 "Crime News: കുക്കറിന്റെ അടപ്പുകൊണ്ട് അമ്മയെ ആക്രമിച്ചു; ബാലുശ്ശേരിയിൽ മകനും മരുമകള്ക്കുമെതിരെ കേസെടുത്തു")
കോഴിക്കോട്: ബാലുശ്ശേരി കണ്ണാടിപ്പൊയിലില് മകന് അമ്മയെ തലയ്ക്കടിച്ച് പരിക്കേല്പ്പിച്ച സംഭവത്തിൽ മകനും മരുമകളുമടക്കം 3 പേർക്കെതിരെ കേസെടുത്തു. കോഴിക്കോട് സ്വദേശി രതിയ്ക്ക് ആണ് പരിക്കേറ്റത്. കുക്കറിന്റെ അടപ്പ് ഉപയോഗിച്ചാണ് മകൻ രതിൻ ഇവരെ ആക്രമിച്ചത്. തലയ്ക്കും അടിവയറിലും പരിക്കേറ്റ രതി നിലവിൽ കോഴിക്കോട് മെഡിക്കല് കോളജില് ചികിത്സയിലാണ്. സംഭവത്തിൽ മകന് രതിന്, ഭാര്യ ഐശ്വര്യ, രതിയുടെ ഭര്ത്താവ് ഭാസ്കരന് എന്നിവര്ക്കെതിരെയാണ് ബാലുശ്ശേരി പൊലീസ് കേസെടുത്തത്.
സ്വത്ത് തര്ക്കമാണ് മർദ്ദനത്തിന് കാരണമെന്നാണ് വിവരം. കഴിഞ്ഞ ഞായറാഴ്ചയാണ് രതിന് വിദേശത്ത് നിന്നുമെത്തിയത്. സ്വത്തുക്കള് തന്റെ പേരിലെഴുതി തരണമെന്ന മകന്റെ ആവശ്യം രതി വിസമ്മതിച്ചതോടെയാണ് അടുക്കളയിൽ നിന്നും കുക്കറിന്റെ അടപ്പുകൊണ്ട് ആക്രമിച്ചതെന്നാണ് രതി പൊലീസിന് നല്കിയ മൊഴിയില് പറയുന്നത്.
വീട്ടില് നിന്നും ഇറങ്ങിപ്പോകണമെന്ന് ആക്രോശിച്ചായിരുന്നു മകന്റെ ആക്രമണം. തന്റെ കഴുത്തിന് കുത്തിപ്പിടിച്ചെന്നും രതി പറയുന്നു. സംഭവം നടക്കുന്ന സമയത്ത് രതിയുടെ ഇളയ മകളും വീട്ടിലുണ്ടായിരുന്നു. ആക്രമണത്തിൽ ഗുരുതരമായി പരിക്കേറ്റ രതിയെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചിരുന്നു. കഴിഞ്ഞ ദിവസം ആശുപത്രി വിട്ടെങ്കിലും അടിവയറ്റില് വേദനയുണ്ടായതിനെ തുടര്ന്ന് വീണ്ടും ചികിത്സ തേടുകയായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)