Crime News: യുവതിക്ക് ദഹനക്കേട്, കൈകാലുകളുടെ വീക്കം തുടങ്ങിയ ആരോഗ്യപ്രശ്നങ്ങളാണ് ഉണ്ടായിരുന്നത്.
)
ബെംഗളൂരു: യുവതിയുടെ ശരീരത്തിൽ 15 ഭൂതങ്ങളുണ്ടെന്ന് പറഞ്ഞ് പണം തട്ടിയ ജ്യോത്സ്യൻ ബെംഗളൂരുവിൽ അറസ്റ്റിൽ. യുവതിക്ക് നിരന്തരം രോഗങ്ങൾ പിടിപെട്ടതിനെ തുടർന്നാണ് ജോത്സ്യനെ സമീപിച്ചത്.
യുവതിയോട് ആരോഗ്യപ്രശ്നങ്ങൾ പരിഹരിക്കാമെന്നും ശരീരത്തിലുള്ള 15 ഭൂതങ്ങളെയും ഒഴിപ്പിച്ച് തരാമെന്നും പറഞ്ഞാണ് ജ്യോത്സ്യൻ അഞ്ച് ലക്ഷം രൂപ തട്ടിയെടുത്തതെന്നാണ് യുവതി പറയുന്നത്. ജ്യോത്സ്യൻ തന്നെ വഞ്ചിച്ചെന്ന് ചൂണ്ടിക്കാട്ടി യുവതി പോലീസിൽ പരാതി നൽകിയതിനെ തുടർന്നാണ് കേസ് ഫയൽ ചെയ്തത്.
ദഹനക്കേട്, കൈകാലുകളുടെ വീക്കം തുടങ്ങിയ ആരോഗ്യപ്രശ്നങ്ങളാലാണ് യുവതി ബുദ്ധിമുട്ടിയിരുന്നത്. യുവതിയുടെ സുഹൃത്ത് വഴിയാണ് അവർ ജോത്സ്യനെ പരിചയപ്പെടുകയും ജാതകം കൈമാറുകയും ചെയ്തു. ജാതകം പരിശോധിച്ചതിന് ശേഷം യുവതിയുടെ ശരീരത്തിൽ 15 ഭൂതങ്ങൾ കയറിക്കൂടിയെന്ന് വിശ്വസിപ്പിച്ച ജോത്സ്യൻ ഈ ഭൂതങ്ങളെ ഒഴിപ്പിച്ചില്ലെങ്കിൽ ജീവിതം നശിച്ച് പോകുമെന്നും മരണം സംഭവിക്കുമെന്നും യുവതിയോട് പറയുകയായിരുന്നു.
ഇക്കാരണങ്ങൾ പറഞ്ഞ് പല തവണയായി യുവതിയുടെ കൈയ്യിൽ നിന്നും പ്രതി 5 ലക്ഷം രൂപയോളം തട്ടിയെടുത്തു. കഴിഞ്ഞ സെപ്റ്റംബർ 29 ന് കോറമംഗലയിലെ ഒരു ഹോട്ടൽ മുറിയിൽ യുവതിയെ ജ്യോത്സ്യൻ വിളിച്ച് വരുത്തുകയും തുടർന്ന് പ്രേതബാധ ഒഴിപ്പിക്കുകയാണെന്നും പറഞ്ഞു കൊണ്ട് പൂജകൾ നടത്തിയെന്നും “ആത്മാവേ പോകൂ” എന്ന് ആവർത്തിച്ച് മന്ത്രിച്ചുകൊണ്ട് യുവതിയുടെ മുടിയിൽ പിടിച്ച് വലിച്ചെന്നുമൊക്കെ യുവതി പരാതിയിൽ വ്യക്തമാക്കുന്നുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
