Palakkad Student Suicide: ശ്രീകൃഷ്ണപുരം സെൻ്റ് ഡൊമിനിക്ക് കോൺവെൻ്റ് സ്കൂളിലെ ഒമ്പതാം ക്ലാസ് വിദ്യാര്ത്ഥിനി ആഷിർനന്ദയുടെ ആത്മഹത്യയിലാണ് നടപടി
)
പാലക്കാട്: ശ്രീകൃഷ്ണപുരത്ത് ഒന്പതാം ക്ലാസുകാരി ആത്മഹത്യ ചെയ്ത സംഭവത്തിൽ സ്വമേധയാ കേസെടുത്ത് ബാലാവകാശ കമ്മീഷന്. ശ്രീകൃഷ്ണപുരം സെൻ്റ് ഡൊമിനിക്ക് കോൺവെൻ്റ് സ്കൂളിലെ ഒമ്പതാം ക്ലാസ് വിദ്യാര്ത്ഥിനി ആഷിർനന്ദയുടെ ആത്മഹത്യയിലാണ് നടപടി. പൊലീസ്, ജില്ലാ ശിശു സംരംക്ഷണ യൂണിറ്റ്, സ്കൂള് അധികൃതര് എന്നിവരില് നിന്നും വിശദമായ റിപ്പോര്ട്ടും ബാലാവകാശ കമ്മീഷൻ ആവശ്യപ്പെട്ടിട്ടുണ്ട്.
ബാലാവകാശ കമ്മീഷൻ ചെയര്മാന് കെ.വി മനോജ്കുമാർ തച്ചനാട്ടുകര ചോളോടുള്ള കുട്ടിയുടെ വീടും പഠിച്ച സ്കൂളും സന്ദര്ശിച്ചു. കുട്ടികള്ക്ക് അനുകൂലമായ സാഹചര്യം സ്കൂളില് വളര്ത്തിയെടുക്കണമെന്നും കുട്ടികള്ക്ക് ആഘാതമില്ലാത്ത രീതിയില് വേണം സ്കൂളിന്റെ തുടര്പ്രവര്ത്തനമെന്നും കമ്മീഷന് ആവശ്യപ്പെട്ടു.
കുട്ടിയുടെ സഹപാഠികള്ക്കും, സ്കൂള് ബസില് ഒപ്പമുണ്ടാകാറുള്ള കുട്ടികള്ക്കും, അധ്യാപകര്ക്കും തിങ്കളാഴ്ച മുതല് കൗണ്സിലിങ് നല്കാൻ ജില്ലാ ശിശു സംരക്ഷണ യൂണിറ്റിന് ചെയര്മാന് നിര്ദ്ദേശം നല്കിയിട്ടുണ്ട്. സ്കൂൾ അധികൃതരുടെ മാനസിക പീഡനത്തെ തുടർന്നാണ് കുട്ടി ആത്മഹത്യ ചെയ്തതെന്ന് രക്ഷിതാക്കൾ നാട്ടുകാൽ പൊലീസിന് പരാതി നൽകിയിരുന്നു. സംഭവത്തിൽ പൊലീസ് നേരത്തെ അസ്വാഭാവിക മരണത്തിന് കേസെടുത്തിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
