 "Kirti Patel Honey Trap: വ്യവസായിയെ ഹണിട്രാപ്പിൽപെടുത്തി തട്ടിയത് 2 കോടി രൂപ; ഇൻസ്റ്റഗ്രാം താരം അറസ്റ്റിൽ")
വ്യവസായിയെ ഹണിട്രാപ്പിൽ പെടുത്തി 2 കോടി രൂപ തട്ടിയ ഇൻസ്റ്റഗ്രാം താരം അറസ്റ്റിലായി. ഗുജറാത്തിലെ സൂറത്ത് സ്വദേശിയായ കീര്ത്തി പട്ടേലാണ് പിടിയിലായത്. പത്തുമാസം നീണ്ട അന്വേഷണത്തിന് ശേഷം അഹമ്മദാബാദില് നിന്നാണ് യുവതിയെ പൊലീസ് പിടികൂടിയത്. കേസിലെ ബാക്കി നാല് പ്രതികളെ പൊലീസ് മുമ്പേ പിടികൂിയിരുന്നു. ഇപ്പോൾ പത്തു മാസത്തോളം നീണ്ട അന്വേഷണത്തിന് ഒടുവിലാണ് കീർത്തി പട്ടേലിനെ പിടികൂടുന്നത്.
ഗുജറാത്തിലെ കെട്ടിടനിര്മാണ വ്യവസായിയെ ഹണിട്രാപ്പില് കുരുക്കി കീര്ത്തി പട്ടേലും സംഘവും പണം തട്ടിയെന്നാണ് കേസ്. കഴിഞ്ഞ വര്ഷമാണ് വ്യവസായി പോലീസില് പരാതി നല്കുന്നത്. ഭൂമി തര്ക്കം ചര്ച്ച ചെയ്യാനെന്ന വ്യാജേന കീര്ത്തി പട്ടേലും കൂട്ടാളികളും വ്യവസായിയെ ഒരു ഫാംഹൗസിലേക്ക് വിളിച്ചുവരുത്തി. തുടര്ന്ന് മദ്യംനല്കി ബോധരഹിതനാക്കി. ശേഷം വിവസ്ത്രനാക്കി നഗ്നയായ യുവതിക്കൊപ്പം നിര്ത്തി ദൃശ്യങ്ങള് പകര്ത്തുകയായിരുന്നു. പിന്നീട് ഈ ദൃശ്യങ്ങള് പ്രചരിപ്പിക്കുമെന്ന് ഭീഷണിപ്പെടുത്തിയാണ് പ്രതികള് പണം തട്ടിയത്.
സംഭവത്തില് വ്യവസായി പരാതി നല്കിയതിന് പിന്നാലെ പൊലീസ് കേസെടുക്കുകയും അന്വേഷണം ആരംഭിക്കുകയും ചെയ്തിരുന്നു. കീര്ത്തി പട്ടേലിന്റെ കൂട്ടാളികളായ ഒരു യുവതി അടക്കം നാലുപേരെ പിടികൂടിയെങ്കിലും കീര്ത്തിയെ മാത്രം കണ്ടെത്താനായില്ല. പോലീസിനെ വെട്ടിച്ച് വിവിധനഗരങ്ങളിലായി ഒളിവിലായിരുന്നു കീര്ത്തി. ഇന്സ്റ്റഗ്രാമില് പത്തുലക്ഷത്തിലേറെ ഫോളോവേഴ്സുള്ള സോഷ്യല് മീഡിയ ഇന്ഫ്ളുവന്സറാണ് കീര്ത്തി പട്ടേല്. ഹണിട്രാപ്പ് കേസിന് പുറമേ ഭൂമി കയ്യേറ്റത്തിനും ഭീഷണിപ്പെടുത്തി പണം തട്ടിയതിനും യുവതിക്കെതിരേ കേസെടുത്തിട്ടുണ്ടെന്നും പോലീസ് വ്യക്തമാക്കി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)