Viral Video: സ്വത്തിന് വേണ്ടി സ്വന്തം അമ്മയെ ക്രൂരമായി ഉപദ്രവിച്ച് മകൾ
സ്വത്തിന് വേണ്ടി സ്വന്തം അമ്മയെ ക്രൂരമായി ഉപദ്രവിച്ച് മകൾ. സ്വത്തു തര്ക്കത്തെ തുടര്ന്ന് മകള് അമ്മയെ കടിക്കുകയും അടിക്കുകയും തലമുടിയിൽ പിടിച്ച് വലിക്കുകയും ചെയ്യുന്ന വീഡിയോ വൈറലായിരിക്കുകയാണ്. ഹരിയാനയിലാണ് സംഭവം. അമ്മയെ ക്രൂരമായി അടിക്കുകയും കടിക്കുകയും ചെയ്യുന്ന ദൃശ്യങ്ങള് വീഡിയോയിലുണ്ട്. റീത്ത എന്ന് പേരുള്ള യുവതിയാണ് അമ്മ നിര്മലാ ദേവിയെ ക്രൂരമായി ഉപദ്രവിക്കുന്നത്. കട്ടിലില് ഇരിക്കുന്ന നിര്മലാ ദേവി കരയുന്നതും കൈകൂപ്പി അപേക്ഷിക്കുന്നതും വീഡിയോയില് കാണാം. അമ്മയുടെ കാലില് പിടിച്ച് വലിക്കുകയും കാലിന്റെ തുടയില് കടിക്കുകയും ചെയ്യുന്നുണ്ട്.
റീത്ത അമ്മയുടെ മുടിയില് പിടിച്ച് വലിച്ച് കട്ടിലില് കിടത്തിയശേഷം തലയില് മര്ദിക്കുന്നതും കാണാം. ഉപദ്രവിക്കരുതെന്നും കരുണ കാണിക്കണമെന്ന് അമ്മ അപേക്ഷിക്കുന്നുമുണ്ട്. വീണ്ടും ഉപദ്രവിച്ച ശേഷം റീത്ത അമ്മയോട് ‘നിങ്ങൾ എപ്പോഴും ജീവിച്ചിരിക്കുമെന്ന് കരുതുന്നുണ്ടോയെന്ന്’ ചോദിക്കുന്നതും കേള്ക്കാം.
This is absolutely horrifying! A daughter torturing her own mother @cmohry @police_haryana @DGPHaryana @PMOIndia, urgent action is needed! Identify and punish the culprit. #JusticeForMother"pic.twitter.com/TGefDrIcdU
— Goonj - A voice of change (@avoiceofchange_) February 27, 2025
റീത്തയ്ക്കെതിരേ അവരുടെ സഹോദരന് പോലീസില് പരാതി നല്കിയിട്ടുണ്ട്. രണ്ട് വര്ഷം മുമ്പ് രാജ്ഗഢിനടുത്തുള്ള ഗ്രാമത്തിലേക്ക് റീത്തയെ വിവാഹം കഴിപ്പിച്ച് അയച്ചതാണെന്നും എന്നാല് താമസിയാതെ അവരും ഭര്ത്താവ് സഞ്ജയ് പുനിയയും തങ്ങളുടെ വീട്ടിലേക്ക് മടങ്ങിയെന്നും സഹോദരന് അമര്ദീപ് സിംഗ് പരാതിയില് പറഞ്ഞു. തുടര്ന്ന് സ്വത്തിന് വേണ്ടി അവര് അമ്മയെ ഉപദ്രവിക്കാന് തുടങ്ങിയെന്നും ഭര്ത്താവിനെയും തങ്ങളോടൊപ്പം താമസിക്കാന് നിര്ബന്ധിച്ചുവെന്നും പരാതിയില് പറയുന്നു.
കുരുക്ഷേത്രയിലുള്ള ഒരു കുടുംബസ്വത്ത് വിറ്റ 65 ലക്ഷം രൂപ റീത്ത കൈക്കലാക്കിയെന്നും അത് അമ്മയുടെ പേരിലാക്കാന് ശ്രമിച്ചതിനാല് അവര് അമ്മയെ തടവിലാക്കിയെന്നും സിംഗ് ആരോപിച്ചു. താന് വീട്ടിലെത്തുന്നത് റീത്ത വിലക്കിയെന്നും തനിക്കെതിരേ തെറ്റായ ആരോപണങ്ങള് ഉന്നയിക്കുമെന്ന് ഭീഷണിപ്പെടുത്തുകയും ചെയ്തതായി സിംഗ് അവകാശപ്പെട്ടു. അതേസമയം, ഭാരതീയ ന്യായ സംഹിത പ്രകാരവും 2007ലെ മുതിര്ന്ന പൗരന്മാരുടെ പരിപാല, ക്ഷേമ നിയമപ്രകാരം റീത്തയ്ക്കെതിരേ കേസ് രജിസ്റ്റര് ചെയ്തിട്ടുണ്ട്. സംഭവത്തില് കൂടുതല് അന്വേഷണം നടന്നു വരികയാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)