Green House Cleaning Youtuber: യൂട്യൂബർ രോഹിത്തിനെതിരെ സഹോദരിയുടെ പരാതി; കേസെടുത്ത് പൊലീസ്

ആലപ്പുഴ: യൂട്യൂബർ രോഹിത്തിനെതിരെ സഹോദരിയുടെ പരാതിയിൽ കേസെടുത്ത് ആലപ്പുഴ പൊലീസ്. ഗ്രീൻ ഹൗസ് ക്ലീനിങ് സർവീസ് എന്ന യൂട്യൂബ് ചാനലാണ് രോഹിത്തിനുള്ളത്. രോഹിത്തിന്റെ സഹോദരി നൽകിയിരിക്കുന്ന പരാതിയിലാണ് ആലപ്പുഴ വനിത പൊലീസ് കേസെടുത്തിരിക്കുന്നത്. ദേഹോപദ്രം ഏല്പിച്ചു, സഹോദരിയെയും അമ്മയെയും അപമാനിക്കുന്ന തരത്തിലുള്ള വീഡിയോസ് ഫേസ്ബുക്ക്, യൂട്യൂബ്, ഇൻസ്റ്റഗ്രാം തുടങ്ങിയ സമൂഹമാധ്യമങ്ങളിലൂടെ പ്രചരിപ്പിക്കുന്നുവെന്നുമാണ് പരാതി. ദേഹോപദ്രം ഏല്പിക്കൽ, ഗുരുതരമായി പരിക്കേൽപിക്കൽ, അപകീർത്തിപ്പെടുത്തൽ തുടങ്ങിയ വകുപ്പുകളാണ് രോഹിത്തിനെതിരെ പൊലീസ് ചുമത്തിയിരിക്കുന്നത്.

കഴിഞ്ഞ ദിവസങ്ങളിൽ രോഹിത്തിന്റെ വീട്ടിൽ നിന്ന് ഇറക്കി വിട്ടെന്നും പറഞ്ഞ് ഒരു വീഡിയോ ചെയ്തിരുന്നു. ഭാര്യയേയും കൂട്ടി വീട്ടിൽ നിന്നും ഇറങ്ങുകയായിരുന്നുവെന്നും, സഹോദരിക്ക് പ്രണയബന്ധങ്ങളുണ്ടെന്നും എല്ലാം വീഡിയോയിലൂടെ രോഹിത്ത് ആരോപിച്ചിരുന്നു. എന്തായാലും സംഭവത്തിൽ പൊലീസ് അന്വേഷണം ആരംഭിച്ചു. കടൽതീരങ്ങളിലും മറ്റും ഉപയോഗിച്ച് ഉപേക്ഷിച്ച സിറിഞ്ചുകൾ ഉൾപ്പടെ പെറുക്കി വൃത്തിയാക്കുകയും, വാട്ടർടാങ്ക് ക്ലീനിംഗ് ഒക്കെയായിരുന്നു രോഹിത്ത് യൂട്യൂബ് വീഡിയോയിലൂടെ പങ്കുവെച്ചിരുന്നത്. ഉപയോഗിക്കുന്ന എല്ലാ വസ്തുക്കളും സാനിട്ടൈസ് ചെയ്യുന്ന വീഡിയോസ് പങ്കുവെക്കുന്നതിലൂടെ നിരവധി ട്രോളുകളും രോഹിത്ത് നേരിട്ടിട്ടുണ്ട്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.