 "Govindachamy Prison Break: ഗോവിന്ദച്ചാമിയെ ജയില് മാറ്റും; മാറ്റുന്നത് വിയ്യൂരിലെ അതീവ സുരക്ഷാ ജയിലിലേക്ക്")
കണ്ണൂർ: കണ്ണൂർ സെൻട്രൽ ജയിലിൽ നിന്ന് രക്ഷപ്പെട്ട ഗോവിന്ദച്ചാമിയെ ജയില് മാറ്റും. കണ്ണൂര് സെന്ട്രല് ജയിലില് നിന്നും വിയ്യൂര് ജയിലിലേക്കാണ് ഗോവിന്ദച്ചാമിയെ മാറ്റുക. വിയ്യൂരിലെ അതീവ സുരക്ഷാ ജയിലിലേക്കാണ് മാറ്റുന്നതെന്നാണ് ലഭിക്കുന്ന വിവരം. ഷൊർണൂരിൽ യുവതിയെ ട്രെയിനിൽ നിന്ന് തള്ളിയിട്ട് ബലാത്സംഗം ചെയ്ത് കൊന്ന ഗോവിന്ദച്ചാമി കണ്ണൂർ ജയിലിൽ ജീവപര്യന്തം ശിക്ഷ അനുഭവിക്കുകയായിരുന്നു.
മാസങ്ങൾ നീണ്ട ആസൂത്രണത്തിന് ഒടുവിലാണ് ഇന്ന് പുലർച്ചെ ഗോവിന്ദച്ചാമി ജയില് ചാടിയത്. സെല്ലിന്റെ കമ്പികൾ നേരത്തെ മുറിച്ചു തുടങ്ങി. കമ്പി ശ്രദ്ധയിൽപെടാതിരിക്കാൻ തുണി കെട്ടി മറച്ചു. സെല്ലിന്റെ കമ്പിയുടെ താഴ്ഭാഗമാണ് മുറിച്ചത്. ശബ്ദം കേൾക്കാതിരിക്കാൻ വെളിച്ചെണ്ണ ഉപയോഗിച്ചു. അന്തേവാസിയിൽ നിന്ന് കിട്ടിയ ബ്ലേഡ് ഉപയോഗിച്ചാണ് ജയിലഴികൾ മുറിച്ചതെന്നാണ് വിവരം. ജയിൽ മോചിതരായവരുടെ തുണികൾ ശേഖരിച്ചു. വീപ്പയുടെ മുകളിൽ കയറി ഫെൻസിങ്ങിൻ്റെ തൂണിൽ കെട്ടിയാണ് ജയിൽ ചാടിയതെന്നാണ് മൊഴി.
സംസ്ഥാനം വിടാൻ ഗോവിന്ദചാമി ലക്ഷ്യമിട്ടിരുന്നെന്നും റിപ്പോർട്ടുണ്ട്. ജയിലിൽ ഗുരുതര വീഴ്ച്ചയുണ്ടായെന്നാണ് കണ്ടെത്തൽ. ജയിലിലെ ഗുരുതര സുരക്ഷാ വീഴ്ചയിൽ നാല് ഉദ്യോഗസ്ഥരെ സസ്പെൻ്റ് ചെയ്തു. സെല്ലിന്റെ അഴി മുറിച്ച് ഏഴരമീറ്റർ ഉയരമുള്ള മതിലും ചാടി ഒറ്റക്കയ്യൻ കൊലയാളി രക്ഷപ്പെട്ടിട്ടും അധികൃതർ അറിഞ്ഞത് മണിക്കൂറുകൾ വൈകിയാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)