 "Chhattisgarh Liquor Scam Scam: ഛത്തീസ്ഗഢ് മദ്യ അഴിമതി കേസ്: ഭൂപേഷ് ബാഗേലിന്റെ മകൻ അറസ്റ്റിൽ")
)
ന്യൂഡൽഹി: മദ്യ അഴിമതിയുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ കോൺഗ്രസ് നേതാവും ഛത്തീസ്ഗഡ് മുൻ മുഖ്യമന്ത്രിയുമായ ഭൂപേഷ് ബാഗേലിന്റെ മകൻ ചൈതന്യ ബാഗേലിനെ ഇഡി അറസ്റ്റ് ചെയ്തു. കേസിൽ പുതിയ തെളിവുകൾ ലഭിച്ചതിനെ തുടർന്നാണ് നടപടിയെന്ന് ഇഡി അറിയിച്ചു.
2019 നും 2022 നും ഇടയിൽ ഭൂപേഷ് ബാഗേലിന്റെ നേതൃത്വത്തിലുള്ള കോൺഗ്രസ് സർക്കാരിന്റെ കാലത്ത് നടന്നതായി ആരോപിക്കപ്പെടുന്ന 2,160 കോടി രൂപയുടെ മദ്യ അഴിമതിയിൽ നിന്നുള്ള വരുമാനത്തിൽ ചൈതന്യ ബാഗേലിന് പങ്കുണ്ടെന്നാണ് സംശയമെന്ന ലാണെന്ന് എൻഫോഴ്സ്മെന്റ് ഡയറക്ടറേറ്റ് പറയുന്നു.
അറസ്റ്റിന് മുന്നോടിയായി റെയ്ഡിനിടെ മാധ്യമങ്ങളോട് സംസാരിച്ച മുൻ മുഖ്യമന്ത്രി പ്രതിപക്ഷ നേതാക്കളെ ലക്ഷ്യം വയ്ക്കാൻ കേന്ദ്ര ഏജൻസികളെ ദുരുപയോഗം ചെയ്യുന്നുവെന്നും ആരോപിച്ചു. കൂടാതെ തങ്ങൾ സത്യത്തിനുവേണ്ടി പോരാടും എന്നും ഭൂപേഷ് വ്യക്തമാക്കിയിട്ടുണ്ട്. അദാനി ഗ്രൂപ്പ് കൽക്കരി ഖനി പദ്ധതിക്കായി മരങ്ങൾ മുറിക്കുന്ന വിഷയം ഉന്നയിക്കാൻ തീരുമാനിച്ചിരുന്ന നിയമസഭാ സമ്മേളനത്തിന്റെ അവസാന ദിവസം ഇഡി തന്റെ വസതി സന്ദർശിച്ചതായും ബാഗേൽ എക്സിലെ ഒരു പോസ്റ്റിൽ നേരത്തെ പറഞ്ഞിരുന്നു.
സംസ്ഥാനത്തെ മദ്യവില്പ്പനയില് ക്രമക്കേടുണ്ടെന്ന് ചൂണ്ടികാട്ടി ആദായ നികുതി വകുപ്പാണ് ആദ്യം റിപ്പോര്ട്ട് നല്കിയത്. സംഭവത്തില് ഐഎഎസ് ഉദ്യോഗസ്ഥന് അനില് ടുതേജ, മദ്യ വ്യാപാരി അന്വര് ദേബാര്, റായ്പൂര് മേയറുടെ സഹോദരന് എന്നിവരെ നേരത്തെ ഇഡി അറസ്റ്റ് ചെയ്തു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
