Crime News: മദ്യപാനികൾ വലിച്ചെറിഞ്ഞ ബിയര്‍ കുപ്പി ദേഹത്ത് വീണ് അഞ്ചു വയസ്സുകാരന് പരിക്ക്; സംഭവം കാട്ടാക്കടയിൽ

Crime News: കാട്ടാക്കടയിലെ സ്വകാര്യ ബാറിലെത്തിയവർ തമ്മിലുള്ള തർക്കത്തിടെയാണ് ബിയർ കുപ്പി കൊണ്ടുള്ള അക്രമം ഉണ്ടായതിന്നാണ് റിപ്പോർട്ട്.

തിരുവനന്തപുരം: കാട്ടാക്കടയിൽ മദ്യപാനികൾ വലിച്ചെറിഞ്ഞ ബിയർ കുപ്പി ദ്ദേഹത്തേക്ക് വീണ് അഞ്ചുവയസ്സുകാരന് പരിക്ക്. കള്ളിക്കാട് അരുവിക്കുഴി സ്വദേശി ആദം ജോണിനാണ്  പരിക്കേറ്റത്. ആദം ജോണിന്റെ പിതാവ് രജനീഷിനും പരിക്കേറ്റതായിട്ടാണ് റിപ്പോർട്ട്.

Add Zee News as a Preferred Source

കാട്ടാക്കടയിലെ സ്വകാര്യ ബാറിലെത്തിയവർ തമ്മിലുള്ള തർക്കത്തിടെയാണ് ബിയർ കുപ്പി കൊണ്ടുള്ള അക്രമം ഉണ്ടായതിന്നാണ് റിപ്പോർട്ട്. ബാറിന് പുറത്തു നിന്നെത്തിയ കാറിൽ ഉള്ളവരും ബാറിനകത്ത് ഉണ്ടായിരുന്ന 'ഒരു വിഭാഗവുമായി വാക്ക് തർക്കം ഉണ്ടാവുകയും ഇത് കയ്യാങ്കളിയിലേക്ക് നീങ്ങുകയുമായിരുന്നു.

ഇതിനിടെ ബാറിൽ നിന്നിറങ്ങി വന്നവർ കയ്യിൽ ഉണ്ടായിരുന്ന ബിയർ കുപ്പി റോഡിലേക്ക് വലിച്ചെറിഞ്ഞു പൊട്ടിക്കുകയും ഈ സമയം ഇതുവഴി യാത്ര ചെയ്യുകയായിരുന്ന കുഞ്ഞിനും പിതാവിനും പരിക്കേൽക്കുകയുമായിരുന്നു. കുഞ്ഞിൻറെ നെഞ്ചിലും കാലിലും ബിയർ കുപ്പിയുടെ ചില്ലുകൾ പതിച്ചു. കുട്ടിയെ ഉടൻ തന്നെ കാട്ടാക്കടയിലെ പ്രാഥമിക ആരോഗ്യ കേന്ദ്രത്തിൽ എത്തിച്ചെങ്കിലും വിദഗ്ധ ചികിത്സയ്ക്കായി നെയ്യാറ്റിൻകരയിലേക്ക് കൊണ്ടുപോയി. കാട്ടാക്കട എസ്ഐയുടെയും സിഐയുടെയും  നേതൃത്വത്തിൽ അക്രമം നടത്തിയവർക്കെതിരെ അന്വേഷണം ആരംഭിച്ചിട്ടുണ്ട്.