Crime News: കാസർകോട്ട് നാലുപേർക്ക് വെട്ടേറ്റു; ആക്രമണം പടക്കംപൊട്ടിച്ചത് ചോദ്യംചെയ്തതിന്

Kasaragod Crime News: വീടിന് സമീപത്ത് പടക്കം പൊട്ടിച്ചത് ചോദ്യം ചെയ്തതാണ് ആക്രമണത്തിന് കാരണം.

കാസർകോട്: കാസർകോട് നാലാംമൈലിൽ നാല് പേർക്ക് വെട്ടേറ്റു. വീടിന് സമീപത്ത് പടക്കം പൊട്ടിച്ചത് ചോദ്യംചെയ്തതാണ് ആക്രമണത്തിന് കാരണം. ഇബ്രാഹിം സൈനുദ്ദീൻ, മകൻ ഫവാസ്, ബന്ധുക്കളായ റസാഖ്, മുൻഷീദ് എന്നിവർക്കാണ് പരിക്കേറ്റത്. ഞായറാഴ്ച രാത്രി 11 മണിയോടെയാണ് ആക്രമണം ഉണ്ടായത്.

Add Zee News as a Preferred Source

അയൽവാസിയുടെ വീട്ടിൽ പടക്കം പൊട്ടിച്ചത് ഫവാസ് ചോദ്യം ചെയ്തിരുന്നു. ഇതിൽ പ്രകോപിതരായ സംഘം ഫവാസിന്റെ മുഖത്തേക്ക് തിളച്ച ചായ ഒഴിച്ചു. ഇതിനുശേഷം ഇബ്രാഹിം എത്തി മകനെ വീട്ടിലേക്ക് കൊണ്ടുപോകുന്ന വഴിയിൽ വാഹനം തടഞ്ഞുനിർത്തി പത്തംഗ സംഘം ആക്രമിക്കുകയായിരുന്നു.

ഫവാസിനെ കണ്ണിൽ പെപ്പർ സ്പ്രേ അടിച്ചതിന് ശേഷം ആക്രമികൾ കുത്തി വീഴ്ത്തി. സംഭവത്തിൽ വിദ്യാനഗർ പോലീസ് വധശ്രമത്തിന് കേസെടുത്തു. സംഭവത്തിൽ മൂന്ന് പേരെ കസ്റ്റഡിയിൽ എടുത്ത് ചോദ്യം ചെയ്ത് വരികയാണ്. സംഭവത്തിൽ വിശദമായ അന്വേഷണം നടത്തുമെന്ന് പോലീസ് വ്യക്തമാക്കി.