Kollam Murder Case: ജിനുവിന്റെ കുത്തുകൊണ്ട യുവതി സംഭവസ്ഥലത്ത് തന്നെ കുഴഞ്ഞു വീണതായിട്ടാണ് റിപ്പോർട്ട്.
കൊല്ലം: യുവതിയെ ജോലിക്കു നിന്ന വീട്ടിലെത്തി ഭര്ത്താവ് കുത്തിക്കൊന്നു. സംഭവം നടന്നത് പനയം താന്നിക്കമുക്കിലാണ്. കാസര്ഗോഡ് ബന്തടുക്ക സ്വദേശിനി രതിയെയാണ് ഭര്ത്താവ് ജിനു കൊലപ്പെടുത്തിയത്. പ്രതിയെ പോലീസ് പിടികൂടിയിട്ടുണ്ട്.
Also Read: റാപ്പർ വേടൻ ഇന്ന് മുൻകൂർ ജാമ്യാപേക്ഷ നൽകും
കൊല്ലപ്പെട്ട രതി അഞ്ച് മാസമായി താന്നിക്കമുക്കിലുള്ള ഷാനവാസ് മന്സിലില് ജോലിക്ക് നില്ക്കുകയായിരുന്നു. ഇന്നലെ രാത്രി 10:30 ഓടെ രതി ജോലിക്കു നിന്ന വീടിന്റെ മതില് ചാടിയെത്തിയ ജിനു രതിയെ ആക്രമിക്കുകയായിരുന്നു. ജിനുവിന്റെ കുത്തുകൊണ്ട യുവതി സംഭവസ്ഥലത്ത് തന്നെ കുഴഞ്ഞു വീണതായിട്ടാണ് റിപ്പോർട്ട്. ഉടൻതന്നെ രതിയെ ജില്ലാ ആശുപത്രിയിൽ എത്തിച്ചെങ്കിലും ജീവന് രക്ഷിക്കാനായില്ല.
പ്രതിയായ ജിനു ഭാര്യ ജോലിക്ക് നില്ക്കുന്ന താന്നിക്കമുക്ക് ജംഗ്ഷനിലുള്ള വീടിന് മുന്നിലെത്തിയത് ബൈക്കിലായിരുന്നു. രതിയെ കുത്തിയ ശേഷം ഇയാള് അതെ ബൈക്കില് തന്നെ രക്ഷപ്പെടുകയും ചെയ്തു. തുടര്ന്ന് പോലീസ് നടത്തിയ തിരച്ചിലിലാണ് ജിനുവിനെ ശൂനരാട് പോലീസ് പിടികൂടിയത്. സംഭവത്തില് അഞ്ചാലുംമൂട് പോലീസ് കേസ് രജിസ്റ്റർ ചെയ്തിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)