപാതകമെന്ന് പൊലീസ് പറഞ്ഞു.
അതിക്രമം അയല്വാസികളെ അറിയിച്ച പ്രതി സംഭവസ്ഥലത്ത് നിന്നും ഓടി രക്ഷപ്പെട്ടു. സ്ഥലത്തെത്തി പരിശോധന നടത്തിയ അയല്വാസികള് കണ്ടത് രക്തത്തില് കുളിച്ച് കിടക്കുന്ന മൃതശരീരങ്ങളാണ്. തുടര്ന്ന് പൊലീസിനെ വിവരം അറിയിച്ചു. അന്വേഷണത്തില് വീടിനടുത്തുള്ള സ്കൂളില് ഒളിച്ചിരിക്കുകയായിരുന്ന പ്രതിയെ പൊലീസ് അറസ്റ്റ് ചെയ്തു.
പഠനം പൂര്ത്തിയാക്കിയ സുര്ജ്യകാന്ത് തൊഴില് രഹിതനായിരുന്നു. ഇയാള് മാനസിക വെല്ലുവിളി നേരിടുന്നയാളാണെന്ന് കുടുംബാംഗങ്ങള് പറഞ്ഞു. സുര്ജ്യകാന്ത് ഓണ്ലൈനില് ഗെയിം കളിക്കുന്നതിന് മണിക്കൂറുകള് ചിലവഴിക്കുമെന്നും ചിലപ്പോള് ആരോടും പറയാതെ വീട്ടില് നിന്ന് ഇറങ്ങി പോകാറുണ്ടെന്നും ഇയാളുടെ സഹോദരന് പൊലീസിനോട് പറഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
