 "Illegal Liquor: നെടുമങ്ങാട് വൻ ലഹരി വേട്ട; 30 കുപ്പി വിദേശ മദ്യവും ഒന്നരലക്ഷം രൂപയുടെ പാൻമസാലയും പിടികൂടി")
തിരുവനന്തപുരം: തിരുവനന്തപുരം നെടുമങ്ങാട് അനധികൃതമായി സൂക്ഷിച്ച വിദേശ മദ്യവും ഒന്നരലക്ഷം രൂപയുടെ പാൻ മസാല ഉത്പന്നങ്ങളും പിടികൂടി. വീട്ടിൽ സൂക്ഷിച്ചിരുന്ന 30 കുപ്പി വിദേശ മദ്യവും പാൻ മസാല ഉത്പന്നങ്ങളുമാണ് പിടികൂടിയത്.
നെടുമങ്ങാട് എക്സൈസ് സംഘം നടത്തിയ പരിശോധനയിലാണ് വിദേശ മദ്യവും പാൻമസാല ഉത്പന്നങ്ങളും പിടികൂടിയത്. സംഭവത്തിൽ നെടുമങ്ങാട് പുലിപ്പാറ സ്വദേശി ആനന്ദകുമാർ (45) നെ എക്സൈസ് സിഐ അനിൽകുമാറിന്റെ നേതൃത്വത്തിൽ പിടികൂടി.
ഇയാളുടെ വീടിനകത്തെ ബെഡ്റൂമിൽ സൂക്ഷിച്ചിരുന്ന 30 കുപ്പി വിദേശ മദ്യവും അഞ്ച് ചാക്ക് പാൻ മസാല ഉത്പന്നങ്ങളുമാണ് എക്സൈസ് സംഘം പിടികൂടിയത്. സ്കൂട്ടറിലാണ് ഇയാൾ മദ്യവും പാൻ മസാലയും വിൽപ്പന നടത്തുന്നത്.
സ്കൂൾ, കോളേജ് വിദ്യാർഥികൾക്കാണ് മദ്യവും ലഹരി വസ്തുക്കളും വിൽപ്പന നടത്തുന്നത്. ഇതിന് മുമ്പും ഇയാൾക്കെതിരെ എക്സൈസ് കേസെടുത്തിട്ടുണ്ട്. ശനിയാഴ്ച രാവിലെയാണ് എക്സൈസ് സംഘം ഇയാളെ പിടികൂടിയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)