Pulsar Suni: ഹോട്ടലിൽ ആക്രമണം: പൾസർ സുനിയുടെ ജാമ്യം റദ്ദാക്കാൻ നീക്കം

Report To Cancel Pulsar Suni Bail: പൾസർ സുനിക്കെതിരെ വിചാരണ കോടതിയിൽ റിപ്പോർട്ട് സമർപ്പിച്ചു. ജാമ്യ വ്യവസ്ഥകൾ ലംഘിച്ചുവെന്നാണ് സംഘം കോടതിയിൽ അറിയിച്ചിരിക്കുന്നത്.

കൊച്ചി: നടിയെ ആക്രമിച്ച കേസിലെ മുഖ്യപ്രതി പൾസർ സുനിയുടെ ജാമ്യം റദ്ദാക്കാൻ അന്വേഷണസംഘത്തിന്റെ നീക്കം. വിചാരണ കോടതിയിൽ അന്വേഷണ സംഘം റിപ്പോർട്ട് സമർപ്പിച്ചു.

Add Zee News as a Preferred Source

ജാമ്യത്തിൽ ഇറങ്ങിയ ശേഷം മറ്റൊരു കേസിൽ പ്രതിയായ കാര്യം അന്വേഷണസംഘം കോടതിയെ അറിയിക്കും.  മാത്രമല്ല പൾസർ സുനിയുടെ ജാമ്യം റദ്ദാക്കി ജയിലിൽ അടയ്ക്കണമെന്ന് ആവശ്യപ്പെട്ടിട്ടുണ്ട്.

കഴിഞ്ഞ ദിവസം ഹോട്ടലിൽ അതിക്രമം നടത്തിയ സംഭവത്തിൽ സുനിക്കെതിരെ പോലീസ് കേസെടുത്തിരുന്നു. ഇതിന് പിന്നാലെയാണ് പൾസർ‌ സുനിയുടെ ജാമ്യം റദ്ദാക്കാനുളള നടപടികളിലേക്ക് നീങ്ങുന്നതിനുള്ള നടപടിയിലേക്ക് അന്വേഷണ സംഘം നീങ്ങുന്നത്. എറണാകുളം രായമംഗലത്തുള്ള ഹോട്ടലിൽ കയറി അതിക്രമം നടത്തിയതിനാണ് സുനിക്കെതിരെ കേസ് എടുത്തിരിക്കുന്നത്. 

ഭക്ഷണം വൈകിയതിന് ഹോട്ടൽ ജീവനക്കാർക്ക് നേരെ പൾസർ സുനി ഭീഷണിയുയർത്തുകയും അസഭ്യം പറയുകയും ചെയ്തിരുന്നുവെന്നും തുടർന്ന് ഹോട്ടലിലെ കുപ്പി ഗ്ലാസ്സുകൾ ഇയാൾ എറിഞ്ഞു പൊട്ടിച്ചുവെന്നും ഹോട്ടൽ ജീവനക്കാരുടെ പരാതിയിൽ വ്യക്തമാക്കുന്നുണ്ട്.  പരാതിയിൽ കുറുപ്പുംപടി പോലീസ് ഇയാൾക്കെതിരെ കേസ് എടുത്തിട്ടുണ്ട്.

സംഭവത്തിൽ പൾസർ സുനിയെ ഇന്നലെ അറസ്റ്റ് ചെയ്തിരുന്നു. നടിയെ ആക്രമിച്ചക്കേസിൽ കർശന ജാമ്യ വ്യവസ്ഥകളോടെ ജയിൽ മോചിതനായ ഒന്നാം പ്രതിയാണ് പൾസർ സുനി. 2024 സെപ്റ്റംബറിലാണ് കേസിൽ സുനി ജാമ്യത്തിൽ പുറത്ത് ഇറങ്ങിയത്. കർശനമായ വ്യവസ്ഥകളോടെയാണ് സുനിക്ക് ജാമ്യം അനുവദിച്ചിരിക്കുന്നത്.