 "Surat Murder-Suicide: രണ്ട് മക്കളെ കൊന്ന് കായികാധ്യാപകൻ ജീവനൊടുക്കി; ഭാര്യയും കാമുകനും പിടിയിൽ!")
സംഭവം നടന്നത് ഗുജറാത്തിലെ സൂറത്തിലാണ്. സൂറത്തിലെ കായികാധ്യാപകനായ അല്പേഷ് സൊളാങ്കിയാണ് രണ്ട് ആണ്മക്കളെ കൊലപ്പെടുത്തിയ ശേഷം ആത്മഹത്യ ചെയ്തത്.
ഭാര്യയ്ക്ക് സഹപ്രവര്ത്തകനുമായുള്ള അടുപ്പവും ഭാര്യയുടെ ഉപദ്രവവും കാരണമാണ് താനീ കടുംകൈ ചെയ്തതെന്നാണ് അധ്യാപകന്റെ ആത്മഹത്യാക്കുറിപ്പ്. സംഭവവുമായി ബന്ധപ്പെട്ട് അല്പേഷിന്റെ ഭാര്യ ഫാല്ഗുനിയേയും ഇവരുടെ കാമുകന് നരേഷ് റാത്തോഡിനേയും പോലീസ് അറസ്റ്റ് ചെയ്തിട്ടുണ്ട്. ഇവർക്കെതിരെ ആത്മഹത്യാ പ്രേരണാക്കുറ്റം ചുമത്തിയാണ് അറസ്റ്റ് ചെയ്തത്.
അധ്യാപകനായ അല്പേഷ് എഴുതിയ എട്ടുപേജുള്ള ആത്മഹത്യാക്കുറിപ്പും രണ്ട് ഡയറികളും നേരത്തേ റെക്കോഡ് ചെയ്ത് സൂക്ഷിച്ച മൂന്ന് വീഡിയോ ദൃശ്യങ്ങളും പോലീസ് കണ്ടെടുത്തിട്ടുണ്ട്. ഇതെല്ലാം പരിശോധിച്ചതിന് ശേഷമാണ് ഭാര്യയെയും കാമുകനെയും പോലീസ് അറസ്റ്റ് ചെയ്തത്. അല്പേഷിന്റെ ഭാര്യയും നരേഷ് റാത്തോഡും ജില്ലാ പഞ്ചായത്ത് ഓഫീസിലെ ജീവനക്കാരാണ്. നാലുവര്ഷമായി ഇരുവരും അടുപ്പത്തിലാണ്. ഈ ബന്ധത്തെ തുടര്ന്നുണ്ടായ പ്രശ്നങ്ങളാണ് അധ്യാപകന്റെ ആത്മഹത്യയിലേക്ക് നയിച്ചതെന്നാണ് പോലീസ് വ്യക്തമാക്കുന്നത്.
എട്ടുപേജുള്ള ആത്മഹത്യാക്കുറിപ്പില് നരേഷുമായുള്ള ഭാര്യയുടെ ബന്ധത്തെക്കുറിച്ചാണ് അല്പേഷ് കുറിച്ചിരിക്കുന്നത്. 200 പേജുള്ള രണ്ട് ഡയറികളും വീട്ടിലുണ്ടായിരുന്നു. ഇതിലൊന്ന് മാതാപിതാക്കള്ക്കും സഹോദരങ്ങള്ക്കും വേണ്ടിയുള്ളതായിരുന്നു. രണ്ടാമത്തെ ഡയറിയില് പൂര്ണമായും ഭാര്യയെക്കുറിച്ചാണ് അല്പേഷ് എഴുതിയിരുന്നത് എന്നാണ് റിപ്പോർട്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)