 "Aluva News: വൈദ്യപരിശോധനയ്ക്ക് ആശുപത്രിയിൽ എത്തിച്ചപ്പോൾ രക്ഷപ്പെട്ട പ്രതി പിടിയിൽ; സംഭവം ആലുവയിൽ")
ആലുവ: വൈദ്യപരിശോധനയ്ക്കായി ആലുവ ജില്ലാ ആശുപത്രിയിൽ എത്തിച്ച പ്രതി പോലീസിനെ കബളിപ്പിച്ച് രക്ഷപ്പെട്ടു. ഒടുവിൽ രണ്ടുമണിക്കൂറിന് ശേഷം പ്രതിയെ പോലീസ് പിടികൂടി.
മോഷണക്കേസുമായി ബന്ധപ്പെട്ട് കാലടി പോലീസ് അറസ്റ്റ് ചെയ്ത അസം സ്വദേശി സുഖു അലിയാണ് പോലീസിനെ കബളിപ്പിച്ചു രക്ഷപ്പെട്ടത്. പുളിഞ്ചോട് റെയിൽവേ ട്രാക്കിന് സമീപത്തു നിന്നാണ് ഒളിച്ചിരുന്ന പ്രതിയെ പോലീസ് പിടികൂടിയത്. ആലുവ സബ് ജയിലിൽ റിമാൻഡിലായിരുന്ന പ്രതി, ജയിലിൽവെച്ച് ശ്വാസംമുട്ട് അഭിനയിക്കുകയും തനിക്ക് എയ്ഡ്സ് രോഗബാധയുണ്ടെന്ന് ഭീതിപരത്തുകയും ചെയ്തിരുന്നു. ഇതോടെയാണ് തിങ്കളാഴ്ച രാവിലെ 11 മണിയോടെ വൈദ്യപരിശോധനയ്ക്കായി പ്രതിയെ ആലുവ ജില്ലാ ആശുപത്രിയിൽ എത്തിച്ചത്.
അവിടെവച്ച് ശൗചാലയത്തിൽ കയറിയ പ്രതി വെന്റിലേറ്റർ വഴി രക്ഷപ്പെടുകയായിരുന്നു. തുടർന്ന് പ്രതിയെ കാണാതായതോടെ പോലീസ് ശൗചാലയത്തിൽ പരിശോധന നടത്തി. അപ്പോഴാണ് പ്രതി രക്ഷപ്പെട്ട വിവരം പോലീസിന് മനസിലാകുന്നത്. സംഭവമറിഞ്ഞ് ആലുവ ഇൻസ്പെക്ടറിന്റെ നേതൃത്വത്തിൽ പോലീസ് തിരച്ചിൽ ആരംഭിക്കുകയും പ്രതിയെ പുളിഞ്ചോട് റെയിൽവേ ലൈനിന് സമീപത്തുനിന്നും പിടികൂടുകയുമായിരുന്നു.
പിടികൂടിയ ശേഷം പ്രതിയെ വീണ്ടും ആശുപത്രിയിലെത്തിച്ച് വൈദ്യപരിശോധന നടത്തുകയും ശേഷം കോടതിയിൽ ഹാജരാക്കി റിമാൻഡ് ചെയ്യുകയുമായിരുന്നു. പോലീസിനെ കബളിപ്പിച്ചു കടന്നതിന് ആലുവ പോലീസ് പ്രതിയുടെ പേരിൽ കേസെടുത്തിട്ടുണ്ട്. മാത്രമല്ല പ്രതിയായ സുഖു അലിക്കൊപ്പം ഉണ്ടായിരുന്ന പോലീസുകാർക്കെതിരേയും വകുപ്പുതല അന്വേഷണം ആരംഭിച്ചിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)