 "Kochi Drug Trafficking: കൊച്ചിയിൽ ഫ്ലാറ്റ് വാടകയ്ക്കെടുത്ത് ലഹരിവിൽപന; എംബിഎക്കാരിയടക്കം 4 പേർ പിടിയിൽ")
കൊച്ചി: എളംകുളത്ത് ഫ്ലാറ്റ് വാടകയ്ക്കെടുത്ത് ലഹരി മരുന്ന് വില്പ്പന നടത്തുന്ന സംഘം പിടിയില്. 115 ഗ്രാം എംഡിഎംഎ, 35 ഗ്രാം എംഡിഎംഎയുടെ പില്സ്, രണ്ട് ഗ്രാം കഞ്ചാവ്, കഞ്ചാവ് കൃഷിചെയ്യുന്നതിനുള്ള സജ്ജീകരണങ്ങൾ എന്നിവയുമായി ഒരു സ്ത്രീയടക്കം നാലു പേരാണ് അന്വേഷണ സംഘത്തിന്റെ പിടിയിലായത്.
പോലീസ് അന്വേഷിച്ചെത്തിയതിനെ തുടര്ന്ന് പ്രതികള് തൊണ്ടിമുതല് നശിപ്പിക്കാന് ശ്രമിക്കുകയും ബല പ്രയോഗം നടത്തുകയും ചെയ്തിരുന്നുവെന്നാണ് റിപ്പോർട്ട്. മലപ്പുറം കോഴിക്കോട് സ്വദേശികളായ അബു ഷാമില്, ഷാമില്, ദിയ, ഫിജാസ് എന്നിവരാണ് പോലീസ് പിടിയിലായത്. ഇതോടെ ലഹരി വിതരണത്തിന്റെ വലിയൊരു ശൃംഖലയിലേക്കാണ് പോലീസ് എത്തിയിരിക്കുന്നത് എന്നാണ് റിപ്പോർട്ട്. പിടിയിലായ ദിയ എംബിഎ കഴിഞ്ഞ് നിലവിൽ ജോലി ചെയ്യുകയാണ്. മറ്റൊരാള് അക്കൗണ്ടന്റാണ്.
ഇവർ ഫ്ലാറ്റ് ഇരുപതിനായിരം രൂപക്ക് വാടകയ്ക്ക് എടുത്താണ് ലഹരിമരുന്ന് വില്പ്പന നടത്തിയിരുന്നത്. പോലീസിന് ലഭിച്ച വിവരത്തിന്റെ അടിസ്ഥാനത്തില് ലഹരി പിടികൂടുന്നതിനായി ഫ്ലാറ്റിൽ എത്തിയപ്പോൾ പ്രതികൾ ബലപ്രയോഗത്തിലൂടെ വാതിൽ അടയക്കാന് ശ്രമിക്കുകയും പോലീസ് ആ നീക്കം തകര്ക്കുകയുമായിരുന്നു എന്നാണ്. ഇതിന് പിന്നാലെയാണ് ഇവര് ലഹരി വസ്തുക്കള് നശിപ്പിക്കാന് ശ്രമിച്ചത്.
ഇവർ എംഡിഎംഎയുടെ പില്സ് അടക്കമുള്ളവ ശുചിമുറിയില് എറിഞ്ഞ് നശിപ്പിക്കാന് ശ്രമിച്ചു. പക്ഷെ പോലീസ് ഇത് തന്ത്രപരമായി വീണ്ടെടുത്തു. ഇവരിൽ നിന്നും ലഹരിവസ്തുക്കള് കൂടാതെ ഒന്നര ലക്ഷം രൂപയും പോലീസ് കണ്ടെടുത്തിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)